बॉलीवूड हीमॅन धर्मेंद्र यांचे ८९ व्या वर्षी निधन (फोटो सौजन्य - इन्स्टाग्राम)
बॉलिवूड अभिनेते धर्मेंद्र यांचे दु:खद निधन झाले आहे. त्यांनी वयाच्या 89 व्या वर्षी अखेरचा श्वास घेतला आहे. या घटनेने संपूर्ण बॉलिवूडमध्ये शोककळा पसरली आहे. त्यांची प्रकृती गंभीर असल्याने त्यांना सकाळी रूग्णालयात दाखल करण्यात आले होते.वृत्तानुसार, सुरुवातीला श्वास घेण्यास त्रास होत असल्याने त्यांना रुग्णालयात दाखल करण्यात आले होते, परंतु त्यांच्या प्रकृतीमुळे त्यांना व्हेंटिलेटर ठेवण्यात आले होते. धर्मेंद्र गेल्या साडेसहा दशकांपासून प्रेक्षकांचे मनोरंजन करत आहेत. त्यांच्या दीर्घ कारकिर्दीत त्यांनी अनेक उत्कृष्ट चित्रपट दिले आहेत. गेल्या काही काळापासून ते त्यांच्या आगामी “इक्कीस” चित्रपटामुळे चर्चेत आहेत.
‘हा’ ठरणार शेवटचा चित्रपट
हा चित्रपट २५ डिसेंबर रोजी थिएटरमध्ये प्रदर्शित होणार आहे. मॅडॉक फिल्म्सच्या बॅनरखाली निर्मित, दिनेश विजन आणि बिन्नी पद्डा यांनी सह-निर्मिती केलेल्या या चित्रपटाची ही मालिका आहे. अगस्त्यचा हा चित्रपट रुपेरी पडद्यावर पदार्पण आहे. तो यापूर्वी २०२३ मध्ये आलेल्या “आर्चिज” या चित्रपटात दिसला होता. तो चित्रपट ओटीटी प्लॅटफॉर्म नेटफ्लिक्सवर प्रदर्शित झाला होता. “इक्कीस” हा त्याचा पहिला थिएटरमध्ये प्रदर्शित होणार आहे.
बॉलीवूडने हीमॅन गमावला
धर्मेंद्रे यांचे चाहते प्रेमाने त्यांना “ही-मॅन” म्हणतात. 300 हून अधिक चित्रपटांमध्ये ते 6 दशकांपासून हिंदी चित्रपटसृष्टीत सक्रिय आहेत. धर्मेंद्र यांनी 1960 मध्ये ‘दिल भी तेरा हम भी तेरे’ या चित्रपटाद्वारे पदार्पण केले. 1960 च्या दशकात “आये मिलन की बेला,” “फूल और पत्थर” आणि “आये दिन बहार के” सारख्या चित्रपटांमुळे त्यांनी लोकप्रियता मिळवली.
हिंदी चित्रपटसृष्टीत सर्वाधिक हिट चित्रपटांमध्ये काम करण्याचा विक्रम धर्मेंद्र यांच्या नावावर आहे. त्यांनी १९७३ मध्ये आठ हिट चित्रपट दिले आणि १९८७ मध्ये सलग सात हिट चित्रपट दिले, जे हिंदी चित्रपटसृष्टीच्या इतिहासात एक विक्रम आहे. २०१२ मध्ये त्यांना भारत सरकारने पद्मभूषण पुरस्काराने सन्मानित केले.
जेलरनंतर बॉलीवूडने गमावला वीरू
शोलेमधील आयकॉनिक सीन साकारणाऱ्या असरानी यांनी काही दिवसांपूर्वीच जगाचा निरोप घेतला आणि आता लागोपाठ वीरूनेही अलविदा केल्याने बॉलीवूडवर शोककळा पसरली आहे. एकामागोमाग एक धक्के बॉलीवूड पचवत आहे. पंकज धीर, असरानी, सतीश शाह आणि आता धर्मेंद्र अशी दिग्गजांची मंदियाळी या १५ दिवसात बॉलीवूडने गमावली आहेत. यावर्षी आता अजून काय बघायचे राहिले आहे असा प्रश्न सामान्यांनाही पडला आहे. चित्रपट चाहत्यांसाठी तर हे अत्यंत दुःखद असून अगदी तरूणांनाही लाजवेल अशी प्रकृती असणाऱ्या धर्मेंद्र यांच्या जाण्याने सगळीकडे हळहळ व्यक्त केली जात आहे.
तामिळ अभिनेता अभिनय यांचे वयाच्या ४४ व्या वर्षी निधन; धनुषसोबत ‘या’ चित्रपटामधून केले पदार्पण
