फोटो सौजन्य- pinterest
बहीण-भावाच्या प्रेमाचे प्रतीक असलेला रक्षाबंधनाचा सण अवघ्या काही दिवसांवर येऊन ठेपला आहे. राखी खरेदीसाठी दुकानातून गर्दी दिसून येत आहे. मागीलवर्षीच्या तुलनेत यावर्षी २० टक्के भावात वाढ झाल्याचे चित्र दिसून येत आहे. बहीण-भावाच्या प्रेमाचे प्रतीक असलेल्या रक्षाबंधनाचा सण अवघ्या काही दिवसावर येऊन ठेपला आहे. या पार्श्वभूमीवर ठाण्यासह कल्याण-डोंबिवली, बदलापूर शहरातील चौकाचौकात, भाजी मार्केट, मीना बाजारपेठ तसेच मुख्य बाजारपेठेमध्ये मोठ्या संख्येने राख्या विक्रीसाठी आलेल्या आहेत. राख्यांची विक्रीस पाहिजे तसा उत्साह दिसत नसल्याची माहिती येथील विक्रेत्यांकडे चर्चा केल्यावर समजले आहे. हिंदू संस्कृतीत बहीण-भावाच्या प्रेमाचे प्रतीक असलेल्या राखी पौर्णिमेला मोठे महत्त्व आहे.
यंदा नारळी पौर्णिमा २७ ऑगस्ट रक्षाबंधन २८ ऑगस्ट रोजी असून राख्या खरेदीसाठी महिलांची गर्दी मागीलवर्षीच्या मानाने कमी दिसून येत आहे. आता एक दिवस राख्या खरेदीसाठी गर्दीत खूपच वाढ होईल. अशी माहिती येथील विक्रेत्यांनी दिली.
ग्रामीण भागात तसेच टप्प्याटप्प्यावर असणाऱ्या दुकानात, हातगाडीवर राख्या विक्रीसाठी आल्या आहेत. रेशीम धाग्यालाही महागाईची झळ पोहोचलेली आहे. गेल्या काही दिवसांपासून सर्वच बाजारपेठा विविध रंगांच्या, आकाराच्या राख्यांनी सजलेल्या पाहताना दिसत आहेत. मुलांमध्ये सध्या पब्जीचे वेड असल्यामुळे बहिणी देखील भावाला फजीच्या राख्या खरेदी करताना दिसत आहेत. तसेच प्रत्येक ठिकाणी महिलांची राख्या खरेदी करण्यासाठी गर्दी दिसून येत आहे. तर काही बहीणींनी होम मेड राख्या बनविण्यावर भर दिला असून काहींनी प्रत्यक्ष तर काहींनी पोस्टाद्वारे राख्या पाठवून भावापर्यंत राखी पोहचवत आहेत.
रक्षाबंधनाचा दिवस हा आनंद देण्यासाठी वेड्या बहिणीची वेडी ही माया म्हणा. की बहीण आणि भावाच्या अतूट नात्याचे प्रतीक म्हणा. रक्षाबंधन म्हणजे सर्व भारतीय समाजाला जोडणारा स्नेहाचा रेशमी धागा होय. आपल्या भावाच्या हाताला शोभून दिसेल, त्याला रुचेल, आवडेल अशी राखी शोधण्यासाठी बहीण अनेक दुकानांची पायपीट करून राखी पसंत करताना दिसत आहेत. त्यातच सध्या पब्जी हा प्रत्येकाचा आवडता खेळ झाला आहे. त्या खेळाच्या चित्राची सध्या सगळीकडे मागणी असल्यामुळे यावेळी राख्यांमध्ये देखील या खेळाचे चित्र असलेल्या राख्या ग्राहकांसाठी विक्रीसाठी उपलब्ध असल्याचे राखी विक्रेत्यांनी सांगितले आहे.
बहीण भावाचे अतूट नाते सांगणारा रक्षाबंधन हा सण अवघ्या काही दिवसांवर आला आहे. यामुळे सध्या बहिणींची बाजारपेठांमध्ये गर्दी होताना दिसत आहे. वेगवेगळ्या रंगीत आकर्षण राख्या बाजारपेठांमध्ये आलेल्या आहेत. बच्चे कंपनींना आकर्षित करणाऱ्या वेगवेगळ्या राख्यांनी राख्या ही दिसून येत आहेत. १० रुपयांपासून ते २५० रुपयांपर्यंत राख्या बाजारात सध्या उपलब्ध आहेत. यामध्ये काही चांदीच्या राख्या, साध्या गोंड्याच्या राख्या यांनाही चांगली मागणी आहे. बच्चे कंपनीसाठी छोटा भीम, मोटू पतलू डोरेमॉन असे विविध कार्टूनव्या राख्या मोठ्या प्रमाणात आले आहेत. विविध प्रकारच्या देवदेवतांची चित्रे असलेल्या राख्या ही लक्ष वेधत आहेत.
(डिस्क्लेमर: हे नवराष्ट्र वृत्तपत्राचे स्वयंचलित न्यूज फीड आहे. ते navarashtra.com च्या कर्मचाऱ्यांनी संपादित केलेले नाही.)
Ans: रक्षाबंधन शुक्रवार, 28 ऑगस्ट रोजी आहे
Ans: कार्टून आणि गेमिंग थीमच्या राख्यांना लहान मुलांकडून विशेष पसंती मिळत आहे.
Ans: गतवर्षीच्या तुलनेत यंदा राख्यांच्या किमतीत सुमारे 20 टक्क्यांनी वाढ झाल्याचे विक्रेत्यांनी सांगितले.
.png "Videos"){kind=small}
