Zubeen Garg: जुबीन गर्गच्या मृत्यूचा तपास सुरूच; शेखर ज्योती गोस्वामी आणि अमृतप्रभा महंत यांना केली अटक

याआधी दोन व्यक्तींना केली अटक
त्यांनी सांगितले की, श्यामकानु महंत आणि सिद्धार्थ शर्मा यांना बुधवारी अटक करण्यात आली आहे. त्यांच्यावर भारतीय दंड संहितेच्या विविध कलमांखाली आरोप ठेवण्यात आले आहेत, ज्यामध्ये खून आणि गुन्हेगारी कट रचणे यांचा समावेश आहे. आसाम पोलिस सीआयडीचे विशेष डीजीपी मुन्ना प्रसाद गुप्ता यांनी पत्रकारांना सांगितले की, न्यायालयाने श्यामकानु महंत आणि शर्मा यांना १४ दिवसांची पोलिस कोठडी सुनावली आहे. त्यांची चौकशी सुरू आहे.

नीता अंबानींनी फाल्गुनी पाठकसोबत खेळाला गरबा, दसरा मोठ्या उत्साहात साजरा; व्हिडिओत दिसली जुगलबंदी

६० हून अधिक एफआयआर दाखल
जुबिन गर्गच्या मृत्यूची सीआयडी चौकशी करत आहे. राज्यभरात ६० हून अधिक एफआयआर दाखल करण्यात आले आहेत. श्यामकानु महंत हे ईशान्य महोत्सवाचे मुख्य आयोजक होते, जिथे गायक सादरीकरण करण्यासाठी गेले होते. महंत आणि त्यांचे व्यवस्थापक शर्मा यांच्यासह सुमारे १० इतर लोकांविरुद्धही एफआयआर दाखल करण्यात आले आहेत.

१९ सप्टेंबर रोजी गायकाचा मृत्यू
१९ सप्टेंबर रोजी सिंगापूरमध्ये समुद्रात पोहताना गर्गचा गूढ मृत्यू झाला. तो श्यामकानू महंत आणि त्यांच्या कंपनीने आयोजित केलेल्या एका कार्यक्रमात सहभागी होण्यासाठी तिथे गेले होते. आसाम पोलिसांनी या प्रकरणाच्या चौकशीसाठी नऊ सदस्यीय विशेष तपास पथक (एसआयटी) स्थापन केले आहे. जुबिन गर्गच्या मृत्यूचा तपास अजून सुरुच आहे.

संबंधित बातम्या