‘भूत बंगला’चा धमाकेदार ट्रेलर रिलीज; अक्षय कुमार आणि प्रियदर्शनच्या जोडीचा कॉमेडी-हॉरर धमाका

अक्षय कुमार आणि प्रियदर्शन ही जोडी पुन्हा एकदा मोठ्या पडद्यावर एकत्र झळकण्याची सज्ज झाली आहे. अखेर ‘भूत बंगला’चा ट्रेलर प्रेक्षकांच्या भेटीस आला आहे. यामध्ये सर्व कलाकारांची झलक पाहायला मिळाली आहे.

• ‘Bhooth Bangla’चा धमाकेदार ट्रेलर रिलीज
• अक्षय कुमार आणि प्रियदर्शनच्या जोडीचा धमाका
• ‘Bhooth Bangla’ची संपूर्ण स्टारकास्ट

 

गाजलेली गाणी, लक्षवेधी पोस्टर्स आणि उत्सुकता वाढवणारा टीझर यानंतर अखेर ‘भूत बंगला’चा बहुप्रतीक्षित ट्रेलर प्रेक्षकांच्या भेटीला आला आहे. हा ट्रेलर म्हणजे जणू जुन्या आठवणींनी भरलेला एक मनोरंजक प्रवास आहे, ज्यात विनोद, रहस्य आणि हलकीशी भीती यांची जबरदस्त झलक पाहायला मिळाली आहे. सुरुवातीपासून शेवटपर्यंत गुंतवून ठेवणारा हा ट्रेलर प्रेक्षकांना खळखळून हसवतानाच कथेबद्दल उत्सुकता वाढवतो. अखेर हा ट्रेलर पाहून चाहत्यांची उत्सुकता वाढली आहे.

धक्कादायक! लग्नाच्या वाढदिवसाआधीच टीव्ही अभिनेत्रीची आत्महत्या; मृत्यूपूर्वी पतीसोबत झालं मोठं भांडण

या ट्रेलरमधून स्पष्ट होतं की, हा चित्रपट केवळ हॉरर नाही, तर कॉमेडी आणि थ्रिलचा उत्तम संगम आहे. बऱ्याच काळानंतर असा प्रभावी आणि पूर्णपणे एंटरटेनिंग ट्रेलर पाहायला मिळाला असून, प्रेक्षकांनी त्याला उत्स्फूर्त प्रतिसाद दिला आहे. या चित्रपटातून अक्षय कुमार त्यांच्या जुन्या, विनोदी आणि एनर्जेटिक अंदाजात परतताना दिसत आहेत. त्यांच्या सोबत परेश रावल आणि राजपाल यादव यांची लोकप्रिय जोडी पुन्हा एकदा प्रेक्षकांना खळखळून हसवण्यासाठी सज्ज झाली आहे. याशिवाय असरानी यांच्या विनोदी शैलीने ट्रेलरला आणखी रंगत आली आहे.

 

प्रियदर्शन यांनी हा चित्रपट दिग्दर्शित केला आहे, जे त्यांच्या खास कॉमिक टायमिंग आणि भन्नाट कथानकांसाठी ओळखले जातात. ट्रेलर पाहताना हे जाणवतं की, विनोद आणि रहस्याचा समतोल साधणं हे त्यांच्या हातातलं कौशल्य आहे. त्यामुळेच ‘भूत बंगला’ हा केवळ एक चित्रपट नसून, प्रेक्षकांसाठी एक संपूर्ण मनोरंजनाचा पॅकेज ठरणार आहे. तब्बल १४ वर्षांनंतर अक्षय कुमार आणि प्रियदर्शन ही हिट जोडी पुन्हा एकत्र येत असल्यामुळे या चित्रपटाबद्दलची उत्सुकता आणखी वाढली आहे. त्यांनी यापूर्वी दिलेल्या सुपरहिट कॉमेडी चित्रपटांची आठवण या ट्रेलरमधून दिसून येत आहे.

‘मला भीती होती…’ दीपज्योती मध्ये पूर्वा कौशिक चा नवा अवतार, मालिकेतील भूमिकेबद्दल अभिनेत्रीने केला खुलासा

या चित्रपटात वामिका गब्बी, तब्बू, जिशू सेनगुप्ता आणि मिथिला पालकर यांच्याही महत्त्वाच्या भूमिका पाहायला मिळणार आहेत. बालाजी मोशन पिक्चर्स आणि केप ऑफ गुड फिल्म्सच्या सहकार्याने हा चित्रपट सादर केला जात आहे. विशेष म्हणजे, ‘भूत बंगला’चे ॲडव्हान्स सशुल्क विशेष प्रेक्षण १६ एप्रिल २०२६ रोजी रात्री ९ वाजल्यापासून चित्रपटगृहांमध्ये सुरू होणार आहे. त्यामुळे चाहत्यांना चित्रपटाचा अनुभव आधीच घेण्याची संधी मिळणार आहे. एकंदरीत, ‘भूत बंगला’ हा २०२६ मधील सर्वाधिक अपेक्षित चित्रपटांपैकी एक ठरत असून, त्याचा ट्रेलर पाहता हा चित्रपट बॉक्स ऑफिसवर धमाल उडवणार, यात शंका नाही.