‘उद्धव ठाकरे-एकनाथ शिंदे भविष्यात एकत्र येतील’; शिवसेनेच्या मंत्र्याचं मोठं विधान

विधिमंडळात शेवटच्या दिवशी उद्धव ठाकरे यांनी एकनाथ शिंदेंच्या बाजूला बसायला नकार दिला . तसेच हे दोन नेते एकमेकांना नमस्कारही करत नाहीत, असा प्रश्न प्रताप सरनाईक यांना विचारण्यात आला होता. त्यावर सरनाईक यांनी हे उत्तर दिलं आहे. राजकारणात कोणीही कुणाचा शत्रू किंवा मित्र नसतो, असा उल्लेखही त्यांनी केला. मी आणि जितेंद्र आव्हाड बालपणापासून मित्र आहोत. पण मागच्या नऊ वर्षांत आमच्यातून विस्तवही जात नव्हता. आमचं पटत नव्हतं. पण शेवटी नऊ वर्षांनंतर काही ना काही निमित्ताने आम्ही पुन्हा एकत्र आल्याचं ते म्हणाले.

मुख्यमंत्री देवेंद्र फडणवीस आणि आदित्य ठाकरे यांच्यात शनिवारी झालेल्या एका भेटीनंतर आदित्य ठाकरे यांनी ‘आमच्या भेटीच्या बातम्या बघून काही नेते गावाला निघून जातील’, असं विधान केलं होतं. त्याबाबत प्रताप सरनाईक यांना प्रश्न विचारण्यात आला होता.

‘कृषीमंत्री जुगाराचं पिक पेरण्यात व्यस्त, मुख्यमंत्र्यांनी या मंत्र्याला…’, मनसेचा कोकाटेंवर हल्लाबोल

त्यावर उत्तर देताना प्रताप सरनाईक म्हणाले, सर्वच राजकीय पक्षाचे नेते एकमेकांना भेटत असतात. त्यातून राजकीय अर्थ काढणं चुकीचं आहे. अधिवेशनातच विधिमंडळात भाषण करत असताना मुख्यमंत्री देवेंद्र फडणवीस यांनी उपमुख्यमंत्री एकनाथ शिंदे यांच्यासमोरच उद्धव ठाकरेंना सत्तेत येण्याचं आवाहन केलं होतं. ‘२०१९ पर्यंत आम्ही तरी विरोधात येऊ शकत नाही, पण तुमची इच्छा असेल तर तुम्ही याबाजूला सत्ताधारी बाकावर बसू शकता’, असं म्हटलं होती. त्याची आठवण यानिमित्ताने प्रताप सरनाईक यांनी यावेळी करून दिली.

संबंधित बातम्या