Hinganghat News: पक्षीप्रेमींसाठी आनंदाची बातमी! विदर्भातील सर्वांत मोठ्या हेरॉनरीत यंदा २ नव्या पाणपक्षी प्रजातींची घरटी

हिंगणघाटमधील विदर्भातील सर्वांत मोठ्या पाणपक्षी मिश्र विणवसाहतीत यंदा एक खास नोंद झाली आहे. प्रथमच मध्यम बगळा आणि मोठा बगळा या दोन नव्या पाणपक्षी प्रजातींनी येथे घरटी बांधल्याचे आढळून आले आहे.

• हिंगणघाटच्या पाणपक्षी विणवसाहतीत यंदा प्रथमच मध्यम बगळा आणि मोठा बगळा या दोन नव्या प्रजातींची घरटी आढळली.
• २०२५ मध्ये या विणवसाहतीत तब्बल १,०७३ पाणपक्ष्यांची घरटी नोंदवण्यात आली होती.
• पक्ष्यांच्या सुरक्षित प्रजननासाठी परिसरात ध्वनी प्रदूषणावर निर्बंध घालण्याची मागणी पक्षी अभ्यासकांनी केली आहे.

हिंगणघाट: विदर्भातील सर्वांत मोठ्या पाणपक्षी मिश्र विणवसाहतीत (हेरॉनरी) यंदा प्रथमच मध्यम बगळा आणि मोठा बगळा या २ नव्या पाणपक्षी प्रजातींची घरटी आढळून आली आहेत. या दुर्मिळ नोंदीमुळे पक्षी अभ्यासक आणि निसर्गप्रेमींमध्ये आनंदाचे वातावरण निर्माण झाले आहे. शहरातील पंचायत समिती, तहसील कार्यालय आणि उपअभियंता कार्यालय परिसरातील वृक्षांवर दरवर्षी शेकडो पाणपक्षी प्रजननासाठी घरटी बांधतात. निसर्गसाथी ग्रुपतर्फे या विणवसाहतीचे नियमित निरीक्षण व घरट्यांची गणना केली जाते. २०२५ मध्ये झालेल्या २ टप्प्यांतील गणनेत एकूण १,०७३ घरटी नोंदविण्यात आली होती. यावर्षी (२०२६) पहिल्या टप्यातील गणना पूर्ण झाली असून दुसऱ्या टप्प्यातील गणना सप्टेंबरमध्ये करण्यात येणार आहे.

Raigad News: नेरळ ग्रामसभेत १६ व्या वित्त आयोगाच्या आराखड्याला विरोध; आधी १५ व्या वित्त आयोगाच्या कामांचा हिशेब द्या, ग्रामस्थांची

आतापर्यंत या विणवसाहतीत छोटा बगळा, गाय बगळा, रातढोकरी, छोटा पाणकावळा आणि भारतीय पाणकावळा या ५ पाणपक्षी प्रजाती नियमितपणे प्रजननासाठी घरटी बांधत होत्या. मात्र, यंदा प्रथमच मध्यम बगळा आणि मोठा बगळा या २ प्रजाती परिसरात दिसून आल्याने त्या येथे घरटी बांधतील, असा अंदाज व्यक्त करण्यात आला होता. हा अंदाज खरा ठरत दोन्ही प्रजातींनी येथे यशस्वीपणे घरटी बांधली आहेत.  (फोटो सौजन्य – AI Created) 

या उल्लेखनीय नोंदीबद्दल पक्षी अभ्यासक राहुल वकारे, एम. एस. आर. शाद, अशोक भानसे, पंचशील थुल, ज्ञानचंद गहरवाणी, पवन दरणे, चित्रा इंगोले, प्रमोद इंगोले, यशवंत शिवणकर, प्रशांत भोयर, समीर बक्ष, शेखर जामूनकर, संतोष धनरेल, गणेश पोलकडे, अमित जोगे यांच्यासह विदर्भातील अनेक पक्षी अभ्यासकांनी आनंद व्यक्त केला. हिंगणघाटकरांसाठी ही अभिमानाची बाब असल्याचे त्यांनी नमूद केले. दरम्यान, पक्ष्यांच्या शांततापूर्ण व सुरक्षित प्रजननासाठी विणवसाहतीच्या परिसरात ध्वनी प्रदूषण रोखण्यासाठी वन विभागाने डीजे, फटाके आणि इतर मोठ्या आवाजाच्या साधनांवर निर्बंध घालावेत, अशी मागणी निसर्गप्रेमी व पक्षी अभ्यासकांनी केली आहे.

Mumbai Handloom Exhibition 2026: राष्ट्रीय हातमाग दिनानिमित्त नाबार्डचा उपक्रम; मुंबईत तीन दिवसीय हातमाग प्रदर्शनाचे आयोजन

परिसर सुरक्षित, शांत आणि प्रजननासाठी अनुकूल

निसर्गसाथी ग्रुपचे पक्षी अभ्यासक प्रवीण कडू यांनी सांगितले की, या दोन्ही नव्या प्रजातींनी हिंगणघाटच्या विणवसाहतीची निवड केल्याने हा परिसर त्यांच्या दृष्टीने सुरक्षित, शांत आणि प्रजननासाठी अनुकूल असल्याचे स्पष्ट झाले आहे. यामुळे या विणवसाहतीचे जैवविविधतेच्या दृष्टीने महत्त्व आणखी वाढले आहे. ऑगस्ट महिन्यात करण्यात आलेल्या निरीक्षणादरम्यान मध्यम बगळ्याची पिले घरट्याबाहेर आल्याचे, तर मोठा बगळा अद्याप अंड्यांवर बसून उबवणी करत असल्याचेही नोंदविण्यात आले आहे. त्यामुळे या दोन्ही प्रजातींचे यशस्वी प्रजनन होण्याची शक्यता अधिक बळावली आहे.

(डिस्क्लेमर: हे नवराष्ट्र वृत्तपत्राचे स्वयंचलित न्यूज फीड आहे. ते navarashtra.com च्या कर्मचाऱ्यांनी संपादित केलेले नाही.)