Bigg Boss 19: बिग बॉसचे काऊंटडाऊन सुरू, सलमान खानच्या शो चा पहिला लुक समोर, बदलला Logo

सलमान खानच्या 'बिग बॉस १९' शो ची चाहत्यांची प्रतीक्षा लवकरच संपणार आहे. त्याचा पहिला लुक समोर आला आहे, ज्यामध्ये शोचा लोगो दिसत आहे. यावेळी शो चा लोगो बदलण्यात आलाय, पहा फर्स्ट लुक

टीव्हीवरील सर्वात लोकप्रिय शो ‘बिग बॉस’चा १९ वा सीझन लवकरच येत आहे. शोच्या निर्मात्यांनी अधिकृत घोषणा केली आहे. निर्मात्यांनी नवीन लोगो प्रोमो व्हिडिओ शेअर करून शोचा फर्स्ट लुक दाखवला आहे. यासोबतच शोच्या १९ व्या सीझनची थीम देखील समोर आली आहे. शोच्या निर्मात्यांनी त्याचा फर्स्ट लूक देणारा एक व्हिडिओ शेअर केला आहे. या व्हिडिओमध्ये बिग बॉसचा प्रसिद्ध आय लोगो दिसतो. यासोबतच शोच्या थीमबद्दल एक संकेत देखील देण्यात आला आहे. व्हिडिओ शेअर करताना कॅप्शनमध्ये लिहिले आहे – ‘कोणतीही युक्ती किंवा धोरण काम करणार नाही कारण यावेळी बिग बॉसमध्ये एक अनोखे राजकारण घडणार आहे.’

‘सुशांतसोबत जे झाले ते माझे ही होणार…’ तनुश्रीचे दत्ताचे बॉलीवूडवर गंभीर आरोप, नक्की काय आहे प्रकरण?

कसा आहे टीझर

See more

मोठ्या बदलांसह येतोय शो 

जर वृत्तांवर विश्वास ठेवला तर, भारतातील सर्वात लोकप्रिय रियालिटी शो बिग बॉसचा १९ वा सीझन यावेळी अनेक मोठ्या बदलांसह परतत आहे. यावेळी केवळ फॉरमॅट पूर्णपणे नवीन नसेल, तर शोच्या लोकप्रिय संवादांमध्ये आणि स्पर्धकांच्या भूमिकांमध्येही महत्त्वाचे बदल करण्यात आले आहेत. ‘बिग बॉस वॉन्ट्स टू नो’ हे प्रत्येक सीझनमध्ये ऐकायला मिळत होते, परंतु यावेळी प्रेक्षकांना ‘बिग बॉस वॉन्ट्स टू नो’ असे ऐकायला मिळेल.

बॉलीवूड चित्रपटांमध्ये प्रियकराला ‘Saiyaara’ का म्हणतात? Gen Z च्या आवडत्या चित्रपटाचे गाणे डीकोड

केवळ सलमान करणार नाही होस्टिंग 

यावेळी हा शो एकटा सलमान खान नसून आणखी दोन प्रसिद्ध चेहरे होस्ट करणार आहेत. वृत्तानुसार, करण जोहर, फराह खान आणि अनिल कपूर यांना सह-होस्ट म्हणून शोमध्ये आणण्यात येणारे आहे. हे तिघेही होस्ट एकत्रितपणे पाच महिन्यांच्या या सीझनला आणखी मनोरंजक बनवू शकतात. यामुळेच आता बिग बॉसच्या चाहत्यांमध्ये उत्सुकता लागून राहिली आहे की, नक्की कशा पद्धतीने हा शो बनविण्यात येणार आहे आणि कोणकोणते स्पर्धक यामध्ये यावेळी सहभागी होणार आहेत. 

घराची झलक 

See more

सलमानची फी आणि शूटिंग वेळापत्रक

त्याच वेळी, सलमान खानला या सीझनसाठी तीन महिन्यांच्या कालावधीसाठी १५० कोटी रुपयांची मोठी रक्कम देण्यात आल्याचा दावाही केला जात आहे. सलमान २८ ऑगस्ट रोजी पहिल्या भागाचे शूटिंग सुरू करेल, तर शोचा पहिला डान्स परफॉर्मन्स २९ ऑगस्ट रोजी शूट केला जाईल असे वृत्त आहे. दरम्यान गेल्या काही महिन्यांपासून अनेक मोठे सेलिब्रिटी या शो मध्ये यावर्षी सहभागी होणार असल्याची चर्चा आहे आणि यामध्ये राम कपूर, गौरव खन्ना, डेझी शाह यासारख्या सेलिब्रिटींच्या नावाचाही  समावेश आहे. मात्र याबाबत कोणतेही खात्रीशीर वृत्त अजून समोर आलेले नाही.