शुक्रवार, 23 ऑक्टोबर 2026
(फोटो सौजन्य - इन्स्टाग्राम)
Jolly LLB 3: अक्षय कुमार आणि अर्शद वारसीला पुणे न्यायालयाचे समन्स; दिले हजर राहण्याचे आदेश
चित्रपटाचे नवीन पोस्टर प्रदर्शित
हर्षवर्धन राणे यांनी आज त्याच्या इन्स्टाग्रामवर चित्रपटाशी संबंधित एक नवीन पोस्टर रिलीज केले आहे. या पोस्टरमध्ये आग आहे, जी हृदयाच्या आकारात दिसते. या जळत्या हृदयात चित्रपटाचे मुख्य कलाकार हर्षवर्धन राणे आणि सोनम बाजवा दिसत आहेत. पोस्टरमध्ये सोनम बाजवा रागावलेली दिसत आहे, तर हर्षवर्धन राणेच्या डोळ्यातून अश्रू वाहत आहेत. चित्रपटाच्या पोस्टरने चाहत्यांचे लक्ष वेधले आहे, आणि चाहते आता चित्रपट पाहण्यासाठी आतुर आहेत.
उद्या प्रदर्शित होणार टीझर
या पोस्टरसोबतच निर्मात्यांनी चित्रपटाची रिलीज तारीख आणि टीझर प्रदर्शित होण्याची तारीखही जाहीर केली आहे. पोस्टर शेअर करताना कॅप्शनमध्ये लिहिले आहे की, “या दिवाळीत फक्त दिवेच नाही तर हृदयेही जळतील. प्रेम द्वेषाशी भिडेल, प्रेमींचे वेडेपण आग लावेल.” यासोबतच निर्मात्यांनी सांगितले आहे की ‘एक दीवाने की दिवानीयात’ यावर्षी दिवाळीत २१ ऑक्टोबर रोजी थिएटरमध्ये प्रदर्शित होईल. तर या रोमँटिक चित्रपटाचा टीझर उद्या म्हणजेच २२ ऑगस्ट रोजी प्रदर्शित होणार आहे.
View this post on Instagram
‘Bigg Boss 19’ या दिवशी होणार सुरु, सलमान खानने कुटुंबासह पाहण्याचे केले आवाहन
दिवाळीत ‘थामा’शी स्पर्धा करणार
रिलीजची तारीख समोर आल्यानंतर, हे देखील स्पष्ट झाले आहे की हर्षवर्धन राणे बॉक्स ऑफिसवर आयुष्मान खुराणासोबत स्पर्धा करताना दिसणार आहे. खरंतर, दिनेश विजनचा हॉरर-कॉमेडी युनिव्हर्स चित्रपट ‘थामा’ देखील दिवाळीत प्रदर्शित होणार आहे. अशा परिस्थितीत, आता ‘एक दीवाने की दिवानीयात’ बॉक्स ऑफिसवर ‘थामा’शी स्पर्धा करणार आहे. नुकताच ‘थामा’चा टीझर प्रदर्शित झाला आहे, जो चाहत्यांना खूप आवडला आहे आणि प्रेक्षकही या चित्रपटासाठी खूप उत्सुक आहेत.
त्याचबरोबर हर्षवर्धन राणे यांचे चाहते खूप मोठे आहेत आणि ‘सनम तेरी कसम’ नंतर हा त्यांचा पुढचा रोमँटिक चित्रपट आहे. त्यामुळे लोक या चित्रपटाबद्दल देखील उत्सुक आहेत. अशा परिस्थितीत, या दिवाळीत बॉक्स ऑफिसवर एक रोमांचक टक्कर पाहायला मिळण्याची शक्यता आहे.
दिग्दर्शक मिलाप झवेरी
मिलाप झवेरी दिग्दर्शित ‘एक दिवाने की दिवानियात’ मध्ये हर्षवर्धन राणेसोबत सोनम बाजवा मुख्य भूमिकेत दिसणार आहे. चित्रपटाबद्दल अद्याप जास्त माहिती समोर आलेली नाही. परंतु हे निश्चित आहे की ही एक रोमँटिक-प्रेमकथा असणार आहे. आणि हा चित्रपट येत्या २१ ऑगस्टला सिनेमागृहात प्रदर्शित होणार आहे.
