वाल्मिक कराडच संतोष देशमुख हत्येप्रकरणातील मुख्य सूत्रधार; आरोपपत्रात उल्लेख
बीड: बीड जिल्ह्यातील सरपंच संतोष देशमुख यांच्या हत्येचे प्रकरण चांगलेच तापले आहे. या प्रकरणाशी सबंधित खंडणीच्या गुन्ह्यात पोलिसांनी वाल्मीक कराडला अटक केली आहे. तसेच त्याच्यावर मकोका देखील लावण्यात आला आहे. सरपंच संतोष देशमुख हत्येचा तपास एसआयटी आणि सीआयडी करत आहे. वाल्मीक कराडला सध्या एसआयटी कोठडी सुनावली आहे. दरम्यान आज केज कोर्टात वाल्मीक कराडच्या जामीन अर्जावर सुनावणी होणार होती. मात्र ती सुनावणी पुढे गेली आहे.
सरपंच संतोष देशमुख यांच्या हत्येचे प्रकरण राज्यभरात चर्चेत आहे. या प्रकरणात दररोज नवंनवीन खुलासे होत आहेत. विरोधक आणि महायुतीमधील काही नेते मंत्री धनंजय मुंडे यांच्या राजीनाम्याची मागणी करत आहेत. दरम्यान वाल्मीक कराडला खंडणी प्रकरणात अटक करण्यात आली आहे. मात्र या खंडणी प्रकरणाचा संतोष देशमुख यांच्या हत्येचा संबंध आहे का याचा तपास एसआयटी आणि सीआयडी करत आहे.
संतोष देशमुख हत्या प्रकरणात वाल्मीक कराडचा सहभाग असल्याचा आरोप केला हात आहे. दरम्यान या प्रकरणात वाल्मीक कराडवर मकोका अंतर्गत कारवाई करण्यात आली आहे. त्यानंतर वाल्मीक कराडला 7 दिवसांची एसआयटी कोठडी कोर्टाने सुनावली आहे. मकोका अंतर्गत कारवाई केल्यानंतर त्याला बीड कोर्टाने कोठडी सुनावली आहे. दरम्यान आज वाल्मीक कराडच्या केज कोर्टात त्याच्या जामीन अर्जावर सुनावणी होणार होती, मात्र आता ही सुनावणी देखील पुढे ढकलण्यात आली आहे. मात्र आता ही सुनावणी 23 जानेवारी रोजी म्हणजेच गुरुवारी होणार आहे. वकिलांच्या मागणीनंतर सुनावणी पुढे ढकलण्यात आली आहे.
हेही वाचा: Walmik Karad: वाल्मीक कराडचे काय होणार? केज कोर्टात उद्या होणार महत्वाची सुनावणी
केज कोर्टात झालेल्या सुनावणीमध्ये केज कोर्टाने वाल्मीक कराडला न्यायालयीन कोठडी सुनावली होती. त्यानंतर लगेचच त्याने जामीनासाठी अर्ज दाखल केला होता. मात्र या अर्जाला सीआयडीने कोर्टात आव्हान दिले आहे. संतोष देशमुख हत्येप्रकरणी वाल्मीक कराडची चौकशी करायची आहे, त्यामुळे त्याला जामीन देऊ नये अशी विनंती सीआयडीने कोर्टासमोर केली आहे. दरम्यान आता कोर्ट वाल्मीक कराडला जामीन देणार की कोठडी सुनावणार हे पहावे लागणार आहे.
वाल्मिक कराडवर मकोका दाखल होताच परळीत वातावरण तापलं
संतोष देशमुख हत्या प्रकरण आणि खंडणी प्रकरणात केज कोर्टाने आरोपी वाल्मिक कराडला 14 दिवसांची न्यायालयीन कोठडी सुनावली. त्यासोबतच वाल्मीक कराडवर महाराष्ट्र संघटित गुन्हेगारी प्रतिबंधक कायदा (मकोका) अंतर्गत गुन्हा दाखल करण्याची प्रक्रियाही सुरू करण्यात आली आहे. कराडवर मकोका अंतर्गत कारवाई करण्याची प्रक्रिया सुरू झाल्यानंतर परळीतील वातावरण तापल्याचे पाहायला मिळाले.
वाल्मिक कराडला शासकीय अंगरक्षक होता?
काय म्हणाल्या अंजली दमानिया?
अंजली दमानिया यांनी बीड हत्या प्रकरण उचलून धरले आहे. तसेच अनेक धक्कादायक दावे आणि फोटो देखील त्यांनी शेअर केले आहेत. अंजली दमानिया यांनी सोशल मीडियावर पोस्ट करुन काही प्रश्न उपस्थित केले आहेत.
हेही वाचा: Walmik Karad: जेल की बेल? सरपंच हत्या प्रकरणात कराडच्या जामीनावर सुनावणी; CID चे कोर्टात आव्हान
असे सवाल अंजली दमानिया यांनी उपस्थित केले आहेत.
.png "Videos"){kind=small}
