BO Collection: ‘कांतारा चॅप्टर १’ ची तुफान कमाई, लवकरच ४०० कोटींच्या क्लबमध्ये होणार सामील

'कांतारा चॅप्टर १' चित्रपटाने बॉक्स ऑफिसवर धुमाकूळ घातला आहे. चित्रपटाची चांगली कमाई सुरु असून, आता हा चित्रपट ४०० कोटींच्या क्लबमध्ये सामील होण्यासाठी किती दूर आहे जाणून घेऊयात.

• ‘कांतारा चॅप्टर १’ ची तुफान कमाई
• चित्रपट ४०० कोटींच्या क्लबमध्ये होणार सामील
• ‘कांतारा’ चे एकूण बॉक्स ऑफिस कलेक्शन

ऋषभ शेट्टीचा “कांतारा चॅप्टर १” हा चित्रपट बॉक्स ऑफिसवर सातत्याने रेकॉर्ड तोडत आहे. हा चित्रपट प्रचंड कमाई करत आहे. चित्रपटाने आतापर्यंत सैयारा सारख्या अनेक चित्रपटांनाही मागे टाकले आहे. तसेच, बॉक्स ऑफिसवर चित्रपट नवनवीन रेकॉर्ड बनवत आहेत. ४०० कोटींच्या क्लबमध्ये सामील होण्यासाठी हा चित्रपट एवढाच दूर आहे. चला जाणून घेऊया चित्रपटाचे आतापर्यंतचे बॉक्स ऑफिस कलेक्शन किती झाले आहे.

कांताराचे १० व्या दिवशीचे कलेक्शन
सॅकनिल्कच्या मते, कांताराने दुसऱ्या शनिवारी म्हणजेच १० व्या दिवशी ३७ कोटी रुपये कमावले. चित्रपटाच्या दुसऱ्या शनिवारी कलेक्शनचे अधिकृत आकडे अद्याप उपलब्ध नाहीत. परंतु, जर चित्रपटाने १० व्या दिवशी ३७ कोटी रुपये कमावले तर त्याचे एकूण कलेक्शन ३९६.६५ कोटी रुपये झाले आहे. चित्रपटाला प्रेक्षकांचा भरभरून प्रतिसाद मिळत आहे.

बिग बींच्या वाढदिवसानिमित्त शिल्पा शिरोडकरची खास पोस्ट; म्हणाली, “लहानपणी त्यांच्याशी लग्न…”

हा चित्रपट ४०० कोटी क्लबपासून फक्त एक इंच दूर आहे. चित्रपटाने सैयारा (३२९.२ कोटी), वॉर २ (२३६.५५ कोटी) आणि कुली (२८५ कोटी) सारख्या चित्रपटांना मागे टाकले आहे. हा चित्रपट आता छावाचा रेकॉर्ड मोडण्याच्या मार्गावर आहे, ज्याने देशांतर्गत बॉक्स ऑफिसवर ६०० कोटींपेक्षा जास्त कमाई करून नवा रेकॉर्ड बनवला आहे. छावा वर्षातील दुसऱ्या क्रमांकाचा सर्वाधिक कमाई करणारा चित्रपट बनला आहे.

‘कांतारा’ या चित्रपटाचे बॉक्स ऑफिस कलेक्शन
‘कांतारा’ने पहिल्या दिवशी ६१.८५ कोटी रुपये कमावले. दुसऱ्या दिवशी ४५ कोटी रुपये कमावले. तिसऱ्या दिवशी ५५ कोटी रुपये कमावले. चौथ्या दिवशी ६३ कोटी रुपये कमावले. पाचव्या दिवशी ३१.५ कोटी रुपये कमावले. सहाव्या दिवशी ३४ कोटी रुपये, सातव्या दिवशी २५.२५ कोटी रुपये आणि आठव्या दिवशी २१.१५ कोटी रुपये कमावले. पहिल्या आठवड्यात चित्रपटाने ३३७.४ कोटी रुपये कमावले. नवव्या दिवशी २२.२५ कोटी रुपये कमावले. चित्रपटाचा बॉक्स ऑफिसवर धबधबा सुरूच आहे.

प्रथा- हँडलूम साड्यांचा नवा अध्याय, सेलिब्रिटींच्या उपस्थितीत उत्साहात उद्घाटन

‘कांतारा’ चित्रपटाचे दिग्दर्शन ऋषभ शेट्टी यांनी केले आहे, तसेच अभिनेत्याने चित्रपटात मुख्य भूमिका साकारली आहे. यात रुक्मिणी वसंत, गुलशन देवैया आणि जयराम यांच्याही भूमिका आहेत. हा २०२२ च्या ब्लॉकबस्टर ‘कांतारा’ चित्रपटाचा प्रीक्वल आहे. बॉक्स ऑफिसवर ‘सनी संस्कार की तुलसी कुमारी’ चित्रपटाशी त्याची टक्कर होत आहे. या चित्रपटात जान्हवी कपूर आणि वरुण धवन मुख्य भूमिकेत आहेत. परंतु, त्याचा कांतारवर कोणताही परिणाम झालेला नाही.