Chhatrapati Sambhajinagar चा ३० वर्षांचा पाणी संघर्ष संपला; गुढीपाडव्याच्या मुहूर्तावर नवीन योजना कार्यान्वित!

अनेक वर्षांपासून वापरात असलेली ७०० मिमीची जुनी आणि जीर्ण झालेली पाईपलाईन बदलून आता ९०० मिमीची नवीन मोठी पाईपलाईन पूर्ण क्षमतेने कार्यान्वित करण्याचा निर्णय घेण्यात आला आहे.

• गुढीपाडव्याच्या मुहूर्तावर छत्रपती संभाजीनगरचा पाणीप्रश्न सुटणार
• जायकवाडीतून ‘सायफन’ तंत्रज्ञानाने पाणी उपसा सुरू
• ९०० मिमीची नवीन जलवाहिनी पूर्ण क्षमतेने सज्ज

Chhatrapati Sambhajinagar  Water Crisis : शहरातील पाणीटंचाईचा प्रश्न कायमचा निकाली काढण्यासाठी राबवण्यात येत असलेल्या नवीन पाणीपुरवठा योजनेचा ऐतिहासिक टप्पा आज गुढीपाडव्याच्या शुभमुहूर्तावर पूर्ण होत आहे. जॅकवेलमध्ये ‘सायफन’ तंत्रज्ञानाने पाणी घेण्यास सुरुवात होणार असून, ९०० मिमीची नवीन जलवाहिनी पूर्ण क्षमतेने कार्यान्वित केली जाणार आहे. यामुळे संभाजीनगरकरांना आता हक्काचे आणि पुरेसे पाणी मिळणार आहे.

गेल्या ३० वर्षांपासून शहराचा पाणी प्रश्न अत्यंत जटील बनला होता. या गंभीर समस्येची दखल घेत औरंगाबाद खंडपीठाचे न्यायाधीश स्वतः रस्त्यावर उतरले होते आणि त्यांनी तब्बल ५ तास प्रकल्पाची पाहणी केली होती. उच्च न्यायालयाच्या सततच्या पाठपुराव्यानंतर अखेर ही बहुचर्चित योजना प्रत्यक्ष पूर्णत्वास आली आहे. गुढीपाडव्याच्या या गोड बातमीमुळे शहरात आनंदाचे वातावरण असून, प्रशासनाकडून योजनेच्या यशस्वी अंमलबजावणीसाठी सर्व तयारी पूर्ण करण्यात आली आहे.

Ahilyanagar News: गॅसअभावी सरपणाच्या मागणीत वाढ! बेकरी व्यावसायिक अडचणीत

शहरातील पाणीपुरवठा व्यवस्था अधिक सक्षम करण्यासाठी महानगरपालिकेने एक महत्त्वपूर्ण पाऊल उचलले आहे. अनेक वर्षांपासून वापरात असलेली ७०० मिमीची जुनी आणि जीर्ण झालेली पाईपलाईन बदलून आता ९०० मिमीची नवीन मोठी पाईपलाईन पूर्ण क्षमतेने कार्यान्वित करण्याचा निर्णय घेण्यात आला आहे. या बदलामुळे शहराच्या पाणी वितरण प्रणालीत मोठी सुधारणा होऊन पाण्याची उपलब्धता वाढणार आहे.

या योजनेअंतर्गत जायकवाडी धरणातून १०० मिमी पाईपलाईनद्वारे आणि ४२२ हॉर्सपॉवरच्या शक्तिशाली पंपांच्या साहाय्याने पाणी उपसले जाणार आहे. हे पाणी थेट ‘फारोला जलशुद्धीकरण प्रकल्पात’ नेऊन त्यावर शास्त्रोक्त प्रक्रिया केली जाईल आणि त्यानंतर शहराच्या विविध भागांना पुरवले जाईल. या नवीन नियोजनामुळे तांत्रिक बिघाड कमी होऊन शहरवासीयांना अधिक स्थिर आणि पद्धतशीर पाणीपुरवठा मिळेल, असा विश्वास प्रशासनाने व्यक्त केला आहे.

Jogeshawari SRA News: जोगेश्वरीतील ‘एसआरए’ प्रकल्पाची १५ दिवसांत चौकशी; 

९०० मिमी पाईपलाईनमुळे टंचाईतून मोठा दिलासा!

सध्या विविध योजनांच्या माध्यमातून शहराला साधारण १५० ते १६० एमएलडी पाणी मिळते. मात्र, ९०० मिमीची नवीन पाईपलाईन पूर्ण क्षमतेने सुरू झाल्यानंतर एकट्या या वाहिनीतून ७२ एमएलडी पाणी मिळण्याची दाट शक्यता आहे.

या नवीन प्रणालीमुळे शहराचा एकूण पाणीपुरवठा १७० ते १७२ एमएलडीपर्यंत पोहोचणार असून, यामुळे अनेक वर्षांपासूनची पाण्याची समस्या सुटण्यास मदत होईल. दरम्यान, पाणीपुरवठ्यात होणारी गळती रोखण्यासाठी प्रशासनाने कंबर कसली आहे. मुख्य पाईपलाईनवरून नियमबाह्य पद्धतीने पाणी घेणाऱ्या ग्रामपंचायतींच्या अनधिकृत जोडण्यांवर आता कडक कारवाई करण्याची तयारी महापालिकेने केली आहे. यामुळे शहराच्या शेवटच्या टोकापर्यंत पाणी पोहोचवणे अधिक सुलभ होणार आहे.