पंतप्रधान तुकारामाला भेटायला आले, अन् ‘एकनाथा’ला घेऊन गेले : छगन भुजबळ

महाविकास आघाडीच्या सरकारमधील प्रमुखपक्ष असलेल्या शिवसेनेचे नेते आणि विधीमंडळाचे गटनेते एकनाथ शिंदे आणि बंड करत पक्षात उभी फूट पाडली आहे. शिवसेना पक्षप्रमुख मुख्यमंत्री उद्धव ठाकरे यांना थेट आव्हान देत, राजकीय भूकंप घडवून महाविकास आघाडीला अडचणीत आणेल आहे.

मुंबई – शिवसेना नेते संजय राऊत ( Sanjay Raut ) यांनी विधानसभेची वाटचाल बरखास्तीकडे ( Towards the dismissal of the Assembly ) असे ट्विट केल्यानंतर मंत्री छगन भुजबळ ( Minister Chhagan Bhujbal ) यांनी एकनाथ शिंदे यांच्या बंडावर भाष्य केले. पंतप्रधान राज्यात आले आणि एकनाथ घेऊन गेले, असा निशाणा भुजबळ यांनी साधला. तसेच यासंदर्भात मार्ग काढण्यासाठी शरद पवार ( Sharad Pawar ) चर्चा करत असल्याचे ते म्हणाले. यशवंतराव चव्हाण सेंटर येथे प्रसारमाध्यमांशी ते बोलत होते.

महाविकास आघाडीच्या सरकारमधील प्रमुखपक्ष असलेल्या शिवसेनेचे नेते आणि विधीमंडळाचे गटनेते एकनाथ शिंदे आणि बंड करत पक्षात उभी फूट पाडली आहे. शिवसेना पक्षप्रमुख मुख्यमंत्री उद्धव ठाकरे यांना थेट आव्हान देत, राजकीय भूकंप घडवून महाविकास आघाडीला अडचणीत आणेल आहे.

सरकार वाचवण्यासाठी महाविकास आघाडीच्या जोर-बैठका वाढल्या असताना शिवसेना नेते संजय राऊत यांनी सरकारची वाटचाल विधान सभेच्या बरखास्तीकडे असे ट्विट करत खळबळ उडवून दिली. या सर्व राजकीय घडामोडीवर राष्ट्रवादीचे नेते आणि मंत्री छगन भुजबळ यांनी प्रतिक्रिया दिली.