(फोटो सौजन्य - इन्स्टाग्राम)
बोमन इराणी यांनी विनोदाने केली टीका
सध्याच्या अमेरिका-इराण तणावाच्या पार्श्वभूमीवर बोमन इराणी यांनी डोनाल्ड ट्रम्प यांच्यावर टीका केली आहे. त्यांनी एक व्हिडिओ शेअर करून आपल्या भावना व्यक्त केल्या. व्हिडिओ शेअर करताना बोमन यांनी कॅप्शन लिहिले की, “इराणी लोक शांतता चर्चेसाठी श्री. डोनाल्ड ट्रम्प यांच्याशी बोलण्यास तयार आहेत.” त्यांच्या विनोदी शैलीतील या वक्तव्याने गंभीर वातावरणात विनोदाची झालर घातली.
व्हिडिओमध्ये बोमन इराणी मिश्किलपणे म्हणाले, “तर, तुम्हाला माहीतच आहे की, श्री. डोनाल्ड ट्रम्प यांना इराणी लोकांशी बोलायचे आहे. त्यांनी असे संकेत दिले आहेत की तीन जणांना आमंत्रित करण्यात आले आहे. चर्चा सुरू आहे: स्मृती इराणी, अरुणा इराणी आणि मी, बोमन इराणी. मी तयार आहे; आम्ही शांततेसाठी काहीही करू शकतो.”
गॅस सिलेंडरचा तुटवडा
मात्र, बामन इथेच थांबले नाहीत. त्यांनी भारतातील सध्याच्या एलपीजी सिलेंडरच्या तुटवड्यावरही भाष्य केले. ते पुढे म्हणाले, “माझी एकच अडचण आहे की मी वॉशिंग्टनला जाणार नाही. मला वाटते की श्री. ट्रम्प आणि त्यांचे प्रतिनिधीमंडळ इथे दादर-पारसी कॉलनीत येतील आणि आपण जेवण-खाण करू. आपण त्यांना धन्सक आणि कस्टर्ड खाऊ घालू. आणि जर श्री. ट्रम्प एक मोठा गॅस सिलेंडर घेऊन आले, तर आपले जीवन अधिक सोपे होईल.”
संजय दत्तचा ‘आखरी सवाल’ चित्रपटाची रिलीज डेट जाहीर; प्रभावी पोस्टरने वाढली उत्सुकता
बोमनच्या व्हिडिओमुळे चाहते खळखळून हसत आहेत, तर अनेक सेलिब्रिटी त्याच्या विनोदी स्वभावाचे कौतुकही करत आहेत. अभिनेता-नर्तक जावेद जाफरीने कमेंट्समध्ये बोमनच्या नावाला ‘बॉम्ब’ हा शब्द जोडून लिहिले, “माझ्या प्रिय बोमन इराणी, जर तुम्ही स्वतःला ‘बॉम्बॉन इराणी’ म्हणवून घेतले आणि कस्टर्ड गॅसचा फॉर्म्युला शेअर करण्याबद्दल बोललात, तर कदाचित ट्रम्प दादरालँडला येण्याचा प्रयत्न करतील.” तब्बूने त्याच्या आडनावावर विनोद करत त्याला ‘इराणी’ ऐवजी ‘इराण’ म्हटले. मात्र, युझर्सनी सुचवले, “कृपया होर्मुझलाही आमंत्रित करा, कारण ट्रम्प त्याच्यावर खूपच फिदा आहेत.” काही जण बोमनच्या पारशी विनोदाचे कौतुक करत आहेत. बोमनने खरोखरच या तणावपूर्ण वातावरणात विनोदाची एक वेगळीच छटा आणली आहे.
.png "Videos"){kind=small}
