“कधी कधी मलाही वाटतं…” अरिजीत सिंगनंतर आता श्रेया घोषाल देखील घेणार ब्रेक? चाहत्यांची वाढली चिंता

जानेवारी २०२६ मध्ये, अरिजित सिंगने पार्श्वगायनातून निवृत्तीची घोषणा करून चाहत्यांना धक्का दिला. आता, श्रेया घोषालने अलिकडच्या मुलाखतीत अशीच भावना व्यक्त केली आहे. ज्यामुळे चाहत्यांची चिंता वाढली आहे.

• अरिजीत सिंगनंतर आता श्रेया घोषालने घेतला ब्रेक?
• श्रेयाच्या चाहत्यांची वाढली चिंता
• नक्की काय म्हणाली गायिका?

 

बॉलीवूड चाहत्यांसाठी आणखी एक धक्कादायक बातमी समोर आली आहे. अरिजित सिंगने प्लेबॅक सिंगिंगमधून ब्रेक घेण्याचा निर्णय घेतल्याची चर्चा अजूनही चाहत्यांना निराश करत असताना. आता अशातच प्रसिद्ध गायिका श्रेया घोषालने देखील अशाच शक्यतेकडे इशारा केला आहे. 42 वर्षीय श्रेयाने एका नव्या मुलाखतीत सांगितले की, लाइव्ह परफॉर्मन्सदरम्यान स्टेजवर लिप-सिंकिंग करणे ही अशी गोष्ट आहे, ज्यावर त्या कधीही अवलंबून राहू इच्छित नाहीत.

अरिजित सिंगच्या प्लेबॅक सिंगिंगमधून ब्रेक घेण्याच्या निर्णयानंतर चाहत्यांमध्ये चर्चा सुरू असतानाच श्रेया घोषालने स्पष्ट केले आहे की, जर कधी तिला स्टेजवर लिप-सिंकिंग करावे लागले, तर त्या गायनच बंद करतील. पाच वेळा राष्ट्रीय चित्रपट पुरस्कार जिंकलेल्या श्रेया घोषालने असेही सांगितले की कधी कधी तिला देखील ब्रेक घ्यावासा वाटतो. आता या सगळ्याबद्दल गायिका नक्की काय म्हणाली जाणून घेऊयात.

नितेश तिवारींच्या ‘रामायण’मध्ये ‘पंचायत’मधील ‘या’ अभिनेत्याची एंट्री; कुंभकर्णाच्या भूमिकेत दिसणार, यशसोबत जबरदस्त अ‍ॅक्शन सीन!

सात वेळा फिल्मफेअर पुरस्कार विजेत्या श्रेया घोषालने ‘एबीपी न्यूज’शी बोलताना सांगितले की, लाइव्ह परफॉर्मन्स देणे हे एका कलाकार म्हणून त्याच्या ओळखीचा महत्त्वाचा भाग आहे. ‘बैरी पिया’ आणि ‘मेरे ढोलना’सारखी लोकप्रिय गाणी गाणाऱ्या श्रेयाने ठामपणे सांगितले की, स्टेजवर लिप-सिंकिंग करणे तिला अजिबात मान्य नाही. गायिका पुढे म्हणाली, “मला ते खूप विचित्र वाटते. ज्या दिवशी मला असे करावे लागेल, त्या दिवशी मी गाणेच बंद करेन.”

‘कधीकधी मलाही ब्रेक घ्यावासा वाटतो’ – श्रेया

श्रेया घोषालने अरिजित सिंगच्या प्लेबॅक सिंगिंगमधून निवृत्ती घेण्याच्या निर्णयाला “धाडसी पाऊल” असे संबोधत त्याचे कौतुक केले. गायिका म्हणाली, “कधी कधी मलाही ब्रेक घ्यावासा वाटतो. परंतु त्याने हा निर्णय खूप धाडसाने घेतला आहे.” तसेच श्रेया पुढे म्हणाली, अरिजित सिंग हे असे व्यक्तिमत्त्व आहे जे संगीताशी खूप खोलवर जोडलेले आहे. “तो मनापासून संगीतकार आहे. तो संगीत का तयार करतोय किंवा त्यातून त्याला काय मिळेल, याचा तो विचार करत नाही. तो फक्त त्याला ज्यातून आनंद मिळतो तेच करतो.” असे तिने म्हटले आहे.

जन्नत झुबैर आणि तिचा भाऊ संकटात; पनवेलमध्ये दोघांवर हल्ला, नेमकं घडलं तरी काय?

कोण आहे श्रेया घोषाल ?

श्रेया घोषालचा जन्म 12 मार्च 1984 रोजी मुर्शिदाबाद येथे झाला. श्रेया बॉलीवूडमधील सर्वात लोकप्रिय आणि सर्वाधिक मानधन घेणाऱ्या गायिकांपैकी एक आहे. तिने हिंदीसह विविध भारतीय आणि परदेशी भाषांतील चित्रपट आणि अल्बमसाठी अनेक गाणी रेकॉर्ड केली आहेत. श्रेया घोषालला आतापर्यंत 5 राष्ट्रीय चित्रपट पुरस्कार, 4 केरळ राज्य चित्रपट पुरस्कार, 2 तामिळनाडू राज्य चित्रपट पुरस्कार, 2 BFJA पुरस्कार, 7 फिल्मफेअर पुरस्कार आणि 10 फिल्मफेअर साऊथ पुरस्कार मिळाले आहेत.