काँग्रेसच्या ‘त्या’ आमदारांच्या चौकशी करणार दिल्लीचे वरिष्ठ नेते

सोमवारी विधानसभेत शिंदे सरकारवर सकाळी अकरा वाजता विश्वासदर्शक ठराव मांडण्यात आला. हा ठराव सभागृहात मांडला आणि मतदानासाठी सभागृहाची दारे बंद करून घेण्यात आली. त्यामुळे काँग्रेसचे काही आमदार विधान भवनात पोहोचले पण त्यांना सभागृहात जाता आले नाही.

मुंबई : विधानसभेत (VidhanSabha) मुख्यमंत्री एकनाथ शिंदे (CM Eknath Shinde) यांच्या सरकारवरील विश्वासदर्शक ठरावावरील (Floor Testing) मतदानावेळी (Voting) काँग्रेसचे ११ आमदार अनुपस्थित होते (Congress’s 11 MLA Present). मतदानावेळी सभागृहात अनुपस्थित असणारे माजी मुख्यमंत्री अशोक चव्हाण, माजी मंत्री विजय वडेट्टीवार यांच्यासह अन्य ७ आमदारांना पक्षाने नोटीस बजावली (Show Cause Notice) आहे. या घटनेची चौकशी करण्यासाठी दिल्लीतील पक्ष श्रेष्ठींनी मोहन प्रकाश (Mohan Prakash) यांची नियुक्ती (Appointment) केली आहे. या आमदारांशी बोलून त्यानंतर पुढील कारवाई करण्यात येणार आहे.

सोमवारी विधानसभेत शिंदे सरकारवर सकाळी अकरा वाजता विश्वासदर्शक ठराव मांडण्यात आला. हा ठराव सभागृहात मांडला आणि मतदानासाठी सभागृहाची दारे बंद करून घेण्यात आली. त्यामुळे काँग्रेसचे काही आमदार विधान भवनात पोहोचले पण त्यांना सभागृहात जाता आले नाही. परिणामी विधानसभा अध्यक्ष पदासाठी झालेल्या निवडणुकीत मिळालेल्या मतांपेक्षा महाविकास आघाडीच्या बाजूने ९ कमी मते पडली.

विश्वासदर्शक ठराव जिंकल्यानंतर देवेंद्र फडणवीस यांनी ‘‘अनुपस्थित राहून अप्रत्यक्षपणे आम्हाला मदत करणाऱ्या अदृश्य हातांचा आभारी, असे विधान केले होते. या घडामोडीनंतर काँग्रेसचे ज्येष्ठ नेते आणि माजी मुख्यमंत्री पृथ्वीराज चव्हाण यांनी महाराष्टाचे प्रभारी एच.के. पाटील यांना पत्र लिहून कारवाईची मागणी केली होती. तसेच, काँग्रेस प्रदेशाध्यक्ष नाना पटोले यांनीही पक्षाध्यक्ष सोनिया गांधी यांना पत्र लिहिले आहे.

[read_also content=”टोयोटाची मुंबईत बी-एसयूव्ही ‘द अर्बन क्रूझर हायराइडर – सेल्फ चार्जिंग स्ट्राँग हायब्रीड इलेक्ट्रिक व्हेइकल’ लाँच https://www.navarashtra.com/automobile/toyota-launches-b-suv-the-urban-cruiser-hyryder-self-charging-strong-hybrid-electric-vehicle-in-mumbai-nrvb-302157.html”]

काँग्रेस नेतृत्वाने या गोष्टीची गंभीर दखल घेतली असून बहुमत चाचणीला गैरहजर असलेल्या आमदारांवर कारवाई करण्यात आली आहे. मतदानावेळी अनुपस्थित असलेल्या ११ पैकी ९ आमदारांना पक्षाने नोटीस बजावली आहे. काँग्रेसच्या आमदार प्रणिती शिंदे या न्यूयॉर्कला असल्यामुळे आणि जितेश अंतापूरकर यांचे लग्न असल्याने या दोन आमदारांनी उपस्थित राहू शकणार नसल्याची पूर्वकल्पना दिली होती. त्यामुळे हे दोन आमदार वगळता अन्य ९ आमदारांना पक्षाने नोटीस पाठविली आहे.

काँग्रेसच्या ९ आमदारांना नोटीस बजावण्यात आल्यानंतर या संदर्भात पुढील निर्णय काय असेल यासाठी प्रदेश कॉंग्रेसचे अध्यक्ष नाना पटोले हे नेत्या सोनिया गांधी यांची दिल्लीत भेट घेणार आहेत.

बहुमत चाचणीसाठी अनुपस्थित आमदार :

⇒ अशोक चव्हाण
⇒ विजय वडेट्टीवार
⇒ झिशान बाबा सिद्दीकी
⇒ धीरज विलासराव देशमुख
⇒ कुणाल पाटील
⇒ राजू आवळे
⇒ मोहन हंबर्डे
⇒ शिरीष चौधरी
⇒ माधवराव जवळगावकर