“सौंदर्य पाहून आदित्य ठाकरेंनी ‘या’ महिलेला खासदारकी दिली…”; शिंदे गटातील कोणत्या नेत्याच्या खळबळजनक दावा, ठाकरे गटाकडून संतप्त प्रतिक्रिया

सध्या पावसाळी अधिवेशन सुरु आहे. यात सत्ताधारी आणि विरोधक आमनेसामने येताहेत. राज्यातील सत्तांतरानंतर शिंदे गट व ठाकरे गट अनेकवेळा आमनेसामने आले आहेत. यानंतर आता शिंदे गटाचे आमदार संजय शिरसाट यांनी पुन्हा एकदा वादग्रस्त वक्तव्य केलं आहे.

मुंबई – राज्यात जून २०२२ मध्ये शिंदे गटाने शिवसेनेतून बंड केल्यानंतर राजकीय घडामोडी अत्यंत वेगाने घडत आहेत. एकनाथ शिंदेंच्या बंडानंतर आता २ जूलै रोजी राष्ट्रवादी काँग्रसमधून अजित पवारांनी (Ajit pawar) बंड करत भाजपासोबत सत्तेत सहभागी झाले आहेत. त्यामुळं विरोधी पक्षच कमकुवत झाला आहे. दुसरीकड सध्या पावसाळी अधिवेशन सुरु आहे. यात सत्ताधारी आणि विरोधक आमनेसामने येताहेत. राज्यातील सत्तांतरानंतर शिंदे गट व ठाकरे गट अनेकवेळा आमनेसामने आले आहेत. यानंतर आता शिंदे गटाचे आमदार संजय शिरसाट यांनी पुन्हा एकदा वादग्रस्त वक्तव्य केलं आहे. त्यामुळं यावर ठाकरे गटाकडून याचा चांगलाच समाचार घेण्यात येत आहे. (Seeing the beauty, Aditya Thackeray gave ‘this’ woman MP…”; Sensational claim by which leader of Shinde group, angry reaction from Thackeray group)

See more

मी कशी दिसते आणि मी जिथे आहे तिथे का आहे हे मला एका गद्दार व्यक्तीने सांगायची गरज नाही, ज्याने 50 खोक्यांसाठी आपला आत्मा आणि प्रामाणिकपणा विकला. संजय शिरसाट हे राजकारण आणि महिलांबद्दलच्या त्यांच्या विचारांमधील व्यापक आजाराचे एक उत्तम उदाहरण आहे, ते त्यांच्या टिप्पण्यांमधून… — Priyanka Chaturvedi?? (@priyankac19) July 30, 2023

सौंदर्य पाहून खासदारकी…

दरम्यान, शिवसेनेचे (ठाकरे गट) पक्षप्रमुख उद्धव ठाकरे यांनी शनिवारी (२९ जुलै, रविवारी) ठाण्यात हिंदी भाषिक कार्यकर्त्यांचा मेळावा घेत शिंदे गटावर हल्लाबोल केला. यावेळी ठाकरे गटाच्या राज्यसभेच्या खासदार प्रियंका चतुर्वेदी यांनीही शिंदे गटाच्या आमदारांना गद्दार म्हणत टीका केली. याला प्रत्युत्तर देताना शिंदे गटाचे आमदार संजय शिरसाट यांनी मोठा खळबळजनक दावा केला आहे. “आदित्य ठाकरेंनी प्रियंका चतुर्वेदी यांचे सौदर्य पाहून त्यांना राज्यसभेची खासदारकी दिली”, असं धक्कादायक वक्तव्य शिंदे गटाचे संजय शिरसाट यांनी केला. यावर ठाकरे गटाकडून संतप्त प्रतिक्रिया उमटत आहेत. माजी महापौर किशोरी पेडणेकर यांनी सौदर्य पाहून त्यांच्याकडे उमेदवारी दिली जाते, अशी टिका केली आहे.

सडक्या मेंदूचे लोक…

दुसरीकडे शिरसाटांनी हा दावा करताना त्यांनी ठाकरे गटाचे नेते चंद्रकांत खैरे यांचाही उल्लेख केला. खैरे यांनी याआधी अंस म्हटलं होतं, असं शिरसाट म्हणाले आहेत. दरम्यान, यावर आमदार आदित्य ठाकरेंनी शिरसाटांना सडक्य मेंदूचे लोकं, असंच बोलणार जिथे जे आहेत त्यांची आता काय परिस्थिती आहे, काय जागा आहे, त्यामुळं ते असेच बोलणार अशी टिका आदित्य ठाकरेंनी केली आहे. तर “मी कशी दिसते आणि मी जिथे आहे तिथे का आहे हे मला एका गद्दार व्यक्तीने सांगायची गरज नाही, ज्याने 50 खोक्यांसाठी आपला आत्मा आणि प्रामाणिकपणा विकला.संजय शिरसाट हे राजकारण आणि महिलांबद्दलच्या त्यांच्या विचारांमधील व्यापक आजाराचे एक उत्तम उदाहरण आहे, ते त्यांच्या टिप्पण्यांमधून स्वतःचे असभ्य चारित्र्य निश्चितपणे प्रदर्शित करतात, यात आश्चर्य नाही की भाजपने त्यांना त्यांच्यासोबत ठेवले आहे. त्यांनी ट्वीट करत ही प्रतिक्रिया दिली.