Satara News: इको सेव कंपनीकडून नुकसानीची पूर्ण वसुली करणार; नगराध्यक्ष अमोल मोहिते यांचा कडक इशारा

सातारा सोनगाव कचरा डेपो आगीप्रकरणी नगराध्यक्ष अमोल मोहिते यांनी इको सेव कंपनीवर कठोर कारवाई जाहीर केली आहे. कंपनीवर गुन्हा दाखल झाला असून नुकसानीची वसुली केली जाणार आहे.

 

• इको सेव कंपनीकडून नुकसानीची पूर्ण वसुली करणार
• नगराध्यक्ष अमोल मोहिते यांचा कडक इशारा

सातारा दिनांक 13 प्रतिनिधी: संपूर्ण सातारकर जनतेने आम्हाला विश्वासाने नगरपालिकेत निवडून दिले आहे. त्यांच्या आरोग्याची काळजी घेणे आणि पारदर्शी प्रशासन करणे हे आमचे काम आहे. सोनगाव कचरा डेपोच्या वनवा प्रकरणांमध्ये झालेल्या नुकसानीचा कायदेशीर आढावा घेऊन त्याची वसुली ठेकेदार इको सेव या कंपनीकडून करण्यात येणार आहे. त्या कंपनीचे संचालक पुनीत सिसोदिया यांच्यावर सातारा तालुका पोलीस ठाण्यात गुन्हा नोंद करण्यात आला आहे अशी माहिती साताऱ्याचे नगराध्यक्ष अमोल मोहिते यांनी दिली. यावेळी आयोजित पत्रकार परिषदेत उपनगराध्यक्ष एडवोकेट दत्ता बनकर, आरोग्य सभापती धनंजय जांभळे,नियोजन सभापती अशोक शेडगे इत्यादी उपस्थित होते

अमोल मोहिते पुढे म्हणाले गेल्या चार दिवसापासून सोनगाव येथील कचरा डेपो मध्ये लागलेल्या आगीवर नियंत्रण मिळवण्याचे काम युद्ध पातळीवर सुरू आहे. पालिकेचे पदाधिकारी आरोग्य यंत्रणा तसेच अग्निशमन यंत्रणा गेल्या चार दिवसापासून कचरा डेपोवर तळ ठोकून आहे .पावर हाऊस येथील काही पाण्याच्या लाईन या कामासाठी वळवण्यात आले असून अग्निशमन यंत्रणांना तातडीने पाणी उपलब्ध होण्याच्या दृष्टीने आमचे प्रयत्न आहेत.

संबंधित ठेकेदार कंपनीने हा ठेका अंतर्गत करार करून शिवानंद बायोटेक यांना हस्तांतरित केला होता तरीसुद्धा कंपनीची जबाबदारी संपत नाही या नुकसानीची संपूर्ण कायदेशीर माहिती घेऊन पालखीच्या नुकसानीचे संपूर्ण रक्कम वसूल करणार आहोत तसेच कंपनीची अनामत जप्त केली जाईल त्यांची बिले दिले जाणार नाही अशी घोषणा नगराध्यक्षांनी केली.

Satara News: गॅस टंचाईबाबत महाविकास आघाडीचे आंदोलन, जिल्हाधिकाऱ्यांना दिले निवेदन

या प्रकरणांमध्ये पालिकेच्या आरोग्य विभागाचे जे कर्मचारी कर्तव्य कसुरी सापडले त्यांच्यावर कारणे दाखवा नोटीस बजावण्यात आली असून कामात हयगय करणाऱ्यांना पाठीशी घातले जाणार नाही असा इशारा त्यांनी दिला. तसेच प्रशासकीय काळातील ठेक्याचे ऑडिट नक्की केले जाईल असे नगराध्यक्ष अमोल मोहिते यांनी पत्रकारांच्या प्रश्नाला उत्तर देताना सांगितले.

उपनगराध्यक्ष वकील दत्ता बनकर म्हणाले इको सेव्ह या कंपनीशी झालेल्या कराराप्रमाणे संकलित होणाऱ्या कचऱ्याची विल्हेवाट लावणे ही त्यांची जबाबदारी होती मात्र ती पार पाडली गेली नाही. सोलर सिस्टिम च्या संदर्भात बोलताना ते म्हणाले आगीच्या धगीमुळेया सिस्टीमचे ती नुकसान झाले आहे याचा संपूर्ण आढावा घेतला जाईल. राज्य सरकारच्या काही तांत्रिक परवानगी अद्याप न मिळाल्याने सोलर सिस्टम अद्याप सुरू झाले नसल्याचे स्पष्टीकरण उपनगराध्यक्ष ॲडव्होकेट दत्ता बनकर यांनी दिले .सोनगावच्या कचरा डेपो मध्ये येणारा कचरा हा वर्गीकृत होऊनच संकलित होईल तसेच येथील सर्व व्यवस्था पुन्हा नव्याने अद्ययावत करण्यात येतील असे आश्वासन एडवोकेट दत्ता बनकर यांनी दिले.

Satara News: महिला शक्तीचा जागर! महिला अधिकारी-कर्मचाऱ्यांची भव्य साताऱ्यात बाईक रॅली