(फोटो सौजन्य - इन्स्टाग्राम)
कॉमेडियन आणि टीव्ही शो होस्ट भारती सिंग तिच्या वैयक्तिक आणि व्यावसायिक आयुष्यामुळे नेहमीच चर्चेत असते. सध्या ती ‘लाफ्टर शेफ्स ३’ या शोचे सूत्रसंचालन करताना दिसत आहे. जो आपल्या दमदार रेटिंगमुळे टीआरपी चार्टवर धुमाकूळ घालत आहे. तुम्हाला माहीतच आहे की, भारती सिंगने १९ डिसेंबर २०२५ रोजी तिच्या दुसऱ्या मुलाला, काजूला जन्म दिला. बऱ्याच काळापासून भारती आणि तिचा पती हर्ष यांनी काजूचा चेहरा सर्वांपासून लपवून ठेवला होता, पण आता त्यावरील पडदा दूर झाला आहे. भारती सिंगने तिच्या लेटेस्ट व्लॉगमध्ये काजूची चाहत्यांना आणि जनतेला ओळख करून दिली आहे.
१९ मार्च रोजी काजूच्या जन्माला तीन महिने पूर्ण झाले आणि या खास प्रसंगी भारती सिंगने तिच्या धाकट्या मुलाच्या चेहऱ्याचे अनावरण केले. भारती सिंगने तिच्या घरी एका छोट्या पार्टीचे आयोजन केले होते, ज्यात फक्त जवळचे मित्र उपस्थित होते. काजूच्या गोंडसपणाने चाहते मंत्रमुग्ध झाले. काजूचे खरे नाव यशवीर ठेवण्यात आले आहे. चेहरा पाहिल्यानंतर अनेकांनी काजूच्या चेहऱ्याची तुलना भारतीशी केली, तर काहींनी त्याची तुलना हर्षशी केली.
सोशल मीडियावर अनेक युझर्सनी तर काजूला गोल्लाचा जुळा भाऊ म्हटले आहे. पण काजूचा चेहरा पाहिल्यानंतर चाहते खूप खूश झाले आहेत. एका युझरने व्लॉगवर कमेंट करत लिहिले, ‘काजूचा चेहरा खूप प्रौढ दिसतो आणि गोल्लाचा चेहरा खूप निरागस आहे. दोघेही गोंडस आहेत.’ तर दुसऱ्या एका युझरने लिहिले, ‘काजू आणि गोल्ला एकसारखेच दिसतात, पण काजूचे नाक हर्षसारखे आहे. या फोटोमध्ये काजू हर्ष आणि गोल्ला यांचे मिश्रण वाटत आहे. पण गोल्ला जास्त गोंडस आहे. दोन्ही मुलांना खूप खूप प्रेम.’ असे लिहून चाहत्यांनी प्रतिसाद दिला आहे.
काजूची प्रशंसा करणाऱ्या अशा अनेक कमेंट्स लिहिल्या गेल्या आहेत. आता आपल्या व्लॉग्समध्ये काजूचा चेहरा लपवण्याची गरज नाही, याचा भारती सिंगला स्वतःलाही दिलासा वाटतो. तुम्हाला माहीतच आहे की, काजूच्या आधी भारती सिंगने २०२२ मध्ये गोलू, उर्फ लक्ष, या मुलाला जन्म दिला होता. २०१७ मध्ये भारती सिंगने हर्ष लिंबाचियासोबत लग्न केले होते. हे कुटुंब आता परिपूर्ण कुटुंब झालं आहे. आणि चाहते त्यांच्यावर प्रेमाचा वर्षाव करत आहेत.
.png "Videos"){kind=small}
