बुलडाणा: समृद्धी महामार्गावर (Samrudhhi Highway Accident) होणारे अपघात थांबण्याचे नाव घेत नाही आहे. आता बुलडाणा येथे भीषण अपघात झाल्याची माहिती समोर आली आहे. देऊळगाव पोळ या गावाजवळ कारला अपघात झाला. त्यानंतर गाडीने पेट घेतल्याने दोन जणांचा होरपळुन मृत्यू झाला असून एक जण गंभीर जखमी आहे. ही कार नागपूर शिर्डीला निघाली होती.
[read_also content=”रशियाचे राष्ट्राध्यक्ष पुतिन यांच्याशी बंद दाराआड भेटीनंतर बेलारुसचे राष्ट्रपती थेट हॉस्पिटलमध्ये, भेटीत विष देण्यात आलं? https://www.navarashtra.com/world/president-of-belarus-alexander-lukashenko-admitted-in-the-hospital-after-meeting-with-vladimir-putin-nrps-406030.html”]
मिळालेल्या माहितीनुसार, नागपुरवरुन काही जण बुलडाणाच्या दिशेने प्रवास करत होते. समृद्धी महामार्गावरुन जाताना बुलडाण्यातील देऊळगाव पोळ या गावाजवळ कारला अपघात झाला. कारला अपघात होऊन ती सुरुवातीला इम्पॅक्ट बॅरियरला धडकली. ही धडक इतकी भीषण होती की धडकेनंतर कारला आग लागली. या आगीत होरपळून कारमधील दोघांचा जागीच मृत्यू झाला. तर एक जण गंभीर जखमी झाला.
अपघात इतका भीषण होता की मृतांचे ओळख पटवणं कठीण झालं आहे. आगीत कारमधील दोघांचा होरपळून मृत्यू झाल्याने त्यांच्या मृतदेहाची ओळखही पटवता येत नाही आहे. या प्रकरणी पोलीस आता तपास करत आहेत. अपघात इतका भीषण होता आगीत कार जळून खाक झाल्याने ती कुठली होती आणि त्यात कोणते प्रवासी होते? याची माहिती अद्याप मिळू शकलेली नाही. अपघातातील जखमीवर दुसरबीड रुग्णालयात उपचार सुरू आहे. या अपघातामुळे, समृद्धी महामार्गावरील मुंबई कॉरिडोरवरची वाहतूक काही वेळ थांबवण्यात आली होती.
