जॅकी श्रॉफ यांची माथेरानला खास भेट; श्री पिसारनाथ मंदिर येथे दर्शन, बटाटा वड्याचा देखील घेतला आस्वाद

अभिनेता जॅकी श्रॉफ यांनी माथेरानच्या ग्रामदैवत श्री पिसारनाथ मंदिर येथे दर्शन घेतले आहे. ज्याचे फोटो आणि व्हिडीओ आता समोर आले आहेत.

जॅकी श्रॉफ यांचा साधेपणा आणि परंपरेशी असलेलं नातं पुन्हा एकदा समोर आलं आहे. आपल्या व्यस्त वेळापत्रकातून वेळ काढत ते दरवर्षीप्रमाणे माथेरान येथे पोहोचले. येथे त्यांनी ग्रामदैवत श्री पिसारनाथ मंदिर येथे जाऊन अभिषेक करत दर्शन घेतलं. विशेष म्हणजे, गेल्या अनेक वर्षांपासून त्यांनी ही परंपरा कायम ठेवली असून, प्रत्येक महत्त्वाच्या चित्रपटाच्या प्रदर्शनापूर्वी ते येथे येऊन देवदर्शन घेतात.

सुमारे ३०-३५ वर्षांपूर्वी सुरू झालेली ही परंपरा आजही तितक्याच श्रद्धेने सुरू आहे. श्रावण महिन्यातदेखील कितीही व्यस्तता असली तरी माथेरानला भेट देण्याचा त्यांचा प्रयत्न असतो. केवळ दर्शनच नाही, तर इथल्या स्थानिकांशी जुळलेलं नातंही ते तितक्याच आपुलकीने जपतात.

सुरभी ज्योतीने वयाच्या 37 व्या वर्षी दिला जुळ्या बाळांना जन्म; प्रेग्नन्सी गोड बातमी शेअर करत चाहत्यांना दिले सरप्राईज

यावेळी त्यांनी शार्लेट लेक परिसरात फेरफटका मारत आपल्या जुन्या मित्रांना भेट दिली. येथील प्रसिद्ध ‘कदम टी स्टॉल’वर जाऊन त्यांनी चहा आणि बटाटा वड्याचा आस्वाद घेतला. चंद्रा बग, मेघा बग आणि पित्रा बग यांच्यासोबत त्यांनी मनमोकळ्या गप्पा मारत जुन्या आठवणींना उजाळा दिला. स्थानिकांच्या मते, मोठे स्टार असूनही जॅकी श्रॉफ कधीही व्हीआयपी वागणूक घेत नाहीत, तर सर्वांशी अगदी साधेपणाने संवाद साधतात.

माथेरानमध्ये पूर्वी पायी चालण्याची परंपरा असताना जॅकी श्रॉफ यांनीही ती जपली होती. या प्रवासातूनच त्यांचा मोठा मित्रपरिवार तयार झाला, जो त्यांनी आजपर्यंत टिकवून ठेवला आहे. स्थानिक टॅक्सी चालक किशोर भोईर यांनी सांगितले की, जॅकी श्रॉफ यांनी नेरळ ते माथेरान दरम्यानच्या जंगलातील प्राणी-पक्ष्यांच्या पाण्याच्या समस्येबाबतही पुढाकार घेतला असून, ती सोडवण्यासाठी लवकरच उपाययोजना करण्याचे आश्वासन दिले आहे. एकंदरीत, स्टारडमच्या शिखरावर असूनही जॅकी श्रॉफ यांनी जपलेला साधेपणा, परंपरा आणि माणुसकी यामुळेच ते आजही चाहत्यांच्या मनात विशेष स्थान मिळवून आहेत.

भारत माता चित्रपटगृहात ‘सुपर डुपर’चा भव्य प्रीमियर; 6 वर्षांनंतर थिएटरचा दिमाखदार पुनरागमन सोहळा

सध्या माथेरान मध्ये पर्यावरण पूरक ई रिक्षा सुरू झाल्या आहेत, मात्र पूर्वी पायी चालण्याशिवाय पर्याय नव्हता. त्यावेळी टॅक्सी स्टँड येथे उतरून पायी चालत जाऊन शार्लेट लेक येथे जाऊन दर्शन घेण्याची सुरू केलेली परंपरा जपली होती. त्याचा फायदा मोठा मित्र परिवार जॅकी यांचा माथेरान मध्ये निर्माण झाला आणि तो मित्र परिवार टिकवून ठेवण्याचे काम जॅकी यांनी कायम ठेवले आहे.