(फोटो सौजन्य- इन्स्टाग्राम)
“बिग बॉस १९” या रिॲलिटी शोचा विजेता गौरव खन्ना याने नुकताच त्याचा यूट्यूब चॅनल लाँच केला. पण २४ तासांच्या आत त्याचे चाहते हैराण झाले. कारण त्याचा व्हिडिओ यूट्यूबवरून काढून टाकण्यात आला. त्याचा चॅनलही बंद करण्यात आल्याचा दावाही केला जात आहे. आता असं नेमकं का झालं आहे हे आपण आता जाणून घेणार आहोत.
गौरव खन्नाने इन्स्टाग्रामवर एक व्हिडिओ शेअर करून चाहत्यांना त्याचे यूट्यूब चॅनल लाँच केल्याची माहिती दिली. त्याने असेही म्हटले आहे की सर्व श्रेय मृदुल तिवारी आणि प्रणित मोरे यांना जाते आणि जर त्याना काही प्रश्न पडले असतील तर ते त्यांना फोन करतील. त्याने “बिग बॉस १९” बद्दल देखील सांगितले की, हा शो मारामारी आणि भांडणांचा शो मानला जात असला तरी, तो अशा कोणत्याही वादात सहभागी झाला नाही. गौरवने अशा लोकांनाही उत्तर दिले ज्यांना असे वाटते की त्याने शोमध्ये काहीही केले नाही.
(फोटो सौजन्य- इन्स्टाग्राम)
अवघ्या २४ तासात चॅनल झाले बंद
बरं, गौरव खन्नाने यूट्यूबवर व्हिडिओ लाँच केला, पण काही तासांतच त्याला मोठा झटका बसला. त्याचा व्हिडिओ यूट्यूबने बंद केला आहे. गौरवचा चॅनल देखील उपलब्ध नाही. काही वापरकर्ते असा दावा करत आहेत की त्याचे चॅनल देखील यूट्यूबने काढून टाकले आहे कारण त्याने मार्गदर्शक तत्त्वांचे उल्लंघन केले आहे. आता नक्की चॅनल बंद का झाला याचे सत्य गौरवच सांगू शकतील.
गौरवने वाढदिवसाची पार्टी आयोजित केली होती. बिग बॉस १९ चा ग्रँड फिनाले ७ डिसेंबर रोजी झाला. गौरवने सर्वाधिक मते मिळवून हा सिझन जिंकला. पहिली रनर-अप फरहाना भट्ट होती. दुसरा रनर-अप प्रणीत मोरे होता. ग्रँड फिनालेनंतर, एक सक्सेस पार्टी आयोजित करण्यात आली होती, ज्यामध्ये होस्ट सलमान खानसह सर्व स्पर्धकांनी हजेरी लावली होती. याआधी गौरवने स्वतःच्या वाढदिवसाची पार्टी देखील आयोजित केली होती, ज्यामध्ये मृदुल तिवारी, अशनूर कौर, अभिषेक बजाज आणि प्रणीत मोरे यांच्यासह अनेक स्पर्धक आणि टीव्ही स्टार उपस्थित होते.
