महाराष्ट्राचे नवे राज्यपाल आचार्य देवव्रत यांनी घेतली शपथ, कोण आहेत आचार्य देवव्रत? वाचा सविस्तर?(फोटो सौजन्य-X)
Who Is Acharya Devvrat news in Marathi : गुजरातचे राज्यपाल आचार्य देवव्रत यांना महाराष्ट्राच्या राज्यपालपदाचा अतिरिक्त कार्यभार सोपवण्यात आला. आज (१५ सप्टेंबर) मुंबई उच्च न्यायालयाचे न्यायमूर्ती चंद्रशेखर यांनी त्यांना पद आणि गोपनीयतेची शपथ दिली. राज्यपाल देवव्रत यांनी संस्कृतमध्ये शपथ घेतली. यावेळी उपमुख्यमंत्री एकनाथ शिंदे मुख्यमंत्री देवेंद्र फडणवीस यांच्यासह उपस्थित होते. महाराष्ट्राचे राज्यपाल सीपी राधाकृष्णन यांची उपराष्ट्रपती म्हणून निवड झाल्यानंतर देवव्रत यांच्यावर अतिरिक्त जबाबदारी सोपवण्यात आली आहे. आचार्य देवव्रत त्यांच्या पत्नी दर्शना देवी यांच्यासह काल 14 सप्टेंबर रोजी सकाळी अहमदाबादहून तेजस एक्सप्रेस ट्रेनने मुंबईत दाखल झाले होते.
उपराष्ट्रपतीपदी निवड झाल्यानंतर सीपी राधाकृष्णन यांनी महाराष्ट्राच्या राज्यपालपदाचा राजीनामा दिला. त्यानंतर राष्ट्रपती द्रौपदी मुर्मू यांनी गुजरातचे राज्यपाल आचार्य देवव्रत यांना महाराष्ट्राच्या राज्यपालपदाचा अतिरिक्त कार्यभार सोपवला. आयएएनएस वृत्तसंस्थेच्या वृत्तानुसार, राष्ट्रपतींचे प्रेस सचिव अजय कुमार सिंह यांनी ११ सप्टेंबर रोजी एक अधिकृत आदेश जारी केला. आदेशात असे म्हटले असते की महाराष्ट्राच्या राज्यपालांची नियुक्ती त्यांच्या सध्याच्या कर्तव्यांव्यतिरिक्त त्यांची कामे पार पडण्यासाठी ही नियुक्ती करण्यात आली, असे आदेशात म्हटले होते.
आचार्य देवव्रत मूळचे हरियाणाचे आहेत. त्यांचे जीवन आर्य समाज आणि स्वामी दयानंद यांच्या शिकवणींनी प्रभावित आहे. रोहतकमध्ये जन्मलेले आचार्य देवव्रत हे गुजरातमधील प्रतिष्ठित विद्यापीठ गुजरात विद्यापीठाचे कुलपती देखील आहेत. राज्यपाल होण्यापूर्वी देवव्रत हे कुरुक्षेत्रातील एका गुरुकुलचे प्राचार्य होते. सरकारने त्यांना प्रथम हिमाचलचे राज्यपाल बनवले. त्यानंतर त्यांना गुजरातची जबाबदारी देण्यात आली. जगदीप धनखड यांनी राजीनामा दिल्यावर उपराष्ट्रपतीपदाच्या संभाव्य नावांमध्ये त्यांचाही उल्लेख होता. नैसर्गिक शेतीला एक मिशन बनवण्यात गुंतलेले आचार्य देवव्रत अतिशय सात्विक जीवन जगतात. त्यांच्या पुढाकाराने गुजरातमधील हलोल येथे देशातील पहिले नैसर्गिक कृषी विद्यापीठ देखील सुरू झाले आहे. अलीकडेच आचार्य देवव्रत या विद्यापीठाला भेट देण्यासाठी आले होते. ६६ वर्षीय आचार्य देवव्रत ऑगस्ट २०१५ मध्ये हिमाचल प्रदेशचे राज्यपाल झाले.
.png "Videos"){kind=small}
