Suresh Dhas on Prajakta Mali: प्राजक्ता माळीच्या पत्रकार परिषदेनंतर सुरेश धस म्हणाले, मी माफी मागणार….

प्राजक्ता माळीने काल मुंबईत पत्रकार परिषद घेत सुरेश धस यांच्या दाव्यांचा निषेध नोंदवत त्यांनी माफी मागावी असं म्हटलं आहे. इतकेच नव्हे तर तिने करुणा शर्मा यांना देखील नोटीस पाठवली, असल्याचे सांगितलं आहे

मुंबई : बीडमध्ये झालेल्या संतोष देशमुख हत्या प्रकरणात भाजप आमदार सुरेश धस यांनी मंत्री धनंजय मुंडेंचे नाव घेत थेट अभिनेत्री प्राजक्ता माळीचे नाव घेतल्यामुळे राजकारण तापलं आहे. अभिनेत्री प्राजक्ता माळीबाबतही उलटसुलट चर्चा सुरू आहेत. या सगळ्या प्रकरणावर पत्रकार परिषद घेत प्राजक्ता माळीने सुरेश धस यांच्या एका निराधार वक्तव्यामुळे आपल्याला खूप मनस्ताप सहन करावा लागल्याने त्यांनी जाहीर माफी मागावी, अशी ठाम भूमिका प्राजक्ता माळीने घेतली आहे. प्राजक्ता माळीच्या पत्रकार परिषदेनंतर आमदार सुरेश धस यांनी मात्र माफी मागण्यास ठाम नकार दिला आहे.

सुरेश धस म्हणाले,”मी प्राजक्ता माळींची माफी मागणार नाही. आमचा माणूस गेलाय. पण हा विषय डायव्हर्ट करण्याचा प्रयत्न आहे. त्यांचे आणि कोणांचे संबंध असे बोललो असेल तर शब्द परत घेतो. मैत्रीतून त्यांनी हे केलं असावं. पण यात माझी चूक नाही. मी माफी मागणा नाही.  राज्यात  जे काही सुरू आहे. त्यावरून  लक्ष विचलित करण्याचा हा प्रयत्न केला जात आहे.  प्राजक्ता माळी यांनी माझा निषेध केला आहे. पण त्यांनी माझी वक्तव्ये पुन्हा एकदा ऐकावीत, त्यात काहीच आक्षेपार्ह नाही. माझ्या दृष्टिने प्राजक्ता माळी यांचा विषय संपला आहे.  राजकारणात त्यांना खेचण्याचा संबंध नाही. त्या माझ्या शत्रू नाही, असे सुरेश धस यांनी म्हटले.

Prajakta Mali News: सुरेश धस यांनी जाहीर माफी मागावी…;प्राजक्ता माळी भडकली

पण  प्राजक्ता माळी यांना कोणी पत्रकार परिषद घ्यायला सांगितली का, अशी शंका मला आहे. मला  मला टेक्निकल नॉन टेक्निकल गोष्टी माहिती आहेत. राजकारणात कोणाची कोंडी झाली आणि ती फोडण्यासाठी ही पत्रकार परिषद घेतली गेली, ते मला माहिती आहे.

काय म्हणाली प्राजक्ता माळी? 

प्राजक्ता माळीने काल मुंबईत पत्रकार परिषद घेत सुरेश धस यांच्या दाव्यांचा निषेध नोंदवत त्यांनी माफी मागावी असं म्हटलं आहे. इतकेच नव्हे तर तिने करुणा शर्मा यांना देखील नोटीस पाठवली, असल्याचे सांगितलं आहे. प्राजक्ता माळी म्हणाली, ” महाराष्ट्रातल्या राजकारण्यांना हे शोभत नाही.कलाकार म्हणून वेगवेगळ्या शहरांत जाऊन प्रेक्षकांचं मनोरंजन करणं हे आमचं काम आहे. मी परळीच नाही तर महाराष्ट्रभरात काम केलं आहे. यापुढेही करत राहील.

यापूर्वीही अनेक राजकीय नेत्यांसोबत माझे फोटो आहेत पण त्याचा अर्थ तुम्ही माझे नाव कुणासोबतही जोडणार का? एक महिला कलाकार म्हणून मला हे अतिशय निंदनीय वाटतं. महाराष्ट्रातल्या राजकारण्यांना हे कृत्य शोभत नाही. तुम्ही महिला कलाकारांच्या चारित्र्यावर शिंतोडे उडवत नाही आहात तर महिलांच्या कर्तृत्त्वावरही प्रश्नचिन्ह उपस्थित करत आहात. राजकाण्यांच्या कुबड्यांशिवाय एखादी महिला स्वकर्तृत्त्वावर यशस्वा होऊ शकत नाही का, असा सवालही प्राजक्ताने यावेळी उपस्थित केला. तसेच, अशा पद्धतीची वक्तव्ये करून तुम्ही स्वत:चीच मानसिकता दाखवली, अशी टीकाही तिने यावेळी केली.

Apple AirPods: गाणी ऐकण्यासोबतच आता हेल्थ अपडेटही मिळणार, Apple चं नवीन गॅझेट