Ujjani Dam News: पावसाळ्यापर्यंत उजनीचे पाणी आरक्षित करावे; कर्मयोग साखर कारखान्याचे भरत शाहांची मागणी
उजनी धरणातील पाण्यावर इंदापूर तालुक्यातील गावांसह सोलापूर जिल्ह्यातील अनेक गावांच्या पिण्याच्या पाणीपुरवठा योजना अवलंबून आहेत. पावसाळ्यापर्यंत त्या योजनांना पुरेसे पाणी मिळणे गरजेचे आहे
Photo Credit- Social Media पावसाळ्यापर्यंत उजनीचे पाणी आरक्षित करावे; कर्मयोगी साखर कारखान्याच्या भरत शाहांची मागणी
Follow Us:
Follow Us:
इंदापूर, नवराष्ट्र न्यूज नेटवर्क: उजनी धरणातील पाण्याची पातळी वेगाने घटत असल्याने पाणलोट क्षेत्रातील पिके जगवण्यासाठी व पिण्याच्या पाण्याची समस्या निर्माण होवू नये म्हणून पावसाळ्यापर्यंत उजनीचे पाणी आरक्षित करावे अशी मागणी कर्मयोगी सहकारी साखर कारखान्याचे उपाध्यक्ष भरत शहा यांनी केली आहे.
ते म्हणाले की, रविवारी( दि.०४) उजनी धरणातील एकूण पाण्याची पातळी ४८९ .६२० मीटर होती.एकूण पाणीसाठा १५४२.२६ घन मीटर म्हणजेच ५४.४६ टीएमसी होता.उपयुक्त जलसाठा वजा २६०.५५ घनमीटर म्हणजे वजा ९.२० टीएमसी होता. टक्केवारी वजा १७.१७ अशी नोंदवली गेली. उजनी धरणातून सोलापूरसाठी पाणी सोडल्याने पाणी पातळीत झपाट्याने घट होत आहे. गेल्या २० दिवसात २४ टीएमसी पाणी घटल्याचे आकडेवारीवरुन स्पष्ट होत आहे.
उजनी धरणाच्या पाणलोट क्षेत्रात भिगवण ते तरटगाव या पट्ट्यात उसाचे एकूण क्षेत्र ८ हजार ५६७ हेक्टर आहे. इंदापूर भागात आडसाली( १ हजार १२७ हेक्टर), सुरु (५३२हेक्टर),पूर्वहंगामी (१ हजार ३०२ हेक्टर), खोडवा (५६८ हेक्टर) अशी त्याची वर्गवारी आहे. तर भिगवण भागात आडसाली ८८१ हेक्टर, सुरु ६७१ हेक्टर, पूूर्व हंगामी १ हजार (११० हेक्टर), खोडवा (१हजार ३७६ हेक्टर) एवढे एकूण ऊसाचे क्षेत्र आहे. यंदाच्या उस गळीत हंगामात आठ ते नऊ लाख मेट्रिक टन ऊस गाळपासाठी गेला आहे.पुढच्या हंगामासाठी लागणाऱ्या उसाला पाणी मिळणे आवश्यक आहे, असे ते म्हणाले.
या खेरीज पाणलोट क्षेत्रात मोठ्या प्रमाणात फळबागा आहेत.आंबा (१७१.५ हेक्टर), पेरु (१ हजार ९९.४ हेक्टर), डाळिंब (१ हजार ५५४.४ हेक्टर), सीताफळ (२०२.१ हेक्टर),केळी (७४९.४ हेक्टर) अशी त्यांची वर्गवारी आहे. फळबागा जिवंत ठेवण्यासाठी पावसाळ्यापर्यंत त्यांना पुरेसे पाणी मिळण्यासाठी धरण क्षेत्रात पाणी असणे आवश्यक आहे, असे ते म्हणाले.
उजनी धरणातील पाण्यावर इंदापूर तालुक्यातील गावांसह सोलापूर जिल्ह्यातील अनेक गावांच्या पिण्याच्या पाणीपुरवठा योजना अवलंबून आहेत. पावसाळ्यापर्यंत त्या योजनांना पुरेसे पाणी मिळणे गरजेचे आहे. जनावरांच्या पिण्याच्या पाण्याची व चाऱ्याची सोय होणे महत्वाचे आहे. त्यासाठी पावसाळ्यापर्यंत उजनी धरणाचे पाणी आरक्षित करावे अशी आपली मागणी आहे.त्याच बरोबर पाणलोट क्षेत्रातील शेतीच्या वीजपंपांचा वीज पुरवठा खंडित करण्यात येऊ नये,अशी अपेक्षा त्यांनी व्यक्त केली.
Web Title: Ujani dam news ujani water should be reserved till the monsoon demand of bharat shah of karmayogi sugar factory
Get Latest Marathi News , Maharashtra News and Marathi News from Politics, Election News , Sports News , Entertainment News, Business News and Religion News only on Navarashtra.com
Published On: May 04, 2025 | 02:17 PM
ताज्या बातम्या
Ganesh Chaturthi 2025 : गणपतीच्या प्रसादासाठी घरी नक्की बनवा तोंडात टाकताच विरघळणारे बेसनाचे लाडू; जाणून घ्या पारंपरिक रेसिपी
Parenting Tips: बाळांना साखर आणि मीठ का देऊ नये? डॉक्टरांचा योग्य सल्ला, कोणत्या वयात द्यावे पदार्थ
130th Amendment Bill 2025: बिगरभाजपा शासित सरकारे अस्थिर करण्याचा प्रयत्न..; घटनादुरूस्ती विधेयकांना विरोधकांचा विरोध
सी पी राधाकृष्णन यांनी केला उपराष्ट्रपती पदाचा उमेदवारी अर्ज दाखल; PM मोदी बनले प्रस्तावक
गवत खरेदीसाठी ना हरकत दाखल्यासाठी लाचेची मागणी; लाचलुचपत प्रतिबंधक विभागाने केली कारवाई
जलसिंचन योजनेचा जॅकवेलच पंचगंगा नदीपात्रात कोसळला; तब्बल 33 लाखांचे नुकसान, शेतीचा पाणीपुरवठा बंद होणार?
Vastu Tips: देव्हाऱ्यामध्ये दिवे, अगरबत्ती आणि फुले ठेवण्यासाठी काय आहेत नियम आणि उपाय
व्हिडिओ
Kalyan : कल्याणमध्ये पावसामुळे कोसळली घराची भिंत
Kolhapur News : राजकीय सोयीसाठी प्रभाग पद्धत रद्द करावी-असीम सरोदे
Parbhani : कृषी पदवीधारकांचा आक्रोश मोर्चा; विद्यापीठातील जागा भरण्याची मागणी
Ahilyanagar : अहिल्यानगरमध्ये आरोग्य कर्मचाऱ्यांचे बेमुदत आंदोलन, नेमकं प्रकरण काय ?
Palghar : पालघरमध्ये ठेकेदारांचे जिल्हाधिकारी कार्यालयासमोर आक्रमक आंदोलन
Ahilyanagar : अजित पवारांचे गोरक्षकांविरोधी विधान, सागर बेगांचा संतप्त सवाल
