रविवार, 15 नोव्हेंबर 2026
Gondia Rural Health Centres Face Severe Infrastructure Crisis (फोटो सौजन्य-AI एआय)
ग्रामीण भागातील नागरिकांना गावातच दर्जेदार आणि वेळेवर आरोग्यसेवा मिळावी, या उद्देशाने उभारण्यात आलेली आरोग्य उपकेंद्रेच सध्या विविध समस्यांच्या विळख्यात सापडली आहेत. कुठे जीर्ण इमारती, कुठे औषधांचा तुटवडा, तर कुठे अपुऱ्या मनुष्यबळामुळे आरोग्यसेवेचा बोजवारा उडाला आहे. जिल्ह्यातील २६३ आरोग्य उपकेंद्रांपैकी तब्बल २८ केंद्रांच्या इमारती जीर्ण अवस्थेत असून, आरोग्य विभागातील ३९४ पदे रिक्त आहे. त्यामुळे ग्रामीण जनतेला गावातच उपचार मिळण्याच्या शासनाच्या उद्देशालाच हरताळ फासला जात असल्याचे चित्र आहे.
जिल्ह्यातील जीर्ण झालेल्या २८ आरोग्य उपकेंद्रांच्या इमारतींच्या दुरुस्ती अथवा नवीन बांधकामाचा प्रस्ताव शासनाकडे पाठविण्यात आला आहे. शासनाची मंजुरी मिळाल्यानंतर पुढील कार्यवाही केली जाणार आहे. मात्र, मंजुरीच्या प्रतीक्षेत या केंद्रांमधील आरोग्यसेवेवर परिणाम होत आहे.
दुसरीकडे, आरोग्य विभागातील ८८ जिल्ह्यातील २८ आरोग्य उपकेंद्रे आणि ७ प्राथमिक आरोग्य केंद्रांच्या इमारती जीर्ण अवस्थेत आहेत. दुरुस्ती व नवीन बांधकामाचे प्रस्ताव शासनाकडे पाठविण्यात आले आहेत. आरोग्य विभागातील १,१८७ मंजूर पदांपैकी ३९४ पदे रिक्त असून, कंत्राटी पद्धतीने ही पदे लवकरच भरण्यात येणार असल्याची माहिती आहे.
जिल्ह्यातील २८ आरोग्य उपकेंद्रे आणि ७ प्राथमिक आरोग्य केंद्रांच्या इमारती जीर्ण अवस्थेत आहेत. या इमारतींच्या दुरुस्ती अथवा नवीन बांधकामासाठी आरोग्य विभागाने शासनाकडे प्रस्ताव पाठविले आहेत. मात्र, शासनाची मंजुरी मिळाल्यानंतरच बांधकामाची प्रक्रिया सुरू होणार असल्याने संबंधित आरोग्य संस्थांना प्रतीक्षा करावी लागत आहे. ठाणा, बनगाव, कुन्हाडी, महागाड यासह सात प्राथमिक आरोग्य केंद्रांच्या इमारतीची अवस्था भग्न झाली आहे.
गावखेड्यांतील अनेक प्राथमिक आरोग्य केंद्रे आणि उपकेंद्रांमध्ये औषधांसह डॉक्टरांचीही वानवा आहे. त्यामुळे उपचारासाठी आलेल्या ग्रामस्थांना आल्यापावली परतावे लागत असून, प्रसंगी खासगी डॉक्टरांचा आधार घ्यावा लागतो. ही परिस्थिती बदलण्यासाठी शासनाने रिक्त पदे तातडीने भरावीत आणि औषधांचा पुरेसा साठा उपलब्ध करून द्यावा,अशी ग्रामस्थांची अपेक्षा आहे.
रिक्त पदांची समस्याही गंभीर बनली आहे. विभागात एकूण १,१८७ पदे मंजूर असून, त्यापैकी ७४६ पदे भरण्यात आली तर ३९४ पदे रिक्त असल्याने उपलब्ध कर्मचाऱ्यांवर कामाचा अतिरिक्त ताण पडत आहे.
Ans: गोंदिया जिल्ह्यातील एकूण २६३ आरोग्य उपकेंद्रांपैकी २८ उपकेंद्रांच्या इमारती जीर्ण अवस्थेत आहेत.
Ans: जिल्ह्याच्या आरोग्य विभागातील १,१८७ मंजूर पदांपैकी ३९४ पदे रिक्त असल्याची माहिती देण्यात आली आहे.
Ans: आरोग्य विभागाने २८ उपकेंद्रे आणि ७ प्राथमिक आरोग्य केंद्रांच्या दुरुस्ती किंवा नवीन बांधकामासाठी शासनाकडे प्रस्ताव पाठविले आहेत. मंजुरी मिळाल्यानंतर पुढील काम सुरू होणार आहे.
