सोमवार, 9 नोव्हेंबर 2026
फोटो सौजन्य- सोशल मीडिया
नीट पीजी २०२६ (NEET PG 2026) परीक्षेला बसलेल्या वैद्यकीय विद्यार्थ्यांची प्रतीक्षा आता संपली आहे. NBEMS ने नीट पीजी २०२६ चा निकाल जाहीर केला आहे. उमेदवार आपला निकाल NBEMS च्या अधिकृत वेबसाइट nbe.edu.in वर जाऊन पाहू शकतात. निकालामध्ये उमेदवाराचे मिळालेले गुण, पर्सेंटाईल आणि ऑल इंडिया रँकसह इतर माहिती देण्यात आली आहे. यावर्षी नीट पीजी परीक्षा ३० ऑगस्ट २०२६ रोजी घेण्यात आली होती. या परीक्षेत सुमारे २.६५ लाख उमेदवार सहभागी झाले होते. तसेच, जयपूरमधील काही परीक्षा केंद्रांवर तांत्रिक बिघाडामुळे प्रभावित झालेल्या विद्यार्थ्यांसाठी ५ सप्टेंबर रोजी पुन्हा परीक्षा घेण्यात आली होती. आता या सर्व उमेदवारांचा निकाल जाहीर करण्यात आला आहे.
1. नीट पीजी २०२६ चा निकाल तपासण्यासाठी सर्वात पहिले nbe.edu.in या वेबसाइटवर जा.
2. त्यानंतर नीट पीजी २०२६ निकाल (Result) या लिंकवर क्लिक करा.
3. आता विचारलेली लॉगिन डिटेल्स भरा.
4. त्यानंतर स्क्रीनवर तुमचा निकाल दिसून येईल.
5. निकालामध्ये गुण, रँक, पर्सेंटाईल आणि पात्रता स्थिती तुम्ही तपासू शकता.
6. निकाल तपासल्यानंतर त्याची प्रत डाऊनलोड करून सुरक्षित ठेवा.
नीट पीजी २०२६ ची परीक्षा ३० ऑगस्ट रोजी सकाळी ९ ते दुपारी १२ वाजेपर्यंत एकाच सत्रात घेण्यात आली होती. या परीक्षेसाठी २,७३,०९६ उमेदवारांनी नोंदणी केली होती. त्यापैकी २,६५,९८० उमेदवार परीक्षेत सहभागी झाले होते. ही परीक्षा देशभरातील ३३९ शहरांमधील १,१११ केंद्रांवर आयोजित करण्यात आली होती.
नीट पीजी निकालामध्ये उमेदवाराचे नाव, रोल नंबर, परीक्षेचे नाव, विषय, क्षेत्र, मिळालेले एकूण गुण, पर्सेंटाईल, रँक आणि पात्रता स्थिती यांसारखी माहिती दिली आहे. NBEMS ने जाहीर केलेला निकाल चालू २०२६-२७ प्रवेश सत्रासाठी वैध आहे. याच्या आधारे उमेदवार एमडी, एमएस आणि पीजी डिप्लोमा यांसारख्या पोस्ट ग्रॅज्युएट मेडिकल कोर्सेसच्या पुढील प्रवेश प्रक्रियेत भाग घेऊ शकतील.
निकाल जाहीर झाल्यानंतर उमेदवारांसाठी वैयक्तिक स्कोर कार्ड देखील उपलब्ध करून दिले जाईल. अपडेटनुसार, १ ऑक्टोबर २०२६ पासून स्कोर कार्ड डाऊनलोड करता येईल. यासाठी उमेदवारांना अधिकृत वेबसाइटवर जाऊन त्यांच्या युजरनेम आणि पासवर्डच्या मदतीने लॉगिन करावे लागेल.
