बेदरकार चालकानं चौघांना उडवलं ; दोन बँक अधिकाऱ्यांसह पादचारी जखमी, पोलिसाचा मृत्यू
मुंबई : बेदरकारपणे गाडी चालवून एका पोलीस कर्मचाऱ्याच्या मृत्यूसाठी कारणीभूत ठरलेल्या २८ वर्षीय चालकाला मुंबईतील कफ परेड पोलिसांनी अटक केली आहे. या चालकाने आणखी तीन जणांना उडवलं (The careless driver blew up four person) असून यामध्ये दोन बँक अधिकारी आणि एका पादचाऱ्याचा समावेश आहे. या अपघातात जखमी झालेल्यांमध्ये रिझर्व्ह बँक ऑफ इंडियाचे असिस्टंट जनरल मॅनेजर (एजीएम) नितेश कुमार मंडल (वय 43 वर्षे) आणि एसबीआय कॅपिटलचे सहाय्यक उपाध्यक्ष सुजय कुमार विश्वास (वय 35 वर्षे) यांचा समावेश आहे.
दक्षिण मुंबईतील वर्ल्ड ट्रेड सेंटरच्या बाहेर मंगळवारी (12 एप्रिल) दुपारी दोनच्या सुमारास हा अपघात झाला. 28 वर्षीय तरुणाने बेदरकारपणे गाडी चालवत तीन ते चार जणांना उडवलं. मुकेश प्रदीप सिंह असं आरोपी चालकाचं नाव असून त्याला कफ परेड पोलिसांनी अटक केली आहे. त्याच्यावर निष्काळजीपणा आणि बेदरकारपणे वाहन चालवल्यामुळे मृत्यू झाल्याप्रकरणी भारतीय दंड संहितेच्या संबंधित कलमांतर्गत गुन्हा दाखल करण्यात आला आहे.
पोलिसांच्या माहितीनुसार, मंगळवारी दुपारी 1.50 च्या सुमारास ही घटना घडली. मुकेश प्रदीप सिंहने त्याच्या मालकाला मॉरिस गॅरेज (MG) इलेक्ट्रिक SUV मधील नरिमन पॉईंटच्या मेकर चेंबरमध्ये सोडलं आणि त्याच्या मालकाला न कळवता नातेवाईकांना भेटण्यासाठी जात होता. जुहूमधील रहिवासी असलेल्या मुकेश सिंह सोमवारी रात्री दारु प्यायला होता आणि घटनेच्या वेळी तो मद्यधुंद अवस्थेत गाडी चालवत होता, असा प्राथमिक अंदाज आहे.
“कफ परेड भागातील वर्ल्ड ट्रेड सेंटरजवळून जात असताना, गेट क्रमांक 4 आणि 6 नजिक पोहोचल्यावर मुकेश सिंहचं वाहनावरील नियंत्रण सुटलं आणि गाडी थेट जेवणाच्या सुट्टीच्या वेळी बाहेर पडलेल्या लोकांवर जाऊन धडकली. सुरुवातीला मुकेश सिंहने बँक अधिकारी आणि एक पादचारी आसिफ शेख आणि नंतर थांबलेल्या टॅक्सीला धडक दिली. या धडकेमुळे, टॅक्सी पुढे सरकली आणि नवी मुंबई पोलीस आयुक्तालयात लिपिक असणारे प्रसेनजीत गौतम धाडसे (वय 36 वर्षे) यांच्यावर जाऊन आदळली आणि ते एका सिमेंट ब्लॉकवर आदळले,” अशी माहिती कफ परेड पोलीस स्टेशनचे वरिष्ठ पोलीस निरीक्षक संदेश रेवले यांनी दिली.
Web Title: The careless driver blew up four pedestrian injured along with two bank officers police died nrps
Get Latest Marathi News , Maharashtra News and Marathi News from Politics, Election News , Sports News , Entertainment News, Business News and Religion News only on Navarashtra.com
ताज्या बातम्या
कोल्हापूरात राजकीय वातावरण रंगलं! कॉंग्रेसला झटका देत राहुल पाटलांचा महायुतीमध्ये प्रवेश निश्चित
‘इतकं सोप्पं आहे का…?’, ज्योती चांदेकरांच्या निधनानंतर जुई गडकरीची वाईट अवस्था, म्हणाली…
Maharashtra Politics: ‘बेस्ट’मध्ये पराभव अन् इकडे उद्धव ठाकरेंना मोठा धक्का, ‘या’ नेत्यांनी सोडली साथ
Lok Sabha MP Criminal Record: २५१ खासदारांचे सदस्यत्व धोक्यात? कोणत्या पक्षाचे खासदार जास्त अडचणीत
मोखाड्यात चिकनगुनिया सदृश्य रुग्णसंख्येत वाढ; नागरिक चिंतेत
Ration Card: मोदी सरकारची मोठी करावाई सुरु, १.१७ कोटी लोकांची रेशन कार्ड होणार रद्द; वाचा सविस्तर
भारतीय कापड, हिरे, रसायन उद्योगातील एमएसएमईंना सर्वाधिक फटका, काय सांगतो CRISIL अहवाल? जाणून घ्या
व्हिडिओ
Bhandup : भांडुपमध्ये हाय-टेंशन वायरच्या धक्क्याने 17 वर्षीय तरुणाचा मृत्यू
NASHIK :नाशिकमध्ये ठेकेदारांचा महाआंदोलन, मनसेचा जाहीर पाठिंबा
NANDED : शेतकऱ्यांना हेक्टरी 1 लाखांची सरसकट मदत जाहीर करा – महाविकास आघाडीची मागणी
Solapur : रस्ता नसल्याने उपचारास विलंब १० लोकांचा मृत्यू , ग्रामस्थांचा चिखलात ठिय्या आंदोलन
Kalyan : कल्याणमध्ये पावसामुळे कोसळली घराची भिंत
Kolhapur News : राजकीय सोयीसाठी प्रभाग पद्धत रद्द करावी-असीम सरोदे
