(फोटो सौजन्य-Social Media)
11 सप्टेंबर रोजी बॉलिवूड अभिनेत्री मलायका अरोरावर दुःखाचा डोंगर कोसळला. तिचे वडील अनिल मेहता यांनी त्यांच्या सोसायटीच्या सहाव्या मजल्यावरून उडी मारून आत्महत्या केली आहे. या प्रकरणामुळे हिंदी चित्रपटसृष्टी हादरली आहे. मलायकाच्या वडिलांच्या घरी इंडस्ट्रीतील सर्व स्टार्स पोहोचले आहेत. तसेच या दु:खाच्या वेळी सोशल मीडियावर अनेक सेलिब्रिटींनी अभिनेत्रीला पाठिंबा दिला आहे. आता या प्रकरणी मलायका अरोराची मैत्रिण आणि द बकिंघम मर्डर्स अभिनेत्री करीना कपूर खानने तिच्या कामावर मोठी कारवाई केली आहे.
करीना कपूरने उचलले मोठे पाऊल
बी-टाऊनमधील मलायका अरोरा आणि करीना कपूर यांची मैत्री सर्वत्र प्रसिद्ध आहे. अनेक प्रसंगी मैत्रीचा आदर्श ठेवणाऱ्या या दोन अभिनेत्री एकमेकांच्या खूप जवळ आहेत. आता मलायकाच्या वडिलांनी आत्महत्येने आपला जीव गमावला असताना, करिनाने तिच्या मैत्रिणीचे दुःख शेअर केले आहे. न्यूज 18 शोशाच्या रिपोर्टनुसार, करिनाने तिच्या आगामी चित्रपट द बकिंगहॅम मर्डर्सशी संबंधित सर्व कार्यक्रम तिच्या टीमच्या वतीने तूर्तास पुढे ढकलले आहेत. मुंबईत गुरुवारीही बेबो एका कार्यक्रमाचा भाग असणार होती, पण अभिनेत्री त्यातही सहभागी होणार नाही. अशाप्रकारे मलायका अरोराच्या वडिलांच्या निधनाच्या पार्श्वभूमीवर करीना कपूरने मोठा त्याग केला आहे. मित्र वाईट काळात मित्राला मदत करतो हे विधान करिनाच्या या कृतीतून सिद्ध झाले आहे. अनिल मेहताच्या आत्महत्येनंतर करीना लगेचच मलायकाच्या आई-वडिलांच्या घरी पोहचली होती.
हे देखील वाचा- सिनेमा प्रेमींसाठी येणारे काही महिने मिळणार चित्रपटांची मेजवानी, हे सिनेमे आगामी काळात होणार प्रदर्शित
करिनाचा हा चित्रपट रिलीज कधी होणार
प्रदीर्घ काळानंतर करीना कपूर रुपेरी पडद्यावर पुनरागमन करण्यासाठी सज्ज झाली आहे. दिग्दर्शक हंसल मेहता दिग्दर्शित करिनाचा आगामी चित्रपट ‘द बकिंगहॅम मर्डर्स’ १३ सप्टेंबर २०२४ रोजी चित्रपटगृहात प्रदर्शित होणार आहे.
.png "Videos"){kind=small}
