Ganeshotsav 2026: डोंबिवलीत पर्यावरणपूरक पंचगव्य गणपतीची पर्वणी; घरच्या घरी करता येणार विसर्जन

गणेशोत्सवाच्या पार्श्वभूमीवर डोंबिवली पश्चिमेतील कोपरगाव येथे पर्यावरणपूरक पंचगव्य गणपतीच्या मूर्ती उपलब्ध करून देण्यात आल्या आहेत. नैसर्गिक घटकांपासून तयार होणाऱ्या या मूर्तीमुळे पर्यावरण संवर्धनासोबतच पारंपरिक श्रद्धेचीही जपणूक होणार आहे.

• डोंबिवलीमध्ये पंचगव्य गणपती मोठ्या प्रमाणात उपलब्ध
• देशी गायीचे शेण, गोमूत्र, दूध, दही आणि तूप या पाच घटकांना पंचगव्य म्हटले जाते.
• या मूर्तींचे विसर्जन घरच्या घरी करता येते

 

 

कोपरगाव, डोंबिवली पश्चिम येथील शिवसेना शाखेत माजी नगरसेवक संजय पावशे यांच्या माध्यमातून पर्यावरणपूरक पंचगव्य गणपतीच्या मूर्ती उपलब्ध करून देण्यात आल्या आहेत. गणेशोत्सवात पर्यावरणाचे संवर्धन करण्याच्या उद्देशाने ही उपक्रमशील संकल्पना राबविण्यात येत असून, इच्छुक गणेशभक्तांनी याची नोंद घेऊन मूर्तीची नोंदणी करावी, असे आवाहन करण्यात आले आहे.

देशी गायीचे शेण, गोमूत्र, दूध, दही आणि तूप या पाच घटकांपासून तयार होणाऱ्या मूर्तीला ‘पंचगव्य गणपती’ किंवा ‘गोमय गणपती’ असे म्हटले जाते

नैसर्गिक घटकांपासून मूर्ती तयार होत असल्याने जलप्रदूषण कमी होण्यास मदत

नैसर्गिक घटकांपासून तयार होत असल्याने या मूर्तींमध्ये प्लॅस्टर ऑफ पॅरिस तसेच हानिकारक रसायनांचा वापर टाळला जातो. त्यामुळे गणेश विसर्जनामुळे होणारे जलप्रदूषण कमी करण्यास मदत होते.

श्रावणात एक धार्मिक पुस्तक घरी आणा, वाचा आणि संस्कार पुढच्या पिढीपर्यंत पोहोचवा; डोंबिवलीत अनोखा उपक्रम

पंचगव्य गणपती घरच्या घरी होतो विसर्जित

पंचगव्य गणपतीचे आणखी एक महत्वाचे वैशिष्ट्य म्हणजे त्याचे घरच्या घरी विसर्जन करता येते. मूतीं कुंडीतील मातीमध्ये किंवा बागेत विसर्जित केल्यानंतर ती नैसर्गिकरीत्या विरघळून सेंद्रिय खतामध्ये रूपांतरित होते. काही पर्यावरणपूरक मूर्तींमध्ये बियाण्यांचाही वापर केला जात असल्याने विसर्जनानंतर त्यातून रोपांची निर्मिती होण्याची शक्यता असते. त्यामुळे विसर्जनानंतरही निसर्गाच्या रूपाने बाप्पाचे अस्तित्व अशी संकल्पना यामागे आहे.

पंचगव्याला धार्मिक परंपरेतही लाभले आहे विशेष महत्त्व

पंचगव्याला धार्मिक परंपरेतही विशेष महत्त्व आहे. देशी गायीचे शेण, गोमूत्र, दूध, दही आणि तूप यांचा विविध धार्मिक विधोंमध्ये वापर केला जातो. त्यामुळे पर्यावरणपूरकतेसोबतच पारंपरिक श्रद्धा जपणारा पर्याय म्हणून पंचगव्य गणपतीकडे पाहिले जात आहे.

Dombivli Tiranga Rally: १५ ऑगस्टनिमित्त डोंबिवलीत भव्य तिरंगा रॅली; 35 हजार स्क्वेअर फिट राष्ट्रध्वजासह देशभक्तीचा जल्लोष

नागरिकांनी पंचगव्य मूर्तीचा स्वीकार करण्याचे आवाहन

दरम्यान, पर्यावरणाचे रक्षण करत गणेशोत्सव साजरा करण्यासाठी नागरिकांनी प्लॅस्टर ऑफ पॅरिसच्या मूर्तीएिवजी नैसर्गिक व पर्यावरणपूरक मूतींचा स्वीकार करावा, असे आवाहन करण्यात येत आहे. कोपरगाव, डोंबिवली पश्चिम येथील शिवसेना शाखेत उपलब्ध असलेल्या पंचगव्य गणपतीच्या मूर्तीसाठी इच्छुक गणेशभक्तांनी माजी नगरसेवक संजय पाचशे यांच्या माध्यमातून संपर्क साधून नोंद घ्यावी असेही सांगण्यात आले आहे.

POP आणि रसायनांना पर्यावरणपूरक पर्याय

प्लॅस्टर ऑफ पॅरिसच्या मूर्तींच्या विसर्जनामुळे जलप्रदूषणाचा प्रश्न निर्माण होतो. पंचगव्य गणपती नैसर्गिक घटकांपासून तयार केला जात असल्याने अशा मूर्तींमध्ये POP आणि काही हानिकारक रसायनांचा वापर टाळण्याचा प्रयत्न केला जातो. त्यामुळे पर्यावरणपूरक पद्धतीने गणेशोत्सव साजरा करण्यास मदत होऊ शकते.

(डिस्क्लेमर: हे नवराष्ट्र वृत्तपत्राचे स्वयंचलित न्यूज फीड आहे. ते navarashtra.com च्या कर्मचाऱ्यांनी संपादित केलेले नाही.)