“पप्पू सिर्फ पास नही हुआ,पप्पू मेरीट मे आ रहा है”, कर्नाटक निवडणुकीच्या निकालानंतर सुषमा अंधारेंचा भाजपला टोला

सुषमा अंधारे म्हणाल्या की, कर्नाटकचा निकाल देशभरात मोदी है तो मुमकिन हैं, असं म्हणणाऱ्यांसाठी चपराक आहे. गेल्या नऊ वर्षात मोदींनी प्रचंड नकारात्मकतेच हेट पॉलिटिक्स पसरवलं आहे.

नागपूर: कर्नाटकच्या विधानसभा निवडणुकीचा निकाल आज लागत आहे. (Karnataka Elections Result) कर्नाटकात 224 जागांसाठी 10 मे रोजी मतदान (Voting) झाले. एकूण 73.19 टक्के मतदानाची नोंद करण्यात आली आहे. 2018 च्या विधानसभा निवडणुकांपेक्षा मतदानाचा टक्का 1 टक्क्यांनी वाढलेला आहे. दरम्यान कर्नाटकमध्ये काँग्रेस 130 जागांवर आघाडीवर आहे. याविषयी आता शिवसेनेच्या ठाकरे गटाच्या नेत्या सुषमा अंधारे यांनी प्रतिक्रिया दिली आहे. त्या नागपूरमध्ये बोलत होत्या.

पप्पू सगळ्यांचा बाप निघाला
राहुल गांधींवर टीका करणाऱ्या भाजपविषयी अंधारे म्हणाल्या की, राहुल गांधीची प्रतिमा मलिन करण्याचा प्रयत्न, त्यांच्यासोबत नेहरू, गांधी त्यांच्या सगळ्या परिवाराची इमेज खराब करण्याचा प्रयत्न भाजपाकडून सातत्याने झाला.  परंतु ज्या भाजपा स्लीपर सेलने राहुल गांधी यांना पप्पू ठरविण्याचे प्रयत्न केले. तो पप्पू सगळ्यांचा बाप निघाला, पप्पू सिर्फ पास नही हुआ, पप्पू मेरीट मे आ रहा है,असं त्या म्हणाल्या.

मोदींनी देशात पसरवलं हेट पॉलिटिक्स
सुषमा अंधारे म्हणाल्या की, हे निकाल देशभरात मोदी है तो मुमकिन हैं, असं म्हणणाऱ्यांसाठी चपराक आहे. गेल्या नऊ वर्षात मोदींनी प्रचंड नकारात्मकतेच हेट पॉलिटिक्स पसरवलं आहे. त्याला लोक कंटाळलेले आहेत. बेरोजगारी, महागाई याचा ग्रोथ रेट सगळेच बघत आहेत कर्नाटकमधील जनता सुजाण आहे. दक्षिण भारतीय प्रगत विचारधारेचे आहे. या येणाऱ्या निकालाचा फायदा आणि नवी ऊर्जा येणाऱ्या काळात महाराष्ट्रात पाहायला मिळेल.

धर्माच्या नावावर मतं मागण्याची भाजपची सवय
धर्माच्या नावाने मत मागणे, ही भाजपची फार जुनी सवय आहे. जेव्हा भाजप वेगवेगळ्या आघाडीवर अपयशी ठरते , तेव्हा तेव्हा भाजप महापुरुषांच्या फोटो आड लपण्याचा प्रयत्न करते. महाराष्ट्रामध्ये सावरकर गौरव यात्रा काढण्याचा प्रयत्न झाल्याचं त्यांनी यावेळी नमूद केलं.