कल्याण-डोंबिवलीची मान उंचावली! लडाखच्या खडतर मॅरेथॉनमध्ये RCF च्या धावपटूंचा झेंडा, नऊवारीत धावली वैशाली…

लडाखमधील विरळ ऑक्सिजन, कमी तापमान आणि खडतर भौगोलिक परिस्थितीत पार पडलेल्या ‘खरदुंगला चॅलेंज’मध्ये कल्याण-डोंबिवलीच्या RCF धावपटूंनी उल्लेखनीय कामगिरी केली आहे. कठीण परिस्थितीतही धावपटूंनी विविध शर्यती

• १७,६१५ फूट उंचीवरील ७२ किमी ‘खरदुंगला चॅलेंज’ विजय सकपाळांनी केले पूर्ण
• ६५ वर्षीय गोपीनाथ नायरांनीही ४२.१९५ किमीची फुल मॅरेथॉन केली पूर्ण
• वैशाली सकपाळ नऊवारी साडी परिधान करून लडाखमध्ये धावल्या ५ किमीची शर्यत

लडाखमधील शून्यापेक्षा कमी तापमान, विरळ ऑक्सिजन आणि अतिशय आव्हानात्मक भौगोलिक परिस्थितीत पार पडलेल्या मानाच्या आंतरराष्ट्रीय मॅरेथॉन शर्यतीत ‘रनर्स क्लॅन फाउंडेशन’ (आरसीएफ) च्या धावपटूंनी झेंडा फडकवला आहे. कल्याण-डोंबिवली शहराच्या क्रीडा विश्वाच्या इतिहासात पहिल्यांदाच आरसीएफच्या खेळाडूंनी लडाखच्या भूमीवर असा ऐतिहासिक पराक्रम रचला आहे.

Palghar Accident : स्टोर रुमची भिंत कोसळली… अन् होत्याचं नव्हतं झालं, तिघांचा मृत्यू

जगातील सर्वाधिक उंचीवरील आणि अत्यंत खडतर मानली जाणारी ‘७२ किमी खरदुंगला चॅलेंज’ (१७६१५ फूट) शर्यत आरसीएफचे ५८ वर्षीय धावपटू विजय सकपाळ यांनी अवघ्या १२ तास ३६ मिनिटे २८ सेकंदांत यशस्वीपणे पूर्ण केली. कल्याण-डोंबिवलीतून हे कठीण आव्हान पहिल्यांदाच पूर्ण करण्याचा विक्रम त्यांनी आपल्या नावे केला आहे. तसेच, आरसीएफच्या इतर दोन धावपटूंनी ४२.१९५ किलोमीटरची ‘फुल मॅरेथॉन’ यशस्वीरीत्या पूर्ण केली.

तंदुरुस्तीचा नवा आदर्श

यामध्ये दिगेंदर महाराः (वय ३५ वर्षे) ४२.१९५ किमीची-11155 feet शर्यत अवघ्या ४ तास २७ मिनिटांत पूर्ण. गोपीनाथ नायर (वय ६५ वर्षे): वाढत्या वयावर मात करत ४२.१९५ किमीची शर्यत ६ तास ३२ मिनिटांत पूर्ण करून तंदुरुस्तीचा नवा आदर्श निर्माण केला.

Kalyan News: जागतिक हृदय दिनानिमित्त कल्याणमध्ये ‘हर घर CPR हिरो’ उपक्रम; १५० हून अधिक सहभागी

वैशालीने नऊवारी परिधान करून शर्यत केली पर्ण

• याच मोहिमेत वैशाली सकपाळ यांनी ५ किलोमीटरची धाव शर्यत महाराष्ट्रीयन पारंपरिक नऊवारी साडी परिधान करून पूर्ण केली.
• लडाखच्या भूमीवर मराठी संस्कृती जपणाऱ्या वैशाली यांच्या या सहभागाने उपस्थितांची मने जिंकली.
  आयोजकानी त्याना व्यासपीठावर विशेष आमंत्रित करून सन्मानित केले.
  योग्य सराव, जिद्द आणि सातत्य असेल तर वयाची कोणतीही अट आडवी येत नाही, असा प्रेरणादायी संदेश या धावपटूंनी दिला आहे.
• कल्याण-डोंबिवलीतील क्रीडाप्रेमी आणि नागरिकांकडून आरसीएफच्या या सर्व विजेत्यांवर अभिनंदनाचा वर्षाव होत आहे.

(डिस्क्लेमर: हे नवराष्ट्र वृत्तपत्राचे स्वयंचलित न्यूज फीड आहे. ते navarashtra.com च्या कर्मचाऱ्यांनी संपादित केलेले नाही.)