(फोटो सौजन्य - इन्स्टाग्राम)
रणवीर सिंगच्या ब्लॉकबस्टर ‘धुरंधर’चा सिक्वेल ‘धुरंधर २ – द रिव्हेंज’ बॉक्स ऑफिसवर राज्य करत आहे. १९ मार्च २०२६ रोजी प्रदर्शित झालेल्या या चित्रपटाने भारतीय बॉक्स ऑफिसवर पहिल्याच दिवशी शतक पूर्ण केले. काल, शनिवारी, तिसऱ्या दिवशी, या चित्रपटाने ३०० कोटींचा टप्पा गाठला. ‘धुरंधर २’ जगभरातही धुमाकूळ घालत असून, ५०० कोटींच्या क्लबमध्ये सामील झाल्याचे दिसून येत आहे.
अखेर ममता कुलकर्णीने सोडला संन्यासाचा मार्ग? गोव्यात दिसला नवा लूक; सोशल मीडियावर टीकेचा भडीमार
भारतीय बॉक्स ऑफिसवर ‘धुरंधर’ धुमाकूळ
आदित्य धर दिग्दर्शित ‘धुरंधर २’ या चित्रपटाला कालच्या ईदच्या सुट्टीचा मोठा फायदा झालेला दिसून आला आहे. या चित्रपटाने भारतीय बॉक्स ऑफिसवर तिसऱ्या दिवशी ₹११३ कोटी कमाई केली तर, त्यापैकी ₹१०५ कोटी हिंदी आवृत्तीतून झाली आहे. तीन दिवसांनंतर चित्रपटाचे भारतातील निव्वळ कलेक्शन ₹३३९ कोटी झाल्याचे दिसून आले आहे. भारतात चित्रपटाने किती कमाई केली जाणून घेऊयात.
चित्रपटाची जगभरातील कमाई किती?
हा चित्रपट परदेशातही चांगली कमाई करताना दिसत आहे. सॅकनिल्कवर उपलब्ध असलेल्या माहितीनुसार, ‘धुरंधर २: द रिव्हेंज’ने आतापर्यंत जगभरात ₹५०१.०४ कोटी कमावले आहेत. हे आकडे एकूण कमाईवर आधारित आहेत. तसेच भारतात या चित्रपटाने ₹४०४.५४ कोटींची कमाई केली आहे. दरम्यान, ‘धुरंधर २’ ने परदेशात ₹९६.५० कोटी कमावले आहेत. लवकरच हा चित्रपट जगभरात ₹१०० कोटींच्या क्लबमध्येही प्रवेश करेल अशी अपेक्षा आहे.
Dhurandhar 2 पाहून ऋषभ शेट्टी झाला आदित्य धरचा चाहता; दिग्दर्शकाचं केलं तोंडभरून कौतुक
२०२६ मधील जगभरातील सर्वाधिक कमाई करणारा चित्रपट
जगभरातील सर्वाधिक कमाई करणाऱ्या भारतीय चित्रपटांमध्ये ‘धुरंधर २’ ३० व्या क्रमांकावर आहे. परंतु, केवळ २०२६ मध्ये प्रदर्शित झालेल्या चित्रपटांच्या जगभरातील कमाईची तुलना केल्यास, ‘धुरंधर २’ पहिल्या क्रमांकावर येतो. २०२६ मधील जगभरातील सर्वाधिक कमाई करणाऱ्या पहिल्या ५ चित्रपटांमध्ये धुरंधर २, बॉर्डर २, माना शंकर वर प्रसाद गारु, द राजा साब आणि अनगनगा ओका राजू यांचा समावेश आहे.
.png "Videos"){kind=small}
