Nitish Kumar Hijab Controversy: ‘नितीश कुमारांनी बिनशर्त माफी मागावी…’, हिजाब प्रकरणानंतर ‘दंगल गर्ल’ झायरा वसीम संतापली

१५ डिसेंबर २०२५ रोजी पाटणा येथील एका सरकारी कार्यक्रमात प्रमाणपत्र वितरण करताना त्यांनी एका महिला डॉक्टरचा हिजाब ओढल्याची घटना घडली. या घटनेचा व्हिडिओ तोफाच्या वेगाने सोशल मीडियावर व्हायरल झाला.

 

• बिहारमध्ये हिजाबवरून मोठा गदारोळ
• मुख्यमंत्र्यांनी महिलेचा बुरखा काढला
• ‘दंगल गर्ल’ झायरा वसीम आक्रमक

Zaira Wasim on Nitish Kumar: बिहारचे मुख्यमंत्री नितीश कुमार (Nitish Kumar) पुन्हा एकदा एका संवेदनशील मुद्द्यावरून वादाच्या केंद्रस्थानी आले आहेत. १५ डिसेंबर २०२५ रोजी पाटणा येथील एका सरकारी कार्यक्रमात प्रमाणपत्र वितरण करताना त्यांनी एका महिला डॉक्टरचा हिजाब ओढल्याची घटना घडली. या घटनेचा व्हिडिओ तोफाच्या वेगाने सोशल मीडियावर व्हायरल झाला असून, त्यानंतर नितीश कुमार विरोधकांसह जनतेच्या तीव्र टीकेचे लक्ष्य झाले आहेत.

‘हा अपमान आहे, बिनशर्त माफी मागा!’ – झायरा वसीम

या व्हायरल व्हिडिओवर बॉलिवूड फेम ‘दंगल गर्ल’ झायरा वसीमने (Zaira Wasim) अतिशय संतापजनक प्रतिक्रिया दिली आहे. चित्रपटांपासून दूर असली तरी सोशल मीडियावर सक्रिय असलेल्या झायराने (पूर्वीचे ट्विटर) एक पोस्ट शेअर केली आणि नितीश कुमार यांनी बिनशर्त माफी मागावी, अशी मागणी केली.

झायरा वसीम आपल्या पोस्टमध्ये म्हणाली:

“एका महिलेची प्रतिष्ठा आणि शिष्टाचार हे खेळण्यासारखे खेळणे नाही, विशेषतः सार्वजनिक व्यासपीठावर नाही. एक मुस्लिम महिला म्हणून, दुसऱ्या महिलेचा बुरखा इतक्या सहजपणे खाली ओढलेला पाहणे अत्यंत अपमानजनक होते, त्यासोबत ते बेफिकीर हास्य होते. सत्ता म्हणजे सीमा ओलांडणे असे नाही. नितीश कुमार यांनी त्या महिलेची बिनशर्त माफी मागावी.”

See more

A woman’s dignity and modesty are not props to toy with. Least of all on a public stage. As a Muslim woman, watching another woman’s niqab being pulled at so casually, accompanied by that nonchalant smile, was so infuriating. Power does not grant permission to violate… — Zaira Wasim (@ZairaWasimmm) December 15, 2025

हे देखील वाचा: Video: नितीश कुमार वादाच्या भोवऱ्यात! सार्वजनिक कार्यक्रमात महिलेचा हिजाब काढला, विरोधक संतापले

नेमके काय आहे ‘हिजाब’ प्रकरण?

सोमवारी (१५ डिसेंबर) मुख्यमंत्री सचिवालय, संवाद येथे १,००० हून अधिक नवनियुक्त आयुष डॉक्टरांना नियुक्ती पत्रे वाटण्याचा कार्यक्रम होता. याच कार्यक्रमात डॉ. नुसरत नावाच्या महिला डॉक्टरला नियुक्ती पत्र देण्यात आले. मुख्यमंत्री नितीश कुमार यांनी स्टेजवर डॉ. नुसरत यांना पत्र दिल्यानंतर, त्यांनी तिच्या हिजाबकडे बोट दाखवले आणि विचारले, “हे काय आहे?” यानंतर त्यांनी अचानक महिलेचा हिजाब खाली ओढला. त्यांच्यामागे उभे असलेले उपमुख्यमंत्री सम्राट चौधरी हे मुख्यमंत्र्यांना असे करण्यापासून रोखण्यासाठी त्यांची बाही ओढताना स्पष्टपणे दिसत आहेत, परंतु नितीश कुमार यांनी अचानक हिजाब ओढला आणि हसू लागले.

See more

नीतीश कुमार की इस हरकत पर सभी को सांप सूँघ जाएगा। बिहार के मुख्यमंत्री पद पर बैठे व्यक्ति को ऐसा करना चाहिए? किसी विपक्षी नेता की ऐसी हरकत होती तो अबतक एंकर किला लाद लिए होते!! pic.twitter.com/kMKCPm6Wu1 — Govind Pratap Singh | GPS (@govindprataps12) December 15, 2025

सोशल मीडियावर तीव्र संताप

समारंभाचा हा व्हिडिओ सोशल मीडियावर येताच लोकांनी तीव्र संताप व्यक्त केला. विरोधी पक्षांकडूनही नितीश कुमार यांच्यावर टीकास्त्र सोडण्यात आले. ‘संवैधानिक पदावर असलेल्या व्यक्तीने एका महिलेच्या धार्मिक वेशभूषेशी सार्वजनिकरित्या असे कृत्य करणे अत्यंत निंदनीय आहे,’ अशा प्रतिक्रिया नागरिकांनी दिल्या आहेत.

हे देखील वाचा: Bihar oath taking ceremony : आमदारांना वाचताही येईना! नितीश कुमारांच्या महिला नेत्याची शपथ घेताना सभागृहात उडाली धांदल