(फोटो सौजन्य- इन्स्टाग्राम)
बॉलीवूड अभिनेते आणि “ही-मॅन” धर्मेंद्र त्यांची तब्येत सध्या खानावली आहे. धर्मेंद्र यांना काल मुंबईतील ब्रीच कँडी रुग्णालयात दाखल करण्यात आले होते. त्यांना श्वसनाचा त्रास होत होता आणि त्यांना व्हेंटिलेटर सपोर्टवर ठेवण्यात आले आहे. ८९ व्या वर्षी अभिनेत्याच्या निधनाची बातमी आता सोशल मीडियावर व्हायरल झाली आहे. परंतु, सनी देओलने काल लोकांना अशा खोट्या बातम्या पसरवण्यापासून सावध केले होते आणि अफवा पसरवू नयेत असे आवाहन केले होते. तसेच आता अभिनेते अमिताभ बच्चन यांनी त्यांच्या मित्राबद्दल चिंता व्यक्त केली आहे.
अमिताभ बच्चन त्यांच्या एक्स हँडलवर वारंवार पोस्ट करताना दिसत असतात. ते त्यांच्या असामान्य पोस्टने अनेकदा लक्ष वेधून घेतात. परंतु, ११ नोव्हेंबर रोजी पहाटे ३:३८ वाजता त्यांनी काहीही लिहिले नाही. त्यांनी फक्त “T 5561 -,” हा ट्विट क्रमांक लिहिला आणि तेव्हाच वापरकर्त्यांनी असे गृहीत धरले की त्यांनी धर्मेंद्र यांच्या प्रकृतीबद्दल ही पोस्ट शेअर केली आहे.
T 5561 – — Amitabh Bachchan (@SrBachchan) November 10, 2025
अमिताभ बच्चन यांच्या पोस्टवर लोकांच्या प्रतिक्रिया
अमिताभ बच्चन आणि धर्मेंद्र यांची जोडी “शोले” चित्रपटात प्रसिद्ध झाली, ज्यामध्ये त्यांनी जय आणि वीरूची भूमिका केली होती. लोकांनी पोस्टवर कमेंट केल्या आहेत, एका वापरकर्त्याने लिहिले आहे, “वीरू गेला?” दुसऱ्याने लिहिले आहे, “अशब्द.” दुसऱ्याने लिहिले आहे, “शांतता. शांतता.” आणखी एक चाहत्याने लिहिले आहे, “सर, खरंच धक्का बसला आहे.” चाहत्यांसह संपूर्ण इंडस्ट्रीमध्ये शोककळा पसरली आहे. तसेच त्यांचा प्रवास प्रेक्षकांच्या नेहमीच आठवणीत राहणार आहे.
धर्मेंद्र एका आठवड्यापासून रुग्णालयात दाखल
धर्मेंद्र पुढील महिन्यात, डिसेंबरमध्ये त्यांचा ९० वा वाढदिवस साजरा करणार होते. श्वसनाच्या त्रासामुळे त्यांना ३१ ऑक्टोबरपासून मुंबईच्या ब्रीच कँडी रुग्णालयात दाखल करण्यात आले होते. तिथून दररोज आरोग्यविषयक अपडेट्स मिळत होते. त्यांची तब्येत बरी असल्याचे वृत्त होते. १० नोव्हेंबर रोजी त्यांचा मुलगा सनी देओल, सून तान्या देओल, सलमान खान, शाहरुख खान, गोविंदा आणि इतरांनी त्यांची भेट घेतली आणि सनीच्या टीमने आश्वासन दिले की ते जिवंत आहेत आणि त्यांच्या मृत्यूच्या अफवा पसरवू नयेत. तसेच ते अगस्त्य नंदा यांच्यासोबत “२१” चित्रपटात दिसणार आहेत.
.png "Videos"){kind=small}
