श्रीकांत शिंदे यांच्या पाठपुराव्याला यश! ठाकुर्ली रेल्वे फाटक ते म्हसोबा चौक उन्नत मार्गाची उभारणी होणार

श्रीकांत शिंदे यांच्या पाठपुराव्याला यश मिळाले आहे. याचे कारण म्हणजे आता लवकरच ठाकुर्ली रेल्वे फाटक ते म्हसोबा चौक उन्नत मार्गाची उभारणी होणार आहे.

• ठाकुर्ली रेल्वे फाटक ते म्हसोबा चौक उन्नत मार्गाची उभारणी होणार
• श्रीकांत शिंदे यांच्या पाठपुराव्याला यश
• या प्रकल्पाचा एकूण खर्च ६०.५३ कोटी रुपये

कल्याण-डोंबिवली महानगरपालिका क्षेत्रातील महत्त्वाचा ठाणे-कल्याण वाहतूक मार्ग सुकर करण्यासाठी ठाकुर्ली रेल्वे फाटक ते म्हसोबा चौकादरम्यानचा उर्वरित उन्नत मार्ग आणि १५ मीटर रुंद रस्ता विकसित करण्याचे काम गतीमान झाले आहे. या प्रकल्पाचा एकूण खर्च ६०.५३ कोटी रुपये असून, एमएमआरडीएकडून ३६ कोटी रुपयांची निविदा जाहीर करण्यात आली आहे. लवकरच प्रत्यक्ष कामाला सुरुवात होणार आहे.

या प्रकल्पासाठी कल्याण लोकसभा मतदारसंघाचे खासदार डॉ. श्रीकांत एकनाथ शिंदे यांनी सातत्याने पाठपुरावा केला होता. त्यांच्या प्रयत्नांना यश मिळत असून, दीर्घकाळ प्रलंबित राहिलेल्या या महत्त्वाच्या मार्गाला आता गती मिळणार आहे. यासाठी खासदार शिंदे यांनी मुख्यमंत्री देवेंद्र फडणवीस आणि उपमुख्यमंत्री एकनाथ शिंदे यांचे आभार मानले आहेत.

Nitin Gadkari on AI Agriculture: शेतकऱ्यांसाठी ‘वरदान’ ठरणार एआय; कृत्रिम बुद्धिमत्ता वापरून कृषी उत्पादनात वाढ होणार

मतदारसंघातील महत्त्वाकांक्षी प्रकल्पांना वेग

खासदार डॉ. शिंदे यांच्या पुढाकारातून कल्याण लोकसभा मतदारसंघात रस्ते काँक्रीटीकरण, कल्याण-शिळफाटा मार्ग, पलावा उड्डाणपूल, मुंब्रा वाय-जंक्शन, कल्याण रिंग रोड, मोठागाव-मानकोली उड्डाणपूल यांसह अनेक मोठे प्रकल्प मार्गी लागले आहेत. यामुळे वाहतुकीची कोंडी कमी होत असून, नागरिकांच्या प्रवासात मोठ्या प्रमाणावर सुलभता निर्माण झाली आहे.

नवीन उन्नत मार्गाची वैशिष्ट्ये

ठाकुर्ली लेव्हल क्रॉसिंग ते मानपाडा चौकादरम्यान उन्नत मार्ग (फ्लायओव्हर) आणि १५ मीटर रुंद जोडरस्ते विकसित केले जातील. परिसरातील वाढत्या लोकसंख्येमुळे निर्माण झालेला वाहतूक ताण, वारंवार होणारा विलंब आणि अपघाताचा धोका कमी करण्यासाठी हा प्रकल्प निर्णायक ठरणार आहे. ठाकुर्ली, मानपाडा, डोंबिवली परिसरातील नागरिकांना अधिक सुरक्षित, जलद आणि सुलभ वाहतूक मिळण्यास मोठी मदत होईल.

Pandharpur Local Body Election: मंगळवेढा नगरपालिकेत सोमनाथ आवताडे बिनविरोध विजयी; प्रभाग ३ मध्ये भाजपचे खाते उघडले

प्रकल्पाची वैशिष्ट्ये

उन्नत मार्ग:

लांबी – 360 मीटर

रुंदी – 7.5 मीटर

जोडरस्ता:

लांबी – 1050 मीटर

रुंदी – 7.5 / 8.5 मीटर

प्रकल्पाचे फायदे

• वाहतुकीची क्षमता मोठ्या प्रमाणात वाढणार
• प्रवासातील वेळेची बचत
• वाहतूक कोंडी व विलंब कमी होणार

स्थलांतर व पुनर्वसन

या प्रकल्पामध्ये काही घरांचे तोडकाम आवश्यक असून, संबंधित बाधित कुटुंबांचे बीएसयुपी योजनेअंतर्गत योग्य पुनर्वसन केले जाणार आहे. या प्रक्रियेला आधीच गती देण्यात आली आहे.