Prime Video वरील ‘माँ का सम’चा ट्रेलर रिलीज; गणित आणि प्रेमाच्या अनोख्या समीकरणाची रंजक कथा

Prime Video वरील ‘माँ का सम’मध्ये गणित आणि प्रेमाच्या अनोख्या समीकरणाची भावनिक कथा ३ एप्रिलपासून पाहायला मिळणार आहे. या मालिकेमध्ये मोना सिंग आणि मिहिर आहुजा मुख्य भूमिकेत दिसणार आहे.

• Prime Video वरील ‘माँ का सम’चा ट्रेलर रिलीज
• गणित आणि प्रेमाच्या अनोख्या समीकरणाची कथा
• ‘माँ का सम’ कधी होणार प्रदर्शित?

 

भारतातील लोकप्रिय OTT प्लॅटफॉर्म Prime Video ने आपल्या आगामी ओरिजिनल मालिके ‘माँ का सम’चा हृदयस्पर्शी आणि मनोरंजक ट्रेलर प्रदर्शित करत प्रेक्षकांची उत्सुकता वाढवली आहे. गणित आणि प्रेम यांसारख्या दोन वेगळ्या जगांना एकत्र आणणारी ही अनोखी कथा प्रेक्षकांना एक वेगळाच अनुभव देण्यास सज्ज आहे.

दिग्दर्शक निकोलस खार्कोंगोर यांच्या दिग्दर्शनाखाली आणि निर्माती बबिता आशिवाल यांच्या निर्मितीत तयार झालेली ही मालिका युनोइया फिल्म्सच्या बॅनरखाली साकारली आहे. लेखक रविंदर रंधावा आणि सुमृत शाही यांनी या कथेला एक वेगळीच उंची दिली आहे. मालिकेत मोना सिंग, मिहिर आहुजा, अंगिरा धर आणि रणवीर ब्रार प्रमुख भूमिकांमध्ये झळकणार आहेत.

उमेश कामत आणि प्रिया बापटची ‘हे काय नवीन?’ वेब सीरिज प्रेक्षकांच्या भेटीस; उलघडणार नात्यांच्या वास्तवाला भिडणारी कथा

‘माँ का सम’ची कथा अगस्त्य या १९ वर्षांच्या गणितातील प्रतिभावान तरुणाभोवती फिरते. गणितातील सूत्रांवर पूर्ण विश्वास ठेवणारा अगस्त्य प्रेमालाही एका समीकरणासारखं समजण्याचा प्रयत्न करतो. “गणित असो किंवा प्रेम… दोन्ही एकच समीकरण आहे,” या विचारातून तो ‘प्रोजेक्ट मॉम’ची सुरुवात करतो—आपल्या एकल आई विनितासाठी (मोना सिंह) योग्य जोडीदार शोधण्याचा हा त्याचा खास प्रयत्न असतो.

कथा पुढे सरकत असताना तर्क आणि भावना यांच्यातील संघर्ष अधिक ठळकपणे समोर येतो. रहस्यमय गणित प्राध्यापिका इरा (अंगीरा धर)च्या आगमनामुळे अगस्त्यच्या या मिशनला नवा ट्विस्ट मिळतो. दोघे मिळून परफेक्ट मॅच शोधण्यासाठी गणिती पद्धती तयार करण्याचा प्रयत्न करतात. मात्र, भावनांचे अनपेक्षित वळण आणि मानवी नात्यांची गुंतागुंत ही कोणत्याही समीकरणात बसत नाही, हे हळूहळू स्पष्ट होत जाते.

या मालिकेची खासियत म्हणजे, ती केवळ प्रेमकथा किंवा कमिंग-ऑफ-एज स्टोरी नाही, तर नात्यांच्या विविध छटा दाखवणारी एक संवेदनशील आणि वास्तववादी कथा आहे. दिग्दर्शक निकोलस खारकोंगोर यांच्या मते, गणिताच्या माध्यमातून भावनांना वेगळ्या दृष्टिकोनातून मांडण्याचा प्रयत्न या मालिकेत करण्यात आला आहे. त्यामुळे ही कथा अधिक ताजी आणि वेगळी वाटते.

Ranbir Kapoor च्या ‘रामायण’बद्दल मोठी अपडेट, हनुमान जयंतीला दिसणार प्रभू रामाची नवी झलक

विनिताची भूमिका साकारणाऱ्या मोना सिंह यांच्यासाठीही हा प्रोजेक्ट खास ठरला आहे. एका एकल आईच्या भूमिकेतून त्या प्रेम, विश्वास आणि नात्यांतील उबदारपणा नव्या पद्धतीने साकारताना दिसणार आहेत. तर अगस्त्यची भूमिका साकारणाऱ्या मिहिर आहूजा याने आईवरील प्रेम आणि तिच्या आनंदासाठी केलेला संघर्ष अतिशय प्रामाणिकपणे मांडला आहे. विनोद, भावना आणि वास्तवाचा सुंदर संगम असलेली ‘माँ का सम’ ही मालिका ३ एप्रिलपासून Prime Video वर हिंदी भाषेत प्रदर्शित होणार आहे. तसेच तमिळ, तेलुगू, कन्नड आणि मल्याळम भाषांमध्ये उपशीर्षकांसह ही मालिका भारतासह जगभरातील २४० हून अधिक देशांमध्ये प्रेक्षकांना पाहता येणार आहे.