‘छावा’ चा ‘कांतारा चॅप्टर १’ लवकरच मोडणार रेकॉर्ड? ऋषभ शेट्टीच्या चित्रपटाचा १२ व्या दिवशीही धबधबा

ऋषभ शेट्टीच्या "कांतारा चॅप्टर १" या चित्रपटाची बॉक्स ऑफिसवर जोरदार कमाई सुरु आहे. परंतु, तो अजूनही "छावा" पेक्षा मागे आहे. ऋषभ शेट्टीच्या चित्रपटाने आतापर्यंत किती कमाई केली आहे जाणून घेऊयात.

• ‘छावा’ चा ‘कांतारा चॅप्टर १’ लवकरच मोडणार रेकॉर्ड?
• ऋषभ शेट्टीच्या चित्रपटाचा १२ व्या दिवशीही धबधबा
• ‘कांतारा चॅप्टर १’ चित्रपटाची एकूण कमाई

ऋषभ शेट्टीचा “कांतारा चॅप्टर १” चित्रपटगृहात प्रदर्शित होऊन १२ दिवस झाले आहेत. हा चित्रपट अजूनही बॉक्स ऑफिसवर वर्चस्व गाजवत आहे. त्याने “सैयारा” पासून “कुली” पर्यंतच्या प्रत्येक चित्रपटाला मागे टाकले आहे. परंतु, तो अजूनही विकी कौशलच्या “छावा” पेक्षा मागे आहे. चित्रपटाच्या कमाईकडे पाहता असे दिसते की “कांतारा चॅप्टर १” लवकरच “छावा” ला मागे टाकू शकेल. पहिल्या दिवशी जोरदार कमाई केल्यानंतर, “कांतारा चॅप्टर १” ने त्याच्या प्रभावी वीकेंड कमाईने सर्वांना आश्चर्यचकित केले. १२ व्या दिवशी चित्रपटाने किती कमाई केली हे जाणून घेऊयात.

“कॉलेजमधील प्रेमिकापासून ते…” कॉमेडियन Sayali Raut लवकरच अडकणार लग्नबंधनात! सोशल मीडियावर शेअर केले Photos

“कांतारा चॅप्टर १” ने १२ व्या दिवशी किती कमाई केली?
सॅकनिल्कच्या अहवालानुसार, ऋषभ शेट्टीच्या “कांतारा चॅप्टर १” ने १२ व्या दिवशी १३.५० कोटींची कमाई केली. परंतु, हे आकडे आठवड्याच्या शेवटीपेक्षा कमी असल्याचे दिसून येते. १२ दिवसांत, ऋषभ शेट्टीच्या चित्रपटाने भारतात ४५१.९० कोटी रुपये कमावले आहेत. येत्या आठवड्याच्या शेवटी त्याच्या कमाईत वाढ होण्याची अपेक्षा आहे. पहिल्या दिवशी ६१.८५ कोटी रुपये कमवणाऱ्या “कंथारा चॅप्टर १” ने पहिल्या आठवड्यात ३३७.४ कोटी रुपये कमावले आहे.

‘कांतारा चॅप्टर १’ ‘छावा’ पेक्षा किती अंतरावर आहे?
दुसरीकडे, जगभरातील कमाईच्या बाबतीत, ऋषभ शेट्टीच्या चित्रपटाने जगभरात ₹६३५.५ कोटी कमावले आहेत. या चित्रपटाने रजनीकांतच्या ‘कुली’ आणि अहान पांडेच्या ‘सैयारा’ ला मागे टाकले आहे. परंतु, ऋषभ शेट्टीचा चित्रपट अजूनही विकी कौशलच्या ‘छावा’ पेक्षा काही पावले मागे आहे. ‘छावा’चे बॉक्स ऑफिस कलेक्शन ₹८०७.९१ कोटी आहे. आकडेवारीनुसार, ऋषभ शेट्टीचा चित्रपट ₹१७२.४१ कोटी मागे आहे.

प्रसिद्ध कॉमेडी अभिनेते Raju Talikote यांचे निधन, दक्षिण चित्रपटसृष्टीत पसरली शोककळा

चित्रपटाची संपूर्ण स्टारकास्ट ?
‘कांतारा चॅप्टर १’ ची क्रेझ प्रेक्षकांमध्ये कायम आहे. प्रेक्षक पहिल्या दिवसापासूनच ऋषभ शेट्टीचे कौतुक करत आहेत. या चित्रपटात ऋषभ शेट्टी, रुक्मिणी वसंत, गुलशन देवैया आणि जयराम हे कलाकार आहेत. मुख्य भूमिकेसोबतच ऋषभ शेट्टीने चित्रपटाचे दिग्दर्शनही केले आहे. या चित्रपटाला प्रेक्षकांचा चांगला प्रतिसाद मिळत आहेत.