Vegetable Market Update : नवी मुंबईच्या एपीएमसी मार्केट मध्ये भाजीपाल्यांची आवक घटल्यानं भाजीपाला महाग, ग्राहकांच्या खिशाला झळ

Vegetable Market Update : महाराष्ट्रातील दुष्काळजन्य परिस्थिती आणि पावसाअभावी भाजीपाल्याच्या आवकेत घट झाली आहे. नवी मुंबईतील वाशी एपीएमसी मार्केटमध्ये आवक कमी झाल्याने घाऊक आणि किरकोळ बाजारात भाज्यांचे दर वाढले आहेत.

• घाऊक आणि किरकोळ बाजारात पालेभाज्या महाग 
• सामान्य गृहिणींचे बजेट पार कोलमडले
• भाज्याचे दरवाढ 

Vegetable Market Update : सध्या महाराष्ट्रात दुष्काळ परिस्थिती निर्माण झाली आहे, यामुळे शेतकऱ्यांवर मोठे संकट आले आहे. या दुष्काळाचा फटका थेट नवी मुंबईच्या वाशी येथील एपीएमसी मार्केटमध्ये झालेला दिसतोय. अवकाळी पावसामुळे शेतातील भाजी-पाल्याचे नुकसान झाले. त्याचा परिणाम थेट मुंबईतील मोठ मोठ्या भाजी मार्केटमध्ये दिसत आहे.

घाऊक आणि किरकोळ बाजारात पालेभाज्या महाग

सध्या पितृपक्ष सुरू असल्याने भाज्यांची मागणी वाढते. अशातचं आता मात्र सर्व सामान्याच्या खिशाला कात्री लागली आहे. भाजीपाल्याचे दर गगनाला भिडले आहेत. आवक 25 ते 30 घटल्याने किरकोळ बाजारात पालेभाज्या महाग झाल्या. यामध्ये कोथिंबीर,गवार, मेथी, भेंडी, आणि टमाट्याचे 100 पार झाले. त्यामुळे घाऊक आणि किरकोळ बाजारात पालेभाज्या महाग झाल्या आहेत. यामुळे सामान्य नागरिकांच्या खिशाला कात्री लागली आहे.

सामान्य गृहिणींचे बजेट पार कोलमडले

एन सण-उत्सवाच्या काळात आणि वाढत्या महागाईत भाजीपाला महागल्यामुळे सामान्य गृहिणींचे बजेट मध्ये वाढ होताना दिसत आहे. यामुळे सामान्य गृहिणींचे बजेट पार कोलमडले आहे. आवक कमी आणि मागणी जास्त असल्याने किरकोळ बाजारात भाज्यांचे दर 100 रुपये किलो पार गेले आहेत. याचा परिणाम सामान्य नागिकांवर झालेला दिसतोय.

Navarashtra Exclusive: ऑक्टोबरमध्येच पाण्यासाठी टाहो! पाथर्डीत हजारो फळझाडांचे भवितव्य टांगणीला

भाज्याचे दरवाढ

• वांगी 80 रुपये किलो
• दोडका 100 रुपये किलो
• कारली 100 रुपये किलो
• कोबी 60 रुपये किलो
• प्लोवर 100रुपये किलो
• गाजर 80 रुपये किलो
• काकडी 70रुपये किलो
• वाटाना 200 रुपये किलो
• टोमॅटो 50 रुपये किलो
• कांदा 70 रुपये किलो
• लिंबू 1 नग 12 रुपये
• कोथिंबीर 50 रुपये जुडी
• मेथी 50 रुपये जुडी
• पालक 50 रुपये जुडी

पाऊस नसल्यामुळे भाजी पाल्यांचा पुरवठा न झाल्याने सामान्य नागरिकांच्या खिशाला फटका बसतोय.एपीएमसी मार्केटमध्ये 600 ते 700 गाड्याची आवक होत होती.पण महाराष्ट्रात दुष्काळजन्य परिस्थिती निर्माण झाली यामुळे  गाड्यांची आवक कमी झाली आणि भाज्यांचे भाव वाढले.

दुष्काळ जाहीर; शेतकऱ्यांना मदत किती मिळणार? शेतकऱ्यांची उत्सुकता ताणली; पाच लाख हेक्टरवरील पिकांचे नुकसान