कतरिना कैफचा जन्म ब्रिटिश हाँगकाँगमध्ये झाला आणि तिला ब्रिटिश अभिनेत्री म्हणून संबोधले जाते. तिची आई ब्रिटिश होती आणि तिचे वडील मोहम्मद कैफ हे काश्मिरी वंशाचे व्यापारी होते. असे असूनही कतरिनाला भारतीय सण साजरे करायला खूप आवडतात. तसेच ती आता तिचा पती आणि अभिनेता विकी आणि आनंदी कुटुंबासह होळी साजरी करत आहे. हे जोडपे एकत्र नाताळ, नवीन वर्ष आणि सर्व भारतीय सण साजरे करताना दिसत असतात. आता अश्यातच त्यांनी होळीचे फोटो सोशल मीडियावर शेअर केले आहे.
कतरिनाच्या प्रेमाच्या रंगात रंगला विकी कौशल, कुटुंबासोबत होळी केली साजरी! (फोटो सौजन्य - Instagram)
१४ मार्च २०२५ रोजी, संपूर्ण देश होळी साजरी करत आहेत. विकी कौशल आणि कतरिना कैफ यांनीही त्यांच्या कुटुंबासह मुंबईतील त्यांच्या घरी रंगांचा सण साजरा केला. त्याचे फोटो आता सोशल मीडियावर व्हायरल होत आहे.
जोडप्यांची शेअर केलेल्या फोटोमध्ये कतरिना कैफ आणि विकी कौशल विकीचे आई-वडील, शाम कौशल आणि वीणा कौशल, तसेच त्याचा भाऊ सनी आणि कतरिनाची बहीण इसाबेल कैफ हे सगळे एकत्र दिसत आहेत.
पहिल्या फोटोमध्ये, विकी, कतरिना, इसाबेल आणि सनी यांनी पांढऱ्या रंगाचे कपडे परिधान केले आहे. आणि ते हवेत रंग उधळताना दिसत आहेत. त्यांच्या चेहऱ्यावर रंग लावलेला दिसत असून, सगळे आनंदी दिसत आहेत.
तर, दुसऱ्या फोटोमध्ये विकी, कतरिना आणि त्यांचे पालक त्यांच्या चाहत्यांना 'होळीच्या शुभेच्छा' देताना दिसत आहे आणि तो एक आनंददायी क्षण वाटत आहे. कुटुंब होळी खेळण्यासाठी एकत्र आले आणि ते मजा मस्ती करताना दिसत आहेत.
तसेच शेअर केलेल्या व्हिडीओ मध्ये करताना विकीच्या गालाला रंग लावताना दिसत आहे. तसेच, कतरिना चेहऱ्यावर आनंद दिसत आहे. दोघांना एकत्र पाहून चाहत्यांना खूप आनंद होत आहे. आणि कंमेंट करून त्याला प्रतिसाद देत आहे.
