
फोटो सौजन्य- pinterest
ऐन कामकाजाच्च्या दिवसांत पाणीपुरवठा बंद राहणार असल्याने गृहिणी, नोकरदार, व्यावसायिकांसह औद्योगिक क्षेत्रालाही याचा फटका बसण्याची शक्यता आहे. विशेषतः पाण्याचा नियमित वापर करणाऱ्या घरगुती ग्राहकांची गैरसोय होणार आहे. त्यामुळे पाणीपुरवठा बंद होण्यापूर्वीच नागरिकांनी पिण्याच्या पाण्यासह दैनंदिन वापरासाठी आवश्यक पाण्याचा पुरेसा साठा करून ठेवावा, तसेच उपलब्ध पाण्याचा काटकसरीने वापर करावा, असे आवाहन एमआयडीसी प्रशासनाकडून करण्यात आले आहे. यावृत्ताला उल्हासनगर महानगरपालिका पाणी पुरवठा विभागाचे कार्यकारी अभियंता अशोक घुले, उपअभियंता दीपक ढोले यांनी दुजोरा दिला आहे.
या पाणीबंदचा फटका उल्हासनगर महानगरपालिका, कल्याण-डोंबिवली महानगरपालिका, डोंबिवली व तळोजा औद्योगिक क्षेत्र तसेच परिसरातील ग्रामपंचायतींना बसणार आहे. विशेष म्हणजे, २४ तासांचा पाणीपुरवठा बंद संपल्यानंतरही लगेच नियमित दाबाने पाणी उपलब्ध होईलच, असे नाही. पाणीपुरवठा पूर्ववत करताना काही काळ कमी दाबाने पाणी मिळण्याची शक्यता एमआयडीसी प्रशासनाने व्यक्त केली आहे. त्यामुळे प्रत्यक्षात नागरिकांना पाणीटंचाईचा त्रास आणखी काही काळ सहन करावा लागू शकतो.
कल्याण डोंबिवली महापालिकेच्या बारावे, मोहिली, नेतिवली आणि टिटवाळा जलशुद्धीकरण केंद्रातून कल्याण पूर्व पश्चिम, कल्याण ग्रामीण विभाग, डोंबिवली पूर्व पश्चिम होणारा पाणीपुरवठा गुरुवार १९ नोव्हेंबर रोजी मध्यरात्री १२ वाजल्यापासून शुक्रवार २० नोव्हेंबर रोजी मध्यरात्री १२ वाजेपर्यंत बंद राहणार आहे.
तसेच पुढील सूचना मिळेपर्यंत आठवड्यातील दर गुरुवारी रात्री १२ ते शुक्रवार रात्री १२ वाजेपर्यंत (२४ तासांकरीता) पाणीपुरवठा बंद राहील. तसेच पाणीपुरवठा बंद असलेल्या दिवशी आणि दुसऱ्या दिवशी महापालिकेद्वारे टॅंकरद्वारे पाणीपुरवठा केला जाणार नाही. त्यामुळे नागरिकांनी पाण्याचा आवश्यक तितकाच वापर करावा, असे आवाहन महापालिकेतर्फे करण्यात आले आहे.
(डिस्क्लेमर: हे नवराष्ट्र वृत्तपत्राचे स्वयंचलित न्यूज फीड आहे. ते navarashtra.com च्या कर्मचाऱ्यांनी संपादित केलेले नाही.)
Ans: १९ नोव्हेंबर रोजी मध्यरात्री १२ वाजल्यापासून २० नोव्हेंबर रोजी मध्यरात्री १२ वाजेपर्यंत पाणीपुरवठा बंद राहणार आहे.
Ans: एमआयडीसीच्या देखभाल आणि दुरुस्तीच्या कामामुळे सलग २४ तास पाणीपुरवठा बंद राहणार आहे.
Ans: उल्हासनगर महानगरपालिका, कल्याण-डोंबिवली महानगरपालिका, डोंबिवली आणि तळोजा औद्योगिक क्षेत्र तसेच परिसरातील ग्रामपंचायत क्षेत्रांना याचा फटका बसणार आहे.