देवदर्शन करून परतणाऱ्या दाम्पत्याचा अपघात; कार दरीत कोसळली अन्...
कोल्हापूर : सातेरी डोंगरावर भीषण अपघात झाला. सातेरी देवीचे दर्शन घेऊन परत येत असताना कारवरील ताबा सुटल्याने कार सुमारे शंभर फूट खाली कोसळली. या अपघातात दत्तात्रय रघुनाथ पवार (वय ३२ रा. प्रगती कॉलनी, पाचगाव ता. करवीर जि. कोल्हापूर) आणि अश्विनी दत्तात्रय पवार (वय २८ रा. प्रगती कॉलनी, पाचगाव ता. करवीर जि. कोल्हापूर) हे दाम्पत्य जखमी झाले आहे. जखमींना उपचारासाठी सीपीआरमध्ये दाखल करण्यात आले आहे.
याबाबतची मिळालेली माहिती अशी की, सातेरी देवीवरून दर्शन करून खाली परत येत असतानाच वाघोबावाडीला जाणाऱ्या घाटात शंभर फूट खाली शेतामध्ये पवार दाम्पत्याची इको कार (MH.09.GU.5635) कोसळली. इको कारमध्ये पती-पत्नी दोघेच होते. दरम्यान, या अपघातानंतर त्यांना कारमधून बाहेर काढून पुढील उपचारासाठी १०८ ॲम्बुलन्सने सीपीआरमध्ये दाखल करण्यात आले. दरम्यान, बहिण-दाजींचा कोणताही पत्ता लागत नसल्याने अतुल कृष्णा शिंदे (वय ३४ रा. २४३, शनिवार पेठ, पाठण कॉलनी, कराड, ता. कराड जि. सातारा) यांनी मंगळवारी (दि.७) रात्री अकराच्या सुमारास सांगरुळ (ता. करवीर) येथून दोघेही बेपत्ता झाल्याची तक्रार दाखल केली होती.
हेदेखील वाचा : जयपूर-अजमेर महामार्गावर भीषण अपघात; एलपीजी सिलिंडर घेऊन जाणाऱ्या ट्रकला आग, स्फोटांचा दूरवर आवाज
दरम्यान, दोघेही न सांगता निघून गेल्याने आणि त्यांच्याकडे कोणताही संपर्क होत नसल्याने अतुल शिंदे यांनी शेवटी पोलिसांकडे फिर्याद दाखल केली होती. मात्र, तक्रार दाखल करून काही तासही होत नाहीत तोपर्यंत त्यांचाच अपघात झाल्याची धक्कादायक घटना उघडकीस आली. हे दाम्पत्य जखमी झाले असून, उपचार सुरू केले आहेत.
जयपूरमध्ये भीषण अपघात
जयपूर-अजमेर महामार्गावर मंगळवारी (दि.7) रात्री भीषण अपघात झाला. एलपीजी सिलिंडर वाहून नेणाऱ्या ट्रकला आग लागली आणि मौजमाबाद परिसराजवळ अनेक स्फोट झाले. अपघातानंतर, ट्रक अचानक आगीच्या ज्वाळांनी वेढला गेला. यामध्ये ट्रकमधील सिलिंडरचा एकामागून एक स्फोट होत राहिले. या स्फोटांचे आवाज दूरवर येत राहिले. याबाबतची माहिती मिळताच बचावपथकही तातडीने सुरु करण्यात आले.
.png "Videos"){kind=small}
