photo- social media
घटनेचे गांभीर्य ओळखून पोलिसांनी तात्काळ तपास सुरू केला. पोलीस अधीक्षक यांच्या सूचनेनुसार मसूर पोलीस ठाण्याच्या पथकाने स्थानिक सीसीटीव्ही फुटेज तपासले. सदर मुलगा मसूर एसटी स्टँडसमोरील दुकानातून पाठीवरची बॅग खरेदी करून वडापने उंब्रजकडे गेल्याचे निष्पन्न झाले. तपासादरम्यान मुलाने घरातून कोणास न सांगता ₹४६,०००/- रोख रक्कम सोबत नेल्याचे उघडकीस आले. सातारा सायबर पोलीस ठाण्याच्या मदतीने तांत्रिक विश्लेषण केले असता, अपहरणाची माहिती खोटी असल्याचे प्रथमदर्शनी स्पष्ट झाले. नातेवाईकांनाही तपासाची माहिती दिल्यानंतर त्यांचाही अपहरणाच्या बनावावर विश्वास बसला.
तांत्रिक माहितीच्या आधारे स्थानिक गुन्हे शाखेचे पथक तत्काळ पुण्याकडे रवाना झाले. पुण्यातील येरवडा, लक्ष्मीनगर परिसरातून या अल्पवयीन मुलाला सुखरूप ताब्यात घेण्यात आले. चौकशीदरम्यान, भीतीपोटी आपण अपहरणाचा हा बनाव रचल्याचे मुलाने कबूल केले. आवश्यक त्या सर्व कायदेशीर प्रक्रिया पूर्ण केल्यानंतर मुलास सुरक्षितपणे त्याच्या नातेवाईकांच्या ताब्यात देण्यात आले.
सदरची उल्लेखनीय कामगिरी पोलीस अधीक्षक निखिल पिंगळे अप्पर पोलीस अधीक्षक डॉ. वैशाली कडूसकर, उपविभागीय पोलीस अधिकारी राजश्री पाटील यांच्या मार्गदर्शनाखाली स्थानिक गुन्हे शाखेचे पो.नि. गोडके, स.पो.नि. अभिजित यादव व पथकातील. सायबर पोलीस ठाणे, सातारा: स.पो.नि. राजेश माळी, मसूर पोलीस ठाण्याचे स.पो.नि. आदिनाथ खरात, पोलीस उपनिरीक्षक सुधाकर भोसले, लावंड, सूर्यकांत पवार, अशोक पाटील, महेश घाटुकडे. यांनी तपासकामी प्रयत्न केले.
.png "Videos"){kind=small}
