Thane Borivali Twin Tunnel : ठाणे, बोरिवलीतील वाहतूक कोंडी दूर होणार! २०२८ पर्यंत ट्विन टनल सेवेत दाखल होणार

मुंबईतील दोन मोठ्या उपनगरांना जोडणारा ठाणे-बोरीवली ट्विन टनेल प्रकल्प वाहतूक व्यवस्थेत मोठा बदल घडवणार आहे. हा प्रकल्प पूर्ण झाल्यानंतर ठाणे ते बोरीवली प्रवास अवघ्या 12 मिनिटांत शक्य होणार आहे.

• ठाणे-बोरीवली ट्विन टनेल प्रकल्प
• ठाणे ते बोरीवली प्रवास अवघ्या 12 मिनिटांत शक्य
• पहिल्या टीबीएमचे नाव ‘नायक’ आहे

मुंबई : ठाणे – बोरिवली दुहेरी बोगद्याच्या कामाअंतर्गत ठाण्याच्या लॉन्चिंग शाफ्ट येथे ‘नायक’ नावाच्या टनेल बोअरिंग मशीनच्या (टीबीएम) जोडणीचे काम सुरू आहे. टीबीएमची जोडणी पूर्ण करून मार्च २०२६ मध्ये ठाण्याकडून बोरिवलीच्या दिशेने भुयारीकरणाच्या कामाला सुरुवात करण्याचे मुंबई महानगर प्रदेश विकास प्राधिकरणाचे (एमएमआरडीए) नियोजन आहे. या दुहेरी बोगद्याचे काम में २०२८ पर्यंत दाखल करण्यात येणार आहे. हा बोगदा वाहतूक सेवेत दाखल झाल्यास हे अंतर केवळ १२ मिनिटांत पार करता येणार आहे.

बोरिवली–ठाणे दुहेरी भुयारी रस्ता प्रकल्पाला वेग; प्रकल्पासाठी बाधित कुटुंबियांना MMRDA चे तीन पर्याय 

दोन टीबीएम मशीन मुंबईत दाखल

दुहेरी बोगद्याच्या कामासाठी चार टीबीएम यंत्रांचा वापर करण्यात येणार असून या टीबीएमची बांधणी चेन्नईतील ‘हेरेनकनेट कंपनीत केली जात आहे. यापैकी दोन टीबीएम मुंबईत दाखल झाले असून पहिल्या टीबीएमचे नाव ‘नायक’ आहे. नायक’ टीबीएम ठाण्यातून बोरिवलीच्या दिशेने भुयारीकरण करणार आहे. या टीबीएमच्या जोडणीचे काम सध्या ठाणे लॉन्चिंग शाफ्ट येथे सुरू आहे.

दुसऱ्या टीबीएमचे नाव ‘अर्जुन’

जोडणी पूर्ण करून मार्च २०२६ मध्ये भुवारीकरणाच्या कामाला सुरुवात करण्यात येणार असल्याची माहिती एमएमआरडीएतील वरिष्ठ अधिकाऱ्यांनी दिली. अंदाजे ११० सुट्ट्या भागांमध्ये टीबीएम आणण्यात आले असून सुझ्या भागांची जोडणी झाल्यानंतर ते भूगर्भात सोडण्यात येणार आहेत. दुसऱ्या टीबीएमचे नाव ‘अर्जुन’ असून हे टीबीएम बोरिवलीच्या लॉन्चिंग शाफ्टमध्ये सोडण्यात येणार आहे.

१८ हजार कोटी रुपये खर्च

बोरिवली आणि ठाणे प्रवासाचे अंतर कमी करण्यासाठी एमएमआरडीएने एकूण सहा मार्गिकांचा ११.८ किमी लांबीचा ठाणे बोरिवली दुहेरी बोगदा प्रकल्प हाती घेतला. यात १०.२५ किमी लांबीचे दोन बोगदे असणार असून हे बोगदे संजय गांधी राष्ट्रीय उद्यानाखालून जाणार आहेत.
हा प्रकल्पासाठी अंदाजे १८ हजार कोटी रुपये खर्च अपेक्षित असून हा प्रकल्प पूर्ण होऊन प्रवासी वाहतुकीस खुला झाल्यास ठाणे बोरिवली अंतर केवळ १२ मिनिटांत पार करता येणार आहे. यामुळे ठाणे, बोरिवलीतील वाहतूक कोंडी दूर होणार आहे.

ठाणे-बोरीवली टनेल प्रकल्पाला आमचा विरोध नाही

प्रत्येक टनेलमध्ये 3 लेन असतील आणि तो 23 मीटर खोलीवरून जाईल. तसेच या प्रकल्पामुळे वाहतूक कोंडीचा मोठा भार कमी होणार आहे. सध्या ठाणे ते बोरीवली हा 23 किमीचा प्रवास सुमारे 1 तासाहून अधिक वेळ घेतो. मात्र, टनेल पूर्ण झाल्यानंतर हा प्रवास अवघ्या 12 किमीवर येईल आणि केवळ 15 मिनिटांत शक्य होईल.घोडबंदर रोड आणि वेस्टर्न एक्सप्रेस हायवेवरील वाहतूक कोंडी मोठ्या प्रमाणावर कमी होईल. प्रवासी कमी वेळेत आणि अधिक सोयीस्करपणे प्रवास करू शकणार आहे.