तासवडेमध्ये बाळासाहेब पाटील गटाला खिंडार; संजय जाधवांसह सोसायटी संचालकांचा भाजपमध्ये प्रवेश

तासवडे विकास सेवा सोसायटीचे पॅनल प्रमुख संजय जाधव आणि चेअरमन व सर्व संचालकांनी आमदार मनोज घोरपडे यांच्या हस्ते भारतीय जनता पक्षात प्रवेश केला आहे.

• तासवडेमध्ये बाळासाहेब पाटील गटाला खिंडार
• संजय जाधवांसह सोसायटी संचालकांचा भाजपमध्ये प्रवेश
• आमदार मनोज घोरपडे यांची ताकद वाढली

सातारा : तासवडे विकास सेवा सोसायटीचे पॅनल प्रमुख संजय जाधव आणि चेअरमन व सर्व संचालकांनी आमदार मनोज घोरपडे यांच्या हस्ते भारतीय जनता पक्षात प्रवेश केला आहे. येणाऱ्या स्थानिक स्वराज्य संस्थेच्या निवडणुकीच्या पार्श्वभूमीवर हा माजी आमदार बाळासाहेब पाटील गटाला मोठा धक्का मानला जात आहे. या पक्षप्रवेशामुळे उंब्रज गटातील आमदार मनोज घोरपडे यांची ताकद वाढली आहे, तसेच केंद्र आणि राज्यात भाजप सरकार असल्याने सातारा जिल्ह्यातील अनेक कार्यकर्ते भाजप पक्षात प्रवेश करत आहेत. कराड उत्तर परिसरात या प्रवेशामुळे विशेष राजकीय बदल घडल्याचे पाहायला मिळत आहे.

गेल्या वर्षभरात आमदार मनोज घोरपडे यांनी कामाचा प्रभावी धडाका लावला असून, त्यांनी सर्वसामान्य लोकांमध्ये मिसळून जनसंपर्क करत अनेकांना प्रभावित केले आहे. याच पार्श्वभूमीवर अनेक सोसायटी संचालक, चेअरमन आणि ग्रामपंचायत सदस्य भाजपात प्रवेश करत आहेत.

या प्रवेशात सहभागी प्रमुख व्यक्ती :

संजय जाधव (पॅनल प्रमुख), नथुराम पाटील (चेअरमन), शहाजी पाटील, संभाजी जाधव, युवराज जाधव (संचालक), विश्वनाथ जाधव (माजी चेअरमन) धर्मेंद्र जाधव, शंकर जाधव, तानाजी चव्हाण, अरुण पवार, अशोक खरात, वसंत जाधव, उत्तम जाधव, सरंग जाधव, विलास भाऊजी, मोहन जाधव, अनिकेत जाधव, तेजस जगदाळे, बाजीराव जाधव, तुषार जाधव, भिकाजी जाधव, संदीप जाधव, शंकर पाटील आदी. यांचा समावेश आहे.

“भारतीय जनता पार्टीत आपले सर्वांचे स्वागत आहे. केंद्र आणि राज्यात भाजप सरकार असल्यामुळे विकासासाठी कुठेही अडचण येणार नाही. आपल्या गावातील जुने सहकारी आणि सर्वांचा समन्वय साधून योग्य सन्मान राखला जाईल.” -आमदार मनोज घोरपडे