‘राजाला मुलगा हवा होता, पण…’, ‘छोरी २’चा ट्रेलर प्रदर्शित, व्हिडीओ पाहून होईल थरकाप!

'छोरी २' चित्रपटाचा ट्रेलर रिलीज झाला आहे. हा ट्रेलर खूप हृदयस्पर्शी आहे, जो पाहून तुम्ही देखील चकित व्हाल. 'छोरी' या हॉरर चित्रपटानंतर आता 'छोरी २' हा चित्रपट प्रेक्षकांच्या भेटीस येणार आहे.

मुलींचा जन्म ही प्रत्येकासाठी चांगली बातमी नसते. हे समाजाचे एक कटू सत्य आहे. इतिहासात अशा अनेक कथा दडलेल्या आहेत, जिथे मुलींना जन्मानंतर लगेचच मृत्युदंड दिला जात असे. चित्रपट आणि मालिकांमध्ये या कथांचे चित्रण करण्याचा प्रयत्न करण्यात आला आहे. ‘छोरी २’ हा हॉरर चित्रपटही अशीच एक कथा घेऊन येत आहे. त्याचा ट्रेलर आज, गुरुवार, ३ एप्रिल रोजी प्रदर्शित झाला आहे. जो पाहिल्यानंतर तुम्ही नक्कीच चकित व्हाल याची खात्री आहे.

राजाच्या कथेपासून सुरुवात
विशाल फुरिया दिग्दर्शित या चित्रपटात नुसरत भरुचा आणि सोहा अली खान यांच्या प्रमुख भूमिका आहेत. यामध्ये लिंगभेद दाखवला आहे. त्यात भावना आहेत आणि भयानकताही आहे. ट्रेलरच्या सुरुवातीच्या दृश्यात, एक महिला एका लहान मुलीला एक गोष्ट सांगते. ती म्हणते, ‘एक खूप मोठे राज्य होते. त्यात एक राजा होता. एके दिवशी त्याच्या घरी एका मुलीचा जन्म झाला. राजाला राग आला. ती मुलगी विचारते, ‘तू का रागावला आहेस?’.

‘हाय, पल में मैं पिघल जाऊँ हाँ…’ सईचे सौंदर्य पाहताच थक्क झाले चाहते, पहा PHOTOS

पुढे ती म्हणते, ‘कारण राजाला मुलगा हवा होता, मुलगी अजिबात नाही.’ मुलगी आश्चर्याने विचारते, ‘पुढे काय झाले?’ ‘राजाने त्याच्या दासीला बोलावले’ असं या ट्रेलरमध्ये दिसत आहे. यानंतर चित्रपटाची झलक सुरू होते. सोहा अली खान बुरखा घातलेली दिसत आहे. आपल्या मुलीवर येणारा धोका पाहून नुसरत भरुचाच्या चेहऱ्यावर काळजी आणि भीतीच्या रेषा दिसतात. ती पुढे म्हणते, ‘माझी मुलगी अजून खूप लहान आहे’. मुलीला मारून जाळून टाकण्याचा आदेश दिला जातो.

 

वापरकर्त्यांकडून सकारात्मक प्रतिक्रिया मिळाली
यानंतरचा ट्रेलर खूपच भयानक आहे. चित्रपटाच्या ट्रेलरमध्ये ‘धोका वाढेल, भीती वाढेल’ असे दाखवण्यात आले आहे. तसेच तो राजा अजूनही जिवंत आहे का? असा प्रश्न जेव्हा निर्माण होतो यावेळी कथा आणखी भयानक असल्याचा निर्मात्यांचा दावा आहे. हा चित्रपट ओटीटीवर प्रदर्शित होणार आहे. वापरकर्ते ट्रेलरला सकारात्मक प्रतिसाद देत आहेत.

‘या’ कलाकारांनी साकारली होती मोठ्या पडद्यावर छत्रपती शिवाजी महाराजांची भूमिका, चित्रपट झाले सुपरहिट!

हा चित्रपट कधी आणि कुठे प्रदर्शित होणार ?
हा चित्रपट प्रत्यक्षात २०२१ मध्ये प्रदर्शित झालेल्या ‘छोरी’ या हॉरर चित्रपटाचा सिक्वेल आहे. हा चित्रपट अमेझॉन प्राइम व्हिडिओवर प्रदर्शित झाला होता. आता जवळजवळ चार वर्षांनंतर, ‘छोरी २’ चा सिक्वेल येत आहे. हा चित्रपट ११ एप्रिल २०२५ रोजी प्राइम व्हिडिओमध्ये प्रदर्शित होणार आहे. जो प्रेक्षकांना लवकरच पाहता येणार आहे.