Rahul Gandhi Ramlila Maidan Rally:’उद्या भेटू’ म्हणत राहुल गांधींनी शेअर केला रामलीला मैदानातील सभेचा नकाशा आणि प्लॅन

Rahul Gandhi Ramlila Maidan Rally: या भव्य कार्यक्रमासाठी अपेक्षित गर्दी आणि सुरक्षा व्यवस्था लक्षात घेऊन दिल्ली पोलीस हाय अलर्टवर आहे. शनिवारी, विशेष सीपी, डीसीपी सेंट्रल, डीसीपी नवी दिल्ली आणि संयुक्त सीपी यांच्यासह दिल्ली पोलिसांच्या वरिष्ठ अधिकाऱ्यांनी मिंटो रोड ते रामलीला मैदान या संपूर्ण मार्गाची सखोल पाहणी केली.

• राहुल गांधींनी शेअर केला उद्या सभेचा नकाशा
• ज्ञानेश कुमार यांच्याविरोधातप्रतिकात्मक सार्वजनिक महाभियोग प्रस्ताव
• रॅलीच्या पूर्वसंध्येला काँग्रेसकडून यांनी माजी पंतप्रधान इंदिरा गांधीना आदरांजली

Rahul Gandhi Share Ramlila Maidan Rally Planing: काँग्रेस आणि इंडिया आघाडीच्या वतीने रविवारी (१ नोव्हेंबर) दिल्लीच्या रामलीला मैदानावर मुख्य निवडणूक आयुक्त ज्ञानेश कुमार यांच्या विरोधात मोठी सभा आयोजित केली आहे. या सभेच्या पार्श्वभूमीवर काँग्रेस नेते खासदार राहुल गांधी यांनी शनिवारी सभेचा मार्ग नकाशा शेअर केला आणि सोशल मीडियाद्वारे सर्वांना सभेत सामील होण्याचे आवाहन केले. इंडिया अलायन्सने ज्ञानेश कुमार यांच्या विरोधात प्रतिकात्मक सार्वजनिक महाभियोग प्रस्ताव दाखल करण्याच्या तयारी सुरू केली आहे.

उद्याच्या रॅलीसंदर्भात राहुल गांधींनी ट्विटरवर एक नकाशा शेअर केला.या नकाशासह त्यांनी कॅप्शनमध्ये लिहिले,”उद्या भेटू, चला एकत्र जाऊया! कनॉट प्लेस, मिंटो रोड जंक्शन, अजमेरी गेट, रामलीला मैदान.” इंडिया अलायन्सच्या सभेत हजारो लोक उपस्थित राहण्याची शक्यता आहे. शुक्रवारी झालेल्या पावसामुळे मैदानावर पाणी साचले होते. पण आज सकाळपासून शनिवारच्या सभेसाठी मैदान तयार करण्याचे काम करण्यात आले.

संजय गायकवाडांच्या पुतळ्याचे कुत्र्यांनी तोडले लचके! युवक काँग्रेसचे अनोखे आंदोलन, २४ तासांत माफीचा इशारा

खर्गे यांच्या निवासस्थानी विरोधी पक्षांची जमवाजमव

काँग्रेस नेते शनिवारी दुपारी पक्षाध्यक्ष मल्लिकार्जुन खर्गे यांच्या निवासस्थानी जमणार आहेत. ज्ञानेश कुमार यांच्या विरोधात सार्वजनिक महाभियोग प्रस्ताव ठेवण्यात येणार आहे. या कार्यक्रमाचे अध्यक्षस्थान मीरा कुमार भूषवतील, तर खर्गे ठराव मांडतील.

काँग्रेस नेत्यांकडून इंदिरा गांधींना आदरांजली

विशेष म्हणजे, शनिवारी काँग्रेस संसदीय पक्षाच्या अध्यक्षा सोनिया गांधी, पक्षाध्यक्ष मल्लिकार्जुन खर्गे आणि लोकसभेतील विरोधी पक्षनेते राहुल गांधी यांनी माजी पंतप्रधान इंदिरा गांधी यांच्या पुण्यतिथीनिमित्त त्यांना आदरांजली वाहिली आणि देशासाठी दिलेल्या त्यांच्या योगदानाचे स्मरण केले.

ज्ञानेश कुमार यांना जावेच लागेल, पहिला नंबर त्यांचाच, त्यानंतर…; हर्षवर्धन सपकाळ यांचा घणाघात

राजकीय वर्तुळात चर्चेचा विषय

राहुल गांधी यांनी #ChaloDilli या हॅशटॅगसह X वर एक पोस्ट शेअर केली आणि जनतेला आवाहन केले, “उद्या भेटूया, चला एकत्र चालूया!” या पोस्टमध्ये त्यांनी रॅलीचा संपूर्ण मार्ग स्पष्ट केला. ही भव्य रॅली दुपारी १२ वाजता कनॉट प्लेस येथील मिंटो रोड जंक्शनवरून सुरू होईल आणि अजमेरी गेटमार्गे ऐतिहासिक रामलीला मैदानाकडे जाईल. राहुल गांधींच्या या कृतीमुळे राजकीय वर्तुळात मोठी चर्चा सुरू झाली आहे.

दिल्ली पोलीस अधिकाऱ्यांनी परिस्थितीचा आढावा

या भव्य कार्यक्रमासाठी अपेक्षित गर्दी आणि सुरक्षा व्यवस्था लक्षात घेऊन दिल्ली पोलीस हाय अलर्टवर आहे. शनिवारी, विशेष सीपी, डीसीपी सेंट्रल, डीसीपी नवी दिल्ली आणि संयुक्त सीपी यांच्यासह दिल्ली पोलिसांच्या वरिष्ठ अधिकाऱ्यांनी मिंटो रोड ते रामलीला मैदान या संपूर्ण मार्गाची सखोल पाहणी केली.

 

दिल्ली पोलिसांसमोर दुहेरी आव्हान

दरम्यान, दिल्ली पोलिसांची सोशल मीडिया टीम सोशल मीडियावर रॅलीबद्दल पसरत असलेल्या विविध दाव्यांची सत्यता पडताळणी करण्यात व्यस्त आहे. याचा अर्थ दिल्ली पोलिसांसमोर दुहेरी आव्हान आहे. एकीकडे, त्यांना या भव्य रॅलीसाठी जमिनीवर सुरक्षा व्यवस्था कायम ठेवावी लागेल, तर दुसरीकडे, त्यांना सोशल मीडियावरील खोटे वृत्तांत आणि तथ्ये उघडकीस आणावी लागतील.

कल मिलते हैं, साथ चलते हैं! कनॉट प्लेस मिंटो रोड जंक्शन ➡️ अजमेरी गेट ⤵️ रामलीला मैदान 🗓️ 1 नवंबर | 🕛 दोपहर 12 बजे #ChaloDilli https://t.co/Rp1Ed6sHQU — Rahul Gandhi (@RahulGandhi) October 31, 2026