‘कलाकारांना नावं ठेवणे थांबवा…’, ‘Sardaar Ji 3’ चित्रपटाच्या वादादरम्यान दिलजीत दोसांझच्या मॅनेजरचे मोठे विधान

दिलजीत दोसांझची एक्स मॅनेजर सोनाली सिंगने अलीकडेच दिलजीत दोसांझची टीकेवर आपले मत मांडले आहे. 'सरदारजी ३' अशा वेळी चित्रित करण्यात आला जेव्हा सध्याचे राजकीय वातावरण तणावपूर्ण आहे असे तिचे म्हणणे आहे.

‘सरदारजी ३’ या नवीन चित्रपटात पाकिस्तानी अभिनेत्री हानिया आमिरसोबत काम करणाऱ्या दिलजीत दोसांझचा वाद वाढत चालला आहे. दरम्यान, दिलजीतची एक्स मॅनेजर सोनाली सिंग त्याच्या समर्थनार्थ समोर आली आहे. तिने सोशल मीडियावर एक लांब पोस्ट शेअर केली आहे आणि म्हटले आहे की दिलजीतला मिळत असलेला द्वेष चुकीचा आणि अत्यंत निराशाजनक आहे.

सोनाली सिंग काय म्हणाली?
सोनालीने तिच्या पोस्टमध्ये म्हटले आहे की दिलजीतने गेल्या २० वर्षांपासून केवळ भारतातच नाही तर जगभरात एक मजबूत ओळख निर्माण केली आहे. तो नेहमीच शीख, पंजाबी आणि भारतीय म्हणून जगासमोर उभा राहिला आहे. तरीही त्याच्याकडे वारंवार संशयाने पाहिले जाते. त्याने कधीही कोणतेही मोठे विधान केले नाही, परंतु त्याने नेहमीच त्याच्या कामाने आणि वागण्याने भारताचा गौरव मिळवला आहे. मुलाखत असो, संगीत असो किंवा स्टेज शो असो, दिलजीतचा संदेश नेहमीच प्रेम, एकता आणि शांतीचा राहिला आहे.’ असे तिने म्हटले आहे.

करोडो रुपयांची मालकीण आहे करिश्मा कपूर; ‘या’ ७ पद्धतीने कमावते पैसा…

 

See more

सोनाली पुढे म्हणाली की, वादग्रस्त ठरणाऱ्या या चित्रपटाचे चित्रीकरण सध्याच्या राजकीय परिस्थिती निर्माण होण्यापूर्वीच पूर्ण झाले होते. त्यामुळे हानिया आमिरच्या चित्रपटात उपस्थितीवर प्रश्नचिन्ह उपस्थित करणे योग्य नाही. तिने असेही म्हटले की, चित्रपटावर बहिष्कार टाकल्याने केवळ निर्मात्यांचेच नाही तर संपूर्ण टीमचेही मोठे नुकसान होण्याची शक्यता आहे.

दिलजीत हा चित्रपट भारतात प्रदर्शित करत नाहीये कारण तो देशाच्या भावनांचा आदर करतो, जरी त्यामुळे त्याला किंवा त्याच्या चित्रपटाला नुकसान होत असले तरी. सोनालीने असेही म्हटले आहे की दिलजीत फक्त स्वतःबद्दल विचार करत नाहीये, तर त्याला निर्माते, चित्रपटाची टीम आणि त्यांच्या कुटुंबांची काळजी आहे, ज्यांचे जीवन या चित्रपटावर अवलंबून आहे. असे तिने म्हटले आहे.

ईशा गुप्ता हार्दिक पांड्याला करत होती डेट? अभिनेत्रीने स्वतःच केला खुलासा, म्हणाली ‘आम्ही दोघेही…’

‘सरदारजी ३’ चित्रपट वादात
सध्या दिलजीत दोसांझचा ‘सरदारजी ३’ हा चित्रपट खूप चर्चेत आहे, पण त्याचे कारण चित्रपटाची कथा किंवा संगीत नाही तर त्यात पाकिस्तानी अभिनेत्री हानिया आमिरची भूमिका आहे. या निर्णयामुळे चित्रपटाच्या टीमला बरीच टीकेचा सामना करावा लागत आहे. या चित्रपटात नीरू बाजवा देखील दिसणार आहे. हा चित्रपट भारतात प्रदर्शित होत नाहीये, तो २७ जून रोजी फक्त परदेशात प्रदर्शित होणार आहे.