माथेरान घाटात प्रवासादरम्यान बिबट्याचे दर्शन; टॅक्सी चालकाने व्हिडिओ शूट, वन विभाग सतर्क
माथेरानच्या डोंगरात सातत्याने बिबट्याचा वावर आढळून आला आहे.यावर्षी जानेवारी फेब्रुवारी महिन्यात माथेरान डोंगरातील वाड्यांमध्ये बिबटे पोहचले होते.त्याचवेळी कुंभे आंबिवली भागात देखील त्यांचा वावर दिसून आला होता.त्यावेळी माथेरान नेरळ आणि कर्जत पश्चिम वन विभागाच्या दुरशेत्र कार्यालय यांच्याकडून स्थानिक लोकांच्या गाव बैठका घेण्यात आल्या होत्या,त्यात सूचनांचा पाऊस पडला होता. मात्र अनेकवेळा बिबट्याचे दर्शन तसेच वहिवाट दिसून आल्यानंतर त्या बिबट्यांकडून कोणताही धोका उद्भवला नव्हता.मागील एक महिन्यात कुठेही बिबट्याचा वावर दिसून आला नव्हता.
परंतु 14 एप्रिल रात्री साडे सात वाजण्याच्या सुमारास माथेरान घाटात मुख्य रस्त्याने बिबट्याची धावपळ सुरू होती.त्यावेळी माथेरान येथील रहिवाशी असलेले टॅक्सी चालक महेंद्र जाबरे हे प्रवासी यांना घेऊन नेरळ स्टेशन कडे येत होते.त्यावेळी गार्बेट रस्त्याच्या बाजूला हा बिबट्याचे दर्शन झाले आणि त्यावेळी गाडीच्या हेड लाईट मधून पुढे पुढे जाणारा बिबट्याला आपल्या मोबाईल कॅमेऱ्यात कैद करता आले.पुढे हा बिबटा सिमेंट कठडा चढून गार्बेट वाडी कडे जाणाऱ्या रस्त्याच्या खाली उतरला.काही दिवस आधी एका पर्यटकाला त्यांच्या दुचाकी समोरून बिबट्याला रस्ता ओलांडता आढळून आला होता.ही घटना काही तासात जगभर पोहचली असून वन विभागाने आज सकाळ पासून बिबट्याच्या अस्तित्वाचे पाऊलखुणा मिळतात का? हे पाहण्यासाठी माथेरान घाटात शोध मोहीम सुरू केली तर स्थानिक टॅक्सी चालक यांना बिबट्याचा वावर दिसून आल्याने वन विभागाने खबरदारी म्हणून गावोगाव गावबैठका घेण्यास सुरुवात केली आहे.वन विभागाने बिबट्या दिसल्यानंतर काय करावे? याबाबत सूचना देणारे फलक देखील लावण्यास सुरुवात केली आहे.त्यात बिबट्याचे प्रवास ज्या बाजूने झाला तो भूभाग नेरळ माथेरान वनक्षेत्रपाल यांच्याकडील तर बिबट्याने पुढे प्रवास ज्या गार्बेट गाडीकडे जाणाऱ्या रस्त्याने केला तो भूभाग कर्जत पश्चिम वनक्षेत्रपाल यांच्या कडील आहे.त्यामुळे दोन्ही दुरक्षेत्र विभागाचे अधिकारी यांनी जंगल परिसरात जाऊन पाहणी करण्यास सुरुवात केली आहे.
“मी नंबर लागला म्हणून प्रवासी घेऊन खाली नेरळ कडे जात होतो.गाडी पहिल्या टर्न उतरत असताना गाडीच्या हेड लाईट मध्ये प्राणी धावत असताना दिसून आला. उतार असल्याने गाडीचा वेग चांगला होता आणि त्यामुळे काही सेकंदात बिबट्याचा समोरून आमची गाडी जाऊ लागली.बिबट्याचा वावर आमच्या अनेक टॅक्सी चालक यांना दिसून आल्याने आम्ही लगेच आपल्याकडील मोबाईल मध्ये तो क्षण घेण्याचा प्रयत्न केला.मात्र साधारण 50 मीटर रस्त्याने जात पुढे त्या बिबट्याने गार्बेट रोड कडे जाणाऱ्या कठड्यावर उडी घेतली आणि खाली उतरला.त्यावेळीं काळोख असल्याने आणि गाडी मध्ये पर्यटक प्रवासी असल्याने प्रवाशांची सुरक्षितता लक्षात घेऊन आम्ही खाली आलो.”
माथेरान जंगल आणि पायथ्याशी असलेल्या जंगलात बिबट्याचे अस्तित्व दिसून येत आहे.ही बाब जंगलासाठी चांगली आहे.पण त्या प्राण्याकडून कोणालाही धोका पोहचू नये यासाठी आम्ही सर्वांना खबरदारी घेण्याचे आवाहन केले आहे.
माथेरान जंगलात धसवाडी,जुम्मापट्टी, बेडिसगाव येथे बिबट्याचे दर्शन होत असते.त्यामुळे आम्ही सतत बिबट्याचे वावर दिसून आल्यास कोणती खबरदारी घ्यावी यांची माहिती दिलेली आहे.
.png "Videos"){kind=small}
