सोमवार, 9 नोव्हेंबर 2026
(फोटो सौजन्य - इन्स्टाग्राम)
दरवर्षी ८ डिसेंबर हा दिवस धर्मेंद्र यांच्या प्रियजनांसाठी आणि चाहत्यांसाठी खूप खास होता. या दिवशी कुटुंब त्यांच्या वाढदिवसाच्या तयारीत व्यस्त असायचे. पण यावर्षी त्या आनंदाचे रूपांतर दुःखात झाले आहे आणि त्यांच्याशिवाय त्यांचे कुटुंब त्यांचा वाढदिवस साजरा करण्याची ही पहिलीच वेळ आहे. धर्मेंद्र यांच्या ९० व्या वाढदिवशी त्यांना आठवण करून देत हेमा मालिनी यांनी त्यांना एक लांब, भावनिक पत्र लिहिले.
धर्मेंद्र यांच्या निधनानंतरच्या पहिल्या वाढदिवशी हेमा मालिनी यांनी त्यांच्या पतीला एक भावनिक पत्र लिहिले आहे. त्यांनी धर्मेंद्र यांच्यासोबतचे दोन फोटो देखील शेअर केले आहेत. एका फोटोमध्ये हेमा लाल साडी परिधान केलेली दिसत आहे आणि दुसऱ्यामध्ये ती अभिनेत्याला मिठाई भरवत आहे. सोशल मीडियावर लिहिलेल्या या पत्रात हेमा यांनी धर्मेंद्र यांच्यावरील प्रेम व्यक्त केले आहे आणि त्यांच्यासोबतचे दोन सुंदर, न पाहिलेले फोटो देखील शेअर केले आहेत.
वाढदिवसाच्या हार्दिक शुभेच्छा, माझ्या प्रिय हृदयाला, तू माझे हृदय तोडून मला सोडून गेल्यापासून दोन आठवड्यांपेक्षा जास्त काळ झाला आहे. मी हळूहळू ते तुकडे गोळा करत आहे आणि माझे आयुष्य पुन्हा एकत्र करण्याचा प्रयत्न करत आहे, हे जाणून की तू नेहमीच माझ्या आत्म्यात असशील.
आपल्या एकत्र आयुष्यातील आनंदाचे क्षणकधीही पुसले जाणार नाहीत आणि त्या आठवणी पुन्हा जगताना मला मोठा दिलासा आणि समाधान मिळतं.. आपण एकत्र घालवलेल्या सुंदर वर्षांसाठी, आपल्या दोन सुंदर मुलींसाठी ज्या आपल्या प्रेमाची पुन्हा पुन्हा जाणीव करून देतात आणि माझ्या मनात कायम राहणाऱ्या त्या सुंदर, आनंदी आठवणींसाठी मी देवाची आभारी आहे.देवाने तुला शांती आणि आनंदाचं अपरंपार वरदान द्यावं ,तुझ्या नम्रतेसाठी, तुझ्या निर्मळ मनासाठी आणि मानवतेवरील प्रेमासाठी, ज्याचं तू खरोखर पात्र आहेस. आपण एकत्र घालवलेल्या या आनंदी क्षणांना जपून ठेवा.
Dharam ji Happy birthday my dear heart❤️
More than two weeks have passed since you left me heartbroken, slowly gathering up the pieces and trying to reconstruct my life, knowing that you will always be with me in spirit. The joyful memories of our life together can never be… pic.twitter.com/zY3QBJN0YE — Hema Malini (@dreamgirlhema) December 8, 2025
ज्येष्ठ बॉलिवूड अभिनेते धर्मेंद्र यांचे २४ नोव्हेंबर रोजी वयाच्या ८९ व्या वर्षी निधन झाले. सनी देओल आणि ईशा देओल यांनी त्यांच्या वडिलांच्या ९० व्या वाढदिवशी भावनिक पोस्ट शेअर केल्या आणि त्यांची आठवण काढली.
