प्रदर्शनापूर्वीच आमिर खानच्या मुलाचा चित्रपट वादाच्या भोवऱ्यात, काय आहे कारण? जाणून घ्या

आमिर खानच्या मुलाचा ‘महाराज’ हा चित्रपट लवकरच नेटफ्लिक्सवर प्रदर्शित होणार आहे. मात्र याआधीच बजरंग दलाकडून याला विरोध करण्यात येत आहे. वेळ पडली तर चित्रपट प्रदर्शित करू देणार नाही अशी धमकीही यावेळी देण्यात आली आहे. नक्की प्रकरण काय वाचा.

बॉलीवूडचा प्रसिद्ध अभिनेता आमिर खान याला आज कोण ओळखत नाही. सध्या चित्रपटसृष्टीपासून आमिर जरी दूर गेला असला तरी त्याचा मुलगा जुनैद खानचा नवाकोरा चित्रपट लवकरच प्रेक्षकांच्या भेटीला येत आहे. जुनैद खान नेहमीच आपल्या सोशल मीडियावर काही ना काही करणास्थव चर्चेत असतो. त्याचे बरेच व्हिडिओज सोशल मीडियावर व्हायरल होत असतात आणि त्यातच आता तो त्याच्या हिंदी सिनेसृष्टीतील पदार्पणामुळे चर्चेत आहे. लवकरच त्याचा ‘महाराज’ हा चित्रपट नेटफ्लिक्सवर प्रदर्शित होणार आहे.

मध्यंतरी अनेक बॉलीवूड स्टारकिड्स कोणत्या ना कोणत्या चित्रपटात आपले पदार्पण करताना दिसत होते. त्यातच आता वडिलांच्या पावलांवर पाऊल ठेवत हिंदी सिनेसृष्टीत पदार्पण करण्यासाठी आता जुनैद खानदेखील नव्याने सज्ज होताना दिसत आहे. त्याचा ‘महाराज’ हा चित्रपट नेटफ्लिक्सवर 14 जूनला प्रदर्शित होत आहे मात्र त्याआधीच हा चित्रपट वादाच्या भोवऱ्यात अडकण्याची शक्यता वर्तवली जात आहे.

[read_also content=”49 व्या वर्षीही देते तरूणींना मात, शिल्पा शेट्टीचे मनावर राज्य करणारे लुक https://www.navarashtra.com/photos/some-special-photos-of-shilpa-shetty-on-her-birthday-544690.html”]

मागेच जुनैदच्या ‘महाराज’ या चित्रपटाचे पोस्टर प्रदर्शित करण्यात आले होते. या पोस्टरमधून जुनैदसह अभिनेता जयदीप अहलावतचा चित्रपटातील पहिला लूक प्रेक्षकांसमोर आला होता. पण याच पोस्टरमुळे विश्व हिंदू परिषदेची युवा संघटना बजरंग दलने आता आक्षेप घेतला आहे. मिळालेल्या माहितीनुसार आता, बजरंग दलाने यशराज फिल्म्स आणि नेटफ्लिक्सला एक पत्र लिहिले आहे. या पत्रात त्यांनी लिहिले आहे की, चित्रपटाच्या पोस्टरमध्ये एका हिंदू धर्मीय नेत्याची भूमिका नकारात्मक पद्धतीने दाखवण्यात येत आहे. त्यामुळे काही वर्गांच्या भावना दुखावल्या जाऊ शकतात. कायदा आणि सुव्यवस्थेची स्थितीही निर्माण होऊ शकते. त्यामुळे हा चित्रपट प्रदर्शनापूर्वी बजरंग दलाला दाखवावा, अशी विनंती पत्राद्वारे करण्यात आली आहे.

हे पत्र गौतम रावरिया यांनी पाठवले असून त्यांनी आपल्या इंस्टाग्राम अकाउंटवर नेटफ्लिक्सच्या एका अधिकाऱ्याला पत्र देतानाचा एक व्हिडीओ पोस्ट केला आहे. या व्हिडीओमध्येही गौतम नेटफ्लिक्सच्या अधिकाऱ्यांना म्हणत आहेत की, जर चित्रपटात काही आक्षेपार्ह आढळले तर बजरंग दल चित्रपट प्रदर्शित होऊ देणार नाही. दरम्यान या चित्रपटाच्या मुख्य भूमिकेत जुनैद (Junaid khan) दिसणार आहे तर त्याच्या विरोधात जयदीप (Jaideep Ahlawat) याला खलनायक दाखवण्यात आले आहे. चित्रपटात जुनैद पत्रकार करसनदास मुलजी यांची व्यक्तिरेखा साकारत आहे, तर जयदीप चित्रपटात महाराजच्या भूमिकेत झळकणार आहे.